လံာ်မံကၤ 4:4 - Sgaw Karen Common Bible

⁴ ပှၤကိးဂၤဒဲးကအိၣ်မုာ်ဆိးပၢၤလၢအစပံးလီၢ်တဖၣ်ဒီး အချၢၣ်ဒၢထူၣ်တဖၣ်ဒၣ်ဝဲအကျါ, ပှၤတမၤပျံၤအီၤနီတဂၤလၢၤဘၣ်. တၢ်သုးမုၢ်ဂီၢ်မုၢ်အယွၤအၢၣ်လီၤအီလီၤတ့ၢ်တၢ်အံၤလီၤ.

လံာ်မံကၤ 4:4 Iomraidhean Croise

လံာ်စီၤပၤအခီၣ်ထံးတဘ့ၣ် 4:25

ဖဲစီၤၡလိၤမိၤအိၣ်မူသးဝးဝဲအဆၢကတီၢ်န့ၣ်, ပှၤဂီၢ်မုၢ်လၢကီၢ်ယူဒၤဒီးကီၢ်အံၣ်စရ့လးသကုၤဆးဒးအိၣ်ဝဲ ဆိးဝဲလၢတၢ်ဘံၣ်တၢ်ဘၢအပူၤ, ဟံၣ်ဖိဃီဖိတဒူၣ်ဘၣ်တဒူၣ်အိၣ်ဒီးအစပံးအမုၢ်တဖၣ်ဒီးအချၢၣ် ဒၢအထူၣ်တဖၣ်ဒၣ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:5

ယွၤအၢၣ်လီၤတ့ၢ်ယပၢ်စီၤဒၤဝံးလၢ, နဖိခွါလၢယကဒုးကဲထီၣ် အီၤစီၤပၤလၢနလီၢ်ခံန့ၣ်, ကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်လီၤ. ဒီးခဲကနံၣ်အံၤယပာ်လီၤယသးလၢယကသူၣ်ထီၣ်တၢ်လုၢ်ဟံၣ် အဝဲန့ၣ်လၢတၢ်ကဘူၣ်ထီၣ်ဘါထီၣ်ယွၤယကစၢ်ယွၤအဂီၢ်န့ၣ်လီၤ.

လံာ်စီၤယိၤဘး 11:19

နတပျံၤဘၣ်နဒုၣ်နဒါတဖၣ်လၢၤဘၣ်. ပှၤအါဂၤကဃ့နၤလၢတၢ်မၤ စၢၤန့ၣ်လီၤ.

စံးထီၣ်ပတြၢၤ 72:3

မ်ကစၢၢ်ကလိကဟဲစိာ်တၢ်ဘီၣ်တၢ်ညီ လၢပှၤဂီၢ်မုၢ်အဂီၢ်, ဒီးတၢ်လူၢ်တဖၣ်ဟဲစိာ် တၢ်တီတၢ်လိၤအတၤသၣ်န့ၣ်တက့ၢ်.

တၢ်ကတိၤဒိ. 3:25

နတဘၣ်ဘၣ်ယိၣ်လၢတၢ်တတၢးတနါသတူၢ်ကလာ်တဖၣ်က ဟဲဘၣ်နၤ, ဒ်ကလံၤမုၢ်ဟဲဘၣ်ပှၤတတီတလိၤတဖၣ်အသိးန့ၣ်ဘၣ်.

လံာ်ယၡါယၤ 1:20

ဘၣ်ဆၣ်သုမ့ၢ်ခီၣ်ဆၢယၤဒီး, သုကဘၣ်တၢ်စံၣ်ညီၣ်ဃါမနၤ ဆူတၢ်သံလီၤ. ယၤ, ယွၤန့ၣ်, ကတိၤလံတၢ်လံ.”

လံာ်ယၡါယၤ 17:2

ကီၢ်စူၤရံအဝ့ၢ်တဖၣ်ကဘၣ်တၢ်ဟးသဒၣ်ကွံာ်အီၤလီၤထူလီၤယိာ် လီၤ. ကကဲထီၣ်သိဒီးကျီၢ်အီၣ်ဆၣ်အလီၢ်, ဒီးပှၤတနီၣ်ထီၣ်ဟီထီၣ်ကွံာ်အဝဲသ့ၣ်နီတဂၤဘၣ်.

လံာ်ယၡါယၤ 22:25

ဖဲတၢ်န့ၣ်မၤအသးဒီး, နီၣ်စဲလၢအဘၣ်တၢ်စဲထီအီၤဂၢၢ်ဂၢၢ် ကျၢၤကျၢၤန့ၣ်, ကလီၤဖျုဒီးလီၤတဲာ်ကွံာ်ဝဲန့ၣ်လီၤ. ဒီးတၢ်န့ၣ်, ကမ့ၢ်တၢ်အကတၢၢ်လၢတၢ်ခဲလၢာ်လၢအဘျး လီၤစဲၤအသးလၢအလိၤအဂီၢ်န့ၣ်လီၤ.” ယွၤကတိၤတ့ၢ်လံတၢ်န့ၣ်လီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 36:16

ဒိကနၣ်စီၤပၤဃံးစကံယၤတဂ့ၤ. ကီၢ်အၤၡူၢ်အစီၤပၤဖးဒိၣ် ဟ့ၣ်လီၤအကလုၢ်လၢသုကဟဲထီၣ်လၢဝ့ၢ်အပူၤဒီးဟ့ၣ်လီၤသုသး န့ၣ်လီၤ. သုဝဲခဲလၢာ်တၢ်ကပျဲသုအီၣ်စပံးသၣ်တဖၣ်လၢသုစပံးလီၢ်ဒၣ်ဝဲ ဒီးချၢၣ်ဒၢသၣ်တဖၣ်လၢသုချၢၣ်ဒၢအထူၣ်ဒၣ်ဝဲ, ဒီးသုကအီထံလၢသုထံပူၤဒၣ်ဝဲတဖၣ်,

လံာ်ယၡါယၤ 40:5

အန့ၣ်ဒီး, ယွၤအလၤကပီၤကဘၣ်တၢ်လီၣ်ဖျါထီၣ်အီၤ, ဒီးကယဲၢ်ပှၤဟီၣ်ခိၣ်ဖိခဲလၢာ်ကထံၣ်ဘၣ်အီၤလီၤ. ယွၤအနီၢ်ကစၢ်ဒၣ်ဝဲအၢၣ်လီၤတ့ၢ်တၢ်အံၤလီၤ.”

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယၡါယၤ 58:14

သုကထံၣ်န့ၢ်တၢ်သးခုလၢအဟဲလၢသုမၤယတၢ်ခ့တၢ်ပှၤ အတၢ်မၤအဃိလီၤ. ယကဒုးကဲထီၣ်သုလၢပှၤလီၤယူး ယီၣ်ပာ်ကဲလၢဟီၣ်ခိၣ်ဒီဘ့ၣ်ညါ, ဒီးသုကမုာ်လၤသးခုလၢ ထံကီၢ်လၢယဟ့ၣ်လီၤတ့ၢ်သုပၢ်လၢပျၢၤ, စီၤယၤကိာ်န့ၣ်လီၤ.” ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 23:4

ယကဃုထၢပာ်လီၤပှၤပၢတၢ်တဖၣ်လၢကကဟုကယာ်အဝဲသ့ၣ် အဂီၢ်န့ၣ်လီၤ. ယပှၤဂီၢ်မုၢ်အံၤတပျံၤတၢ်လၢၤဘၣ်ဒီးတဘၣ်ယိၣ် ဘၣ်ဘီတၢ်လၢၤဘၣ်, ဒီးယတစံၣ်ညီၣ်ကဒီးအဝဲသ့ၣ်လၢၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 34:28

ပှၤကလုာ်တဖၣ်လၢအတစူၢ်တနာ်ယွၤတဂုာ်ဆူၣ်ပျီဆူၣ်ကဒီး အဝဲသ့ၣ်လၢၤဘၣ်. ဒီးဆၣ်ဖိကီၢ်ဖိအမံၤတဖၣ်တမၤသံဒီး အီၣ်အဝဲသ့ၣ်လၢၤဘၣ်. အဝဲသ့ၣ်ကအိၣ်ဆိးလၢတၢ်ဘံၣ်တၢ်ဘၢ အပူၤ, ဒီးပှၤတမၤပျံၤမၤဖုးအဝဲသ့ၣ်နီတဂၤလၢၤဘၣ်.

လံာ်ယဃ့းစက့လး 38:11

နကပာ်လီၤနသးလၢနကလဲၤထီၣ်ဒုးထံကီၢ်တဘ့ၣ်လၢအမၤစၢၤ လီၤအသးတသ့ဘၣ်, ဖဲပှၤဂီၢ်မုၢ်အိၣ်ဆိးဝဲလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအပူၤ, လၢဝ့ၢ်တဖၣ်လၢအခိၣ်ဒူတအိၣ်ဘၣ်ဒီး တအိၣ်ဒီးတၢ်ဒီသဒၢအီၤနီတမံၤဘၣ်အပူၤန့ၣ်လီၤ.

လံာ်ယဃ့းစက့လး 39:26

တုၤအဝဲသ့ၣ်အိၣ်ဆိးဘၣ်ကဒီးတဘျီလၢတၢ်ပူၤဖျဲးအပူၤလၢ အကီၢ်ဒၣ်ဝဲအပူၤ, တအိၣ်ဒီးပှၤလၢကမၤပျံၤမၤဖုးအီၤနီတဂၤန့ၣ်, အဝဲသ့ၣ်သးပ့ၤနီၣ်ကွံာ်ဝဲလၢအဘၣ်တၢ်မၤမဲာ် ဆှးအီၤဒ်လဲၣ်. လၢအတတီဒီးယၤအဃိသ့ဝဲလီၤ.

လံာ်တၢ်ဘူၣ်ထီၣ်ဘါထီၣ် 26:6

ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

လံာ်မံကၤ 5:3

မၤသးဒ်န့ၣ်ဒီး, ယွၤကဒုးစူးကွံာ်ညိကွံာ်အပှၤဂီၢ်မုၢ်ဆူအဒုၣ်အဒါတဖၣ် အစုပူၤတုၤပိာ်မုၣ်လၢအကဆံးစၢ်တဂၤန့ၣ်န့ၢ်ဘၣ်အဖိခွါလီၤ. တုၤနုၤတစု, အထံဖိကီၢ်ဖိကဒဲကဒဲလၢအဘၣ်တၢ်စိာ်မၢကဲကုၢ်အီၤတဖၣ်န့ၣ်, ကဘၣ်တၢ်ပာ်ဖှိၣ်က့ၤဃုာ်အီၤဒီးအပှၤဂီၢ်မုၢ်ဒၣ်ဝဲလီၤ.

လံာ်စဖါနယၤ 3:13

အံၣ်စရ့လးအပှၤဂီၢ်မုၢ်လၢအအိၣ်မူတ့ၢ်တဖၣ်တမၤ ကမၣ်လၢၤဘၣ်ပှၤနီတဂၤ, တကတိၤလီတၢ်နီတမံၤမ့ၢ်ဂ့ၤ, တကျဲးစၢးလွဲန့ၢ်ပှၤနီတဂၤမ့ၢ်ဂ့ၤဘၣ်န့ၣ်လီၤ. အဝဲသ့ၣ်ကအီၣ်ကုးအီပှဲၤဒီးအိၣ်မုာ်ဆိးပၢၤဒီးတဘၣ် ပျံၤပှၤနီတဂၤဘၣ်န့ၣ်လီၤ.”

လံာ်စကၤရယၤ 3:10

ဖဲမုၢ်နံၤအဝဲန့ၣ်တုၤဝဲဒီး, သုဝဲတဂၤဘၣ်တဂၤ, ကကွဲမုာ်ပှၤလၢသုဃၢၤလၢကဟဲဒီးမုာ်လၤသးခုလၢတၢ်ဃူတၢ် မုာ်ဒီးတၢ်ဘံၣ်တၢ်ဘၢအပူၤ, ဖဲတၢ်လီၢ်လၢစပံးမုၢ်တဖၣ်ဒီးချၢၣ်ဒၢမုၢ်တဖၣ်အိၣ်ဝးတရံး အီၤန့ၣ်လီၤ.”