လံာ်မံကၤ 4:12 - Sgaw Karen Common Bible

¹² ဘၣ်ဆၣ်ဒီးပှၤကလုာ်တဖၣ်အံၤတသ့ၣ်ညါဝဲ တၢ်အိၣ်လၢယွၤအသးပူၤဘၣ်. အနၢ်တပၢၢ်ဘၣ်ဝဲလၢဘၣ်တၢ်ထၢဖှိၣ်အီၤတပူၤဃီလၢတၢ်စံၣ်ညီၣ် အဂီၢ်ဒ်ဘုကဒိၣ်လၢတၢ်စိာ်အီၤဒ်သိးတၢ်ကယီၢ်လီၤအီၤအသိးန့ၣ်ဘၣ်.

လံာ်မံကၤ 4:12 Iomraidhean Croise

စံးထီၣ်ပတြၢၤ 147:19

အဝဲဟ့ၣ်လီၤအပှၤဂီၢ်မုၢ်လၢ အတၢ်ကစီၣ်, အတၢ်မၤလိာ်ဒီးအတၢ်သိၣ်တၢ်သီတဖၣ် ဆူအံၣ်စရ့လးန့ၣ်လီၤ.

စံးထီၣ်ပတြၢၤ 147:20

အဝဲတမၤတ့ၢ်တၢ်ဒ်အံၤလၢ ပှၤကလုာ်အဂၤတဖၣ်န့ၣ်ဘၣ်. အဝဲသ့ၣ်တသ့ၣ်ညါ အတၢ်သိၣ်တၢ်သီတဖၣ်န့ၣ်ဘၣ်. စံးထီၣ်ပတြၢၤယွၤတက့ၢ်.

လံာ်ယၡါယၤ 10:7

ဘၣ်ဆၣ်ဒီး, ကီၢ်အၤၡူၢ်အစီၤပၤဖးဒိၣ်အိၣ်ဒီးအတၢ်ကူၣ် အၢဒၣ်ဝဲလၢအသးပူၤလီၤ. အဝဲပာ်လီၤအသးသပှၢ်တၢၢ်လၢ ကမၤဟးဂီၤပှၤအါကလုာ်လီၤ.

လံာ်ယၡါယၤ 21:10

ယပှၤဂီၢ်မုၢ်အံၣ်စရ့လးဧၢ, သုဘၣ်တၢ်ယီၢ်သုဒ်ပှၤယီၢ်ဘုဟု အသိး, ဘၣ်ဆၣ်အခဲအံၤယဘိးဘၣ်သ့ၣ်ညါသုတၢ်ကစီၣ် အမုာ်လၢယနၢ်ဟူတ့ၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤ, အအိၣ်န့ၣ်လီၤ.

လံာ်ယၡါယၤ 29:7

အန့ၣ်ဒီး, ပှၤကလုာ်အသုးမုၢ်သံၣ်ဘိတဖၣ်လၢအဟဲထီၣ်ဒုး ကစၢ်ယွၤအတၢ်လုၢ်လီၢ်အဝ့ၢ်, ဃုာ်ဒီးအတၢ်စုကဝဲၤဒီး အတၢ်ပီးတၢ်လီတဖၣ်ခဲလၢာ်န့ၣ်, ကလီၤမၢ်ကွံာ်ဝဲဒ်တၢ်မံမီၢ် အသိးဒီးကလီၤဂာ်ဒီးတၢ်တမံၤမံၤလၢတၢ်ဆိကမိၣ်ထီၣ်န့ၢ် အီၤလၢမုၢ်နၤခီအဆၢကတီၢ်န့ၣ်လီၤ.

လံာ်ယၡါယၤ 55:8

ယွၤစံးဝဲဒၣ်, “ယတၢ်ဆိကမိၣ်တဖၣ်တဒ်သိး သုတၢ်ဆိကမိၣ်တဖၣ်ဘၣ်. ဒီးယကျဲတဖၣ်လီၤဆီလိာ်အသးဒီးသုကျဲတဖၣ်လီၤ.

လံာ်ယံးရမံယၤ 29:11

ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.

လံာ်ယံးရမံယၤ 51:20

ယွၤစံးဝဲဒၣ်, “ကီၢ်ဘၤဘူၤလိၣ်ဧၢ, နမ့ၢ်ယခံၣ်ခူၣ်, ယတၢ်ဒုးသုး အစုကဝဲၤလီၤ. ယသူတ့ၢ်နၤလၢ တၢ်မၤသဘှံးပှၤကလုာ် တဖၣ်ဒီးဘီဧိၤမုၢ်ဧိၤတဖၣ်,

လံာ်ယံးရမံယၤ 51:33

တယံာ်လၢၤဘၣ်န့ၣ်, ဒုၣ်ဒါကကျီလီၤကွံာ်အဝဲသ့ၣ်ဒီး ကယီၢ်တံၢ်အီၤဒ် ဘုဧိၤဟုဧိၤလၢကြဲၢ်ပူၤအသိးန့ၣ်လီၤ. ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယိၤအ့လး 3:2

ယကပာ်ဖှိၣ်ပှၤကလုာ်ခဲလၢာ်, ဒီးဟဲစိာ်အီၤဆူတၢ်စံၣ်ညီၣ်အတြီၤပူၤန့ၣ်လီၤ. ဖဲန့ၣ်ယကစံၣ်ညီၣ်အဝဲသ့ၣ် မ့ၢ်လၢအမၤလီၤပြံလီၤပြါယပှၤဂီၢ်မုၢ်အဃိန့ၣ်လီၤ. အဝဲသ့ၣ်မၤလီၤပြံလီၤပြါပှၤအံၣ်စရ့လးဖိလၢတခီထံတခီ ကီၢ်တဖၣ်အပူၤ, ဒီးနီၤဖးကွံာ်ယထံယကီၢ်, ကီၢ်အံၣ်စရ့လးန့ၣ်လီၤ.

လံာ်လူၤကၣ် 3:17

အဝဲဒၣ်လီၤဂာ်ဒီးပှၤတဂၤလၢအဟံးဃာ်အကီၢ်လဲၢ်လၢအစုပူၤ ဒ်သိးအကပညၢကဆှီထီၣ်အဘုတဖၣ်, ဒီးကဂၢ်ဖှိၣ်အဘုကၠူၣ်တဖၣ်ဆူအဘုဖီအပူၤ, မ့မ့ၢ်လီၢ်ဧိၤဒံးဧိၤဒီးဖ့တဖၣ် ကဆူးကဲၤထီၣ်ကွံာ်ဝဲလၢမ့ၣ်အူလၢအလီၤပံာ်တသ့အပူၤန့ၣ်လီၤ.”