လံာ်မံကၤ 4:11 - Sgaw Karen Common Bible

¹¹ ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်မံကၤ 4:11 Iomraidhean Croise

စံးထီၣ်ပတြၢၤ 129:5

မ်ပှၤလၢအသးဟ့စံယိၣ်ခဲလၢာ် ဘၣ်တၢ်မၤနၢၤမၤဃၣ်အီၤဒီး နီၣ်ကဒါက့ၤအီၤန့ၣ်တက့ၢ်.

စံးထီၣ်ပတြၢၤ 83:5

အဝဲသ့ၣ်ကူၣ်လိာ်သကိးအသးလၢ အသးတဖျၢၣ်ဃီဒီး, မၤတၢ်အၢၣ်လီၤထီဒါနၤ,

လံာ်ယၡါယၤ 10:7

ဘၣ်ဆၣ်ဒီး, ကီၢ်အၤၡူၢ်အစီၤပၤဖးဒိၣ်အိၣ်ဒီးအတၢ်ကူၣ် အၢဒၣ်ဝဲလၢအသးပူၤလီၤ. အဝဲပာ်လီၤအသးသပှၢ်တၢၢ်လၢ ကမၤဟးဂီၤပှၤအါကလုာ်လီၤ.

လံာ်ယၡါယၤ 17:12

ပှၤကလုာ်အိၣ်ဒီးအစိအကမီၤတဖၣ်တၢထီၣ်တၢလီၤအိၣ်ဒီး အတၢ်သီၣ်ထီၣ်လီၤဂာ်ဒ်ပီၣ်လဲၣ်သီၣ်ကညီၤထီၣ်ဝဲအသိး ဒီးဒ်လပီဖးဒိၣ်တဖၣ်ဒိဘၣ်ကၢၢ်ပၤနံၤအသီၣ်ရူၢ်ရူၢ်အသိး န့ၣ်လီၤ.

လံာ်ယၡါယၤ 29:7

အန့ၣ်ဒီး, ပှၤကလုာ်အသုးမုၢ်သံၣ်ဘိတဖၣ်လၢအဟဲထီၣ်ဒုး ကစၢ်ယွၤအတၢ်လုၢ်လီၢ်အဝ့ၢ်, ဃုာ်ဒီးအတၢ်စုကဝဲၤဒီး အတၢ်ပီးတၢ်လီတဖၣ်ခဲလၢာ်န့ၣ်, ကလီၤမၢ်ကွံာ်ဝဲဒ်တၢ်မံမီၢ် အသိးဒီးကလီၤဂာ်ဒီးတၢ်တမံၤမံၤလၢတၢ်ဆိကမိၣ်ထီၣ်န့ၢ် အီၤလၢမုၢ်နၤခီအဆၢကတီၢ်န့ၣ်လီၤ.

လံာ်ယံးရမံယၤ 52:4

ဒီးလၢတၢ်န့ၣ်အဃိ, စီၤနဘူၤကးန့စၢ်ဟဲဝဲဒီး အသုးမုၢ်ခဲလၢာ်ဒီး ထီၣ်ဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ပှဲၤထီၣ် ခွံနံၣ်တနံၣ်, ဆံဆဲလါတလါ, လါထီၣ်ဆံဆဲၣ်သီတသီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, ဒီးသူၣ်ထီၣ်တိာ်အဒူၣ်တဖၣ်ဝးတရံးအီၤ,

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ယဃ့းစက့လး 38:17

နမ့ၢ်ပှၤတဂၤလၢယကတိၤတၢ်လၢအဂ့ၢ်ယံာ်တ့ၢ်လံ, ဖဲယဘိးဘၣ် သ့ၣ်ညါတ့ၢ်တၢ်ခီဖျိယခ့ယပှၤကီၢ်အံၣ်စရ့လးအဝံတဖၣ်, လၢမုၢ်နံၤ တဖၣ်လၢအကဟဲဝဲန့ၣ်, ယကဟဲစိာ်ဃီၤပှၤတဂၤလၢ ကဒုးပှၤအံၣ်စရ့လးဖိတဖၣ်န့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဧိၤဘါဒယၤ 1:12

လၢနဒီပုၢ်ဝဲၢ်တဖၣ်လၢကီၢ်ယူဒၤဘၣ်ကီဘၣ်ခဲအမုၢ်နံၤန့ၣ်, နတကြၢးကွၢ်ကီအီၤဒီးဆၢကျၢၤသးအီၤဘၣ်. လၢပှၤယူဒၤဖိဘၣ်တၢ်မၤဟးဂီၤအီၤအမုၢ်နံၤန့ၣ်နတကြၢးသး ခုလၢအဖီခိၣ်ဘၣ်, လၢအဝဲသ့ၣ်ဘၣ်တၢ်ကိၢ်တၢ်ဂီၤအမုၢ်နံၤန့ၣ်နတ ကြၢးကတိၤတၢ်အိၣ်ဒီးတၢ်ပာ်နသးကဖၢလၢဘၣ်.

လံာ်မံကၤ 7:10

တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.