လံာ်မံကၤ 3:5 - Sgaw Karen Common Bible

⁵ ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မံကၤ 3:5 Iomraidhean Croise

တၢ်ကတိၤဒိ. 28:21

တၢ်ကွၢ်မဲာ်တၢ်န့ၣ်မ့ၢ်တၢ်လၢအကမၣ်လီၤ. ဘၣ်ဆၣ်စံၣ်ညီၣ်ကွီၢ်တနီၤနီၤကမၤကမၣ်တၢ်, ဒ်သိးကမၤန့ၢ်ခိၣ်ဖးလာ်ဆှိးအဆံးကတၢၢ်ဒၣ်လဲာ်န့ၣ်လီၤ.

လံာ်ယၡါယၤ 3:12

ဖိဒံဖိသၣ်တဖၣ်မၤနးမၤဖှီၣ်ယပှၤဂီၢ်မုၢ်, ဒီးပိာ်မုၣ်တဖၣ်ပၢတၢ်လၢအဖီခိၣ်လီၤ. အိ, ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ်ဆှၢကမၣ်သုတုၤဒၣ် လဲာ်သုကဘၣ်လဲၤကျဲလၢလဲၣ်န့ၣ်သုတသ့ၣ်ညါအီၤဘၣ်လီၤ.

လံာ်ယံးရမံယၤ 23:27

အဝဲသ့ၣ်ဆိကမိၣ်ဝဲလၢတၢ်မံမီၢ်တဖၣ်လၢအဝဲသ့ၣ်တဲဝဲန့ၣ်, ကဒုးသးပ့ၤနီၣ်ကွံာ်ယပှၤဂီၢ်မုၢ်လၢယၤ, ဒ်အဝဲသ့ၣ်အပၢ်တဖၣ်သးပ့ၤ နီၣ်ကွံာ်ယၤဒီးဃၣ်ဃီၤအသးဆူ, ဘဧၤလးအအိၣ်အသိးန့ၣ်လီၤ.

လံာ်ယံးရမံယၤ 23:32

ဒိကနၣ်တၢ်လၢယၤ, ယွၤအံၤ, စံးဝဲတက့ၢ်. ယထီဒါဝံတဖၣ်လၢအတဲအတၢ်မံမီၢ်တဖၣ်လၢ အပှဲၤဒီးတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်တဲတၢ်မံမီၢ်တဖၣ်အံၤဒီးဆှၢဟးဖျိးကွံာ်ယပှၤဂီၢ်မုၢ်ခီဖျိ အတၢ်လီတၢ်ဝ့ၤတဖၣ်ဒီးအတၢ်ပာ်ကဖၢလၢအသးန့ၣ်လီၤ. ယတမၢလီၤအဝဲသ့ၣ်မ့ၢ်ဂ့ၤ, ဒီးဟ့ၣ်လီၤယကလုၢ်လၢအဝဲသ့ၣ် ကလဲၤတၢ်အဂီၢ်မ့ၢ်ဂ့ၤန့ၣ်ဘၣ်. ဒီးအဝဲသ့ၣ်တကဲထီၣ်တၢ်မၤစၢၤ လၢယပှၤဂီၢ်မုၢ်အဂီၢ်နီတမံၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 6:14

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်ယံးရမံယၤ 6:4

အဝဲသ့ၣ်ကစံးဝဲ, “ကတဲာ်ကတီၤတၢ်လၢတၢ်ဒုးဝ့ၢ်ယရူၤရှလ့ၣ် အဂီၢ်တက့ၢ်. ကတဲာ်ကတီၤသုသးတက့ၢ်. ပကလဲၤထီၣ်ဒုးအီၤဖဲမုၢ်ထူၣ်အကတီၢ်လီၤ.” ဘၣ်ဆၣ်ဒီးအဝဲသ့ၣ်ကစံးဝဲ, “စဲၤခံကဲၣ်ဆိးလံ. မုၢ်ဆါအတၢ် ကပီၤကလၢာ်တ့ၢ်ဒီးမုၢ်ဟါအကဒုတဖၣ်ဟဲအါထီၣ်လံ.

လံာ်သးသယုၢ်တၢ် 2:14

နဝံတဖၣ်န့ၣ်ကတဲနၤတၢ်တအိၣ်ဘၣ်နီတမံၤဘၣ်. မ့မ့ၢ်အိၣ်ထဲတၢ်ကဘျံးကဘျၣ်လီၤ. လၢတၢ်တမၤဖျါထီၣ်နတၢ်ဒဲးဘးအဃိအတၢ်စံၣ်တဲၤတဲ လီၤတဖၣ်လီန့ၢ်နၤလီၤ. အဝဲသ့ၣ်မၤဝဲဒ်သိးနကဆိကမိၣ်လၢတလိၣ်လၢနကဘၣ်ပီၢ်ယၢ်လီၤက့ၤ နသးန့ၣ်ဘၣ်.

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ဟိၤၡ့ 4:5

လၢမုၢ်နၤဒီးလၢမုၢ်ဆါန့ၣ်သုမၤကမၣ်တၢ်လၢတၢ်တပလီၢ်ပဒီ သးအပူၤ, ဒီးဝံတဖၣ်, မၤဝဲတဂ့ၤအါန့ၢ်သုဘၣ်. ယကမၤဟးဂီၤကွံာ်သုမိၢ်, ကီၢ်အံၣ်စရ့လးန့ၣ်လီၤ.

လံာ်ယိၤအ့လး 3:9

ဘိးဘၣ်သ့ၣ်ညါတၢ်အံၤဆူပှၤကလုာ်တဖၣ်အကျါ, ကတဲာ်ကတီၤတၢ်လၢတၢ်ဒုးတၢ်ယၤအဂီၢ်, ကိးထီၣ်သုပှၤသုးဖိအဆူၣ်တဖၣ်, ကရၢကရိထီၣ်သုသုးဖိသံၣ်ဖိခဲလၢာ်ဒီးလဲၤထီၣ်ဒုးတၢ်တက့ၢ်.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မၤလကံ 2:8

မ့မ့ၢ်ခဲကနံၣ်အံၤ, သုဝဲပှၤလုၢ်တၢ်အခိၣ်တဖၣ်သုဃၣ် ကွံာ်တ့ၢ်သုသးလၢကျဲအတီအလိၤန့ၣ်လံ. သုတၢ်သိၣ်လိဆှၢပှၤအါဂၤလၢကမၤကမၣ်တၢ်န့ၣ်လီၤ. သုမၤဟးဂီၤကွံာ်တၢ်အၢၣ်လီၤအီလီၤလၢယမၤတ့ၢ်ဒီးသုလီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.