လံာ်မံကၤ 3:2 - Sgaw Karen Common Bible

² အန့ၣ်ဒၣ်လဲာ်, သုသးဟ့တၢ်လၢအဂ့ၤဒီးအဲၣ်တၢ်လၢအအၢအသီလီၤ. သုအုၣ်ကွံာ်မူဒံးယပှၤဂီၢ်မုၢ်အဖံးဒီး အိးကွံာ်အညၣ်လၢအဃံတဖၣ်အလိၤလီၤ.

လံာ်မံကၤ 3:2 Iomraidhean Croise

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:2

ဝံတဂၤလၢအမ့ၢ်စီၤဃနၤနံအဖိခွါစီၤယ့ၤဟူ, လဲၤထီၣ်သဂၢၢ်စီၤပၤဒီးစံးဘၣ်အီၤ, “မ့ၢ်နဆိကမိၣ်လၢတၢ်မၤ စၢၤပှၤအၢပှၤသီဒီးတၢ်အိၣ်လၢပှၤသးဟ့ယွၤအအိၣ်တကပၤန့ၣ်, မ့ၢ်တၢ်အဘၣ်န့ၣ်ဧါ. တၢ်လၢနမၤတ့ၢ်န့ၣ်, ဟဲစိာ်ယွၤအတၢ်သးထီၣ်လၢနလိၤန့ၣ်လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

စံးထီၣ်ပတြၢၤ 53:4

ကစၢ်ယွၤသံကွၢ်ဝဲ, “မ့ၢ်အဝဲသ့ၣ်တသ့ၣ်ညါဘၣ်ဧါ. အဝဲသ့ၣ်အိၣ်မူလၢ တၢ်ဟုၣ်ယပှၤဂီၢ်မုၢ်အပူၤ, ဒီးတဘါထုကဖၣ် တၢ်ဆူယၤနီတစုဘၣ်.”

တၢ်ကတိၤဒိ. 28:4

နမ့ၢ်တပာ်ကဲတၢ်သိၣ်တၢ်သီဘၣ်ဒီး, နအိၣ်တကပၤဃီဒီးပှၤတတီ တလိၤတဖၣ်လီၤ. ဘၣ်ဆၣ်နမ့ၢ်ဒိကနၣ်တၢ်သိၣ်တၢ်သီဒီး, နမ့ၢ်ပှၤထီဒါအဝဲသ့ၣ်န့ၣ်လီၤ.

လံာ်ယၡါယၤ 3:15

သုတၢ်ခွဲးတၢ်ယာ်တအိၣ်ဘၣ်လၢ သုကဆီၣ်လီၤသဘှံးယပှၤဂီၢ်မုၢ်ဒီးဟံးန့ၢ်ဘျုးတၢ်လၢပှၤဖှီၣ်ဖိ ယာ်ဖိအအိၣ်န့ၣ်ဘၣ်. ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ယၡါယၤ 5:20

သုဘၣ်တၢ်စံၣ်ညီၣ်ဃါမနၤလီၤ. သုကိးတၢ်အၢတၢ်သီလၢ တၢ်ဂ့ၤ, ဒီးတၢ်ဂ့ၤလၢတၢ်အၢတၢ်သီလီၤ. သုဘိးကဒါတၢ်ခံးဆူတၢ်ကပီၤဒီးတၢ်ကပီၤဆူတၢ်ခံးလီၤ. တၢ်အခၣ်န့ၣ်သုဒုးကဲထီၣ်အီၤလၢတၢ်အဆၢ, ဒီးတၢ်လၢအဆၢန့ၣ် သုမၤခၣ်အီၤလီၤ.

လံာ်ယၡါယၤ 57:12

သုဆိကမိၣ်လၢတၢ်လၢသုမၤန့ၣ်ဘၣ်လီၤ. ဘၣ်ဆၣ်ဒီးယကမၤဖျါသုသကဲာ်ပဝး, ဒီးသုတၢ်ဂီၤတၢ်ဖီၣ်တဖၣ်မၤစၢၤသုတမ့ၢ်ကသ့ဘၣ်န့ၣ်လီၤ.

လံာ်ယဃ့းစက့လး 11:7

လၢတၢ်န့ၣ်အဃိဒီး, အအံၤမ့ၢ်တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်သုန့ၣ်လီၤ. ဝ့ၢ်အံၤမ့ၢ်တၢ်တ့ၤအီၣ်ဖီအီၣ်အသပၢၤတဖျၢၣ်ကစီဒီ, ဘၣ်ဆၣ်တၢ်ညၣ်မ့ၢ်တၢ်မနုၤလဲၣ်. မ့ၢ်တၢ်အစိၣ်တဖၣ်လၢသုမၤသံ တ့ၢ်န့ၣ်လီၤ. သုတအိၣ်ဘၣ်ဖဲအံၤလၢၤဘၣ်. ယကကွံာ်ထီၣ်သုလၢဝ့ၢ်အံၤအချၢလီၤ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 24:4

ဒၢနုာ်တၢ်ညၣ်အဂ့ၤကတၢၢ်အကူာ်တဖၣ်လၢအပူၤလၢအမ့ၢ်, ဖံဘၣ်ခိၣ်တဖၣ်ဒီးခီၣ်တဖၣ်ဒီးမၤပှဲၤစ့ၢ်ကီးအီၤဒီးတၢ်အဃံ အကူာ်လၢအဂ့ၤကတၢၢ်တဖၣ်န့ၣ်တက့ၢ်.

လံာ်ယဃ့းစက့လး 34:3

သုအိတၢ်နုၢ်ထံ, ကူသိးတၢ်ကူတၢ်သိးတဖၣ်လၢ အဘၣ်တၢ်မၤအီၤလၢသိဆူၣ်ဒီးမၤသံဒီးအီၣ် သိအဂ့ၤကတၢၢ်တဖၣ်လီၤ. ဘၣ်ဆၣ်သုတကွၢ်ထွဲသိနီ တစုဘၣ်.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်မံကၤ 2:8

ယွၤစံးဝဲ, “သုဒုးတၢ်ထီဒါယပှၤဂီၢ်မုၢ်ဒ်ဒုၣ်ဒါတဖၣ်အသိးလီၤ. ပှၤဟဲက့ၤလၢတၢ်ဒုးတဖၣ်, ဆိကမိၣ်ဝဲတၢ်ပူၤဖျဲးအိၣ်လၢဟံၣ် လီၤ. ဘၣ်ဆၣ်သုခိးတၢ်ဖဲန့ၣ်ဒ်သိးသုကဂုာ်န့ၢ်အတၢ်ကူ တၢ်သိးတဖၣ်လၢအလိၤလီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်ယိၤဟၣ် 18:40

အဝဲသ့ၣ်ကိးပသူထီၣ်ဒီးစံးဝဲ, “တမ့ၢ်ဘၣ်. တမ့ၢ် အဝဲဘၣ်. ပသးလီစီၤဘၤရးဘါန့ၣ်လီၤ.” (စီၤဘၤရးဘါမ့ၢ် တမျာ်တဂၤန့ၣ်လီၤ.)

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

၂ တံၤမသ့း 3:3

အဝဲသ့ၣ်ကကဲထီၣ်ပှၤလၢအတအိၣ်ဒီးတၢ်သူၣ်ဂ့ၤသးဝါ ဘၣ်, တသးကညီၤတၢ်ဘၣ်, ကတိၤအၢကတိၤသီပှၤဂၤ, တပၢၤအသးဘၣ်ဒီးမၤဆူၣ်မၤကိၤအသး, ဒီးသးဟ့တၢ် အဂ့ၤလီၤ.