လံာ်မံကၤ 3:11 - Sgaw Karen Common Bible

¹¹ ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မံကၤ 3:11 Iomraidhean Croise

တၢ်ကတိၤဒိ. 17:23

စံၣ်ညီၣ်ကွီၢ်တတီတတြၢ်တဖၣ်တူၢ်လိာ်တၢ်ဟ့ၣ်ခူသူၣ်ခိၣ်ဖး လာ်ဆှိးလီၤ. အန့ၣ်ဒီးတၢ်စံၣ်ညီၣ်တီတမၤအသးဘၣ်.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 48:2

အန့ၣ်ဒၣ်လဲာ်, သုပာ်ကဖၢလၢလီၤသုသးလၢသုကစံး လၢသုမ့ၢ်ဝ့ၢ်စီဆှံအထံဖိကီၢ်ဖိတဖၣ် ဒီးလၢသုသန့ၤသုသးလၢ ကီၢ်အံၣ်စရ့လးအကစၢ်ယွၤလၢ အမံၤမ့ၢ်ဝဲသ့တၢ်လၢာ်အယွၤအဂီၢ်န့ၣ်လီၤ.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ယၡါယၤ 56:11

အဝဲသ့ၣ်လီၤဂာ်ဒီးထွံၣ်တဖၣ်လၢသးကွံတၢ်အီၣ်ဒီးအီၣ်တၢ် တလၢအီၣ်နီတစုဘၣ်န့ၣ်လီၤ. ခိၣ်နၢ်တဖၣ်အံၤအတၢ်သ့ၣ်ညါ နၢ်ပၢၢ်တအိၣ်ဘၣ်. အဝဲသ့ၣ်ကိးဂၤဒဲးမၤတၢ်ဒ်တၢ်သးအိၣ် ဒၣ်ဝဲအသိးဒီးဃုအဘျုးဒၣ်ဝဲန့ၣ်လီၤ.

လံာ်ယံးရမံယၤ 23:17

လၢပှၤဂီၢ်မုၢ်လၢတဒိကနၣ်တၢ်လၢယစံးတ့ၢ်အဂီၢ်န့ၣ်, ဝံတဖၣ်န့ၣ် စံးဝဲတထံၣ်ဃီလၢတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ အဝဲသ့ၣ်အဂီၢ်န့ၣ်လီၤ. ဒီးပှၤတဂၤလၢ်လၢ်လၢအခိၣ်ကိၤန့ၣ်, အဝဲသ့ၣ်တဲဘၣ်ဝဲလၢတၢ်တတၢးတနါတမၤဘၣ်ဒိဘၣ်ထံး အီၤနီတစုဘၣ်န့ၣ်လီၤ.”

လံာ်ယံးရမံယၤ 26:7

ပှၤလုၢ်တၢ်အခိၣ်တဖၣ်, ဝံတဖၣ်, ဒီးပှၤဂီၢ်မုၢ်ခဲလၢာ်နၢ်ဟူ ယစံးတၢ်သ့ၣ်တဖၣ်အံၤလၢယွၤအတၢ်လုၢ်ဟံၣ်အပူၤ,

လံာ်ယံးရမံယၤ 5:12

ယွၤအပှၤဂီၢ်မုၢ်သမၢကွံာ်အီၤဒီးစံးဝဲ, “ပတအဲၣ်ဒိးမၤဘၣ် ဃးပသးဒီးအီၤလၢတၢ်နီတမံၤဘၣ်. တမ့ၢ်ပကအိၣ်ဒီးတၢ်ကီတၢ်ခဲအဆၢကတီၢ်ဘၣ်. တမ့ၢ်ပက အိၣ်ဒီးတၢ်ဒုးတၢ်ယၤဒီးတၢ်သၣ်ဝံၤလီၤဒိအကတီၢ်န့ၣ်ဘၣ်.”

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ဟိၤၡ့ 4:18

ဖဲအအီလုၣ်ကိစပံးထံဝံၤန့ၣ်, အဝဲသ့ၣ်မုာ်လၤလၢတၢ်မၤဃဲသဲ မုၣ်အတၢ်မၤအပူၤ, ဘၣ်သူၣ်ဘၣ်သးလၢကမၤလၤကပီၤတၢ်မဲာ်ဆှးန့ၣ် လီၤ.

လံာ်ဟိၤၡ့ 4:8

သုကဲဒိၣ်ထီၣ်လၢယပှၤဂီၢ်မုၢ်အတၢ်ဒဲးဘးတဖၣ်အဃိ, ဒီးလၢတၢ်န့ၣ်အဃိသုအဲၣ်ဒိးလၢအဝဲသ့ၣ်ကမၤတၢ်ဒဲးဘးအါထီၣ်အါ ထီၣ်န့ၣ်လီၤ.

လံာ်ဧၤမိၣ် 5:14

ဒ်သိးသုကမူဒီးဃုတၢ်ဂ့ၤတက့ၢ်. ဃုတၢ်အၢတဂ့ၤ. မၤသးဒ်န့ၣ်ဒီး, ယွၤ, တၢ်သုးမုၢ်ဂီၢ်မုၢ်အကစၢ်ယွၤကအိၣ်ဒီးသု, ဒ်သုစံးတ့ၢ်အသိးန့ၣ်လီၤ.

လံာ်ဧၤမိၣ် 9:10

ပှၤတၢ်ဒဲးဘးဖိတဖၣ်လၢယပှၤဂီၢ်မုၢ်အကျါလၢအစံး, “ကစၢ်ယွၤတပျဲတၢ်အၢတၢ်သီဟဲဘူးဒီးပှၤဘၣ်” တဖၣ်န့ၣ်, ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလီၤ.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်စဖါနယၤ 3:4

အဝံတဖၣ်တမၤအမူအဒါဘၣ်ဒီးအသူၣ်တလိၤ အသးတဘျၢဘၣ်န့ၣ်လီၤ. အပှၤလုၢ်တၢ်အခိၣ်သ့ၣ် တဖၣ်မၤဘၣ်အၢဘၣ်သီတၢ်လၢအစီအဆှံဒီးဝံၢ်ကဒံကဒါကစၢ် ယွၤအတၢ်သိၣ်တၢ်သီလၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်လီၤ.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်မၤလကံ 2:9

မၤသးဒ်န့ၣ်ဒီး, ယပာ်သုလၢတၢ်တပာ်ကဲဘၣ်အလီၢ်ဒီးတၢ်မၤတရီ တပါအလီၢ်လၢကယဲၢ်ပှၤခဲလၢာ်အမဲာ်ညါန့ၣ်လီၤ. အဂ့ၢ်ဒ်အံၤ, သုတတိၢ်န့ၢ်ဘၣ်ယကျဲဘၣ်. ဒီးသုကွၢ်မဲာ်တၢ်လၢသုတၢ်သိၣ်လိသီလိအပူၤန့ၣ်လီၤ.”

လံာ်တၢ်ဂံၢ် 16:15

စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”

လံာ်တၢ်ဂံၢ် 22:7

မၤသးဒ်န့ၣ်ဒီးပှၤမိၤအးဖိဒီးပှၤမံးဒယၣ်ဖိအခိၣ်အနၢ်တဖၣ် စိာ်ထီၣ်တၢ်အဘူးအလဲလၢတၢ်ဆိၣ်အၢအဂီၢ်ဒီးလဲၤဆူ စီၤဘံးလၣ်အအိၣ်ဒီးတဲဘၣ်အီၤလၢစီၤဘၤလးအတၢ်ကစီၣ်န့ၣ်လီၤ.

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

၁ ပ့းတရူး 5:2

ယဃ့ကညးသုလၢသုကမ့ၢ်ပှၤကွၢ်သိတဖၣ်လၢကအံးက့ၤ ကွၢ်က့ၤသိလၢကစၢ်ယွၤဟ့ၣ်လီၤသုတဖၣ်လၢတၢ်သူၣ်အိၣ် သးအိၣ်အပူၤဒ်ကစၢ်ယွၤဘၣ်အသးလၢသုကမၤအသိး, ဒီးတမ့ၢ်ဘၣ်လၢတၢ်မၢဆူၣ်သုအဃိန့ၣ်ဘၣ်. မၤသုတၢ်မၤတမ့ၢ်ဘၣ်လၢဘူးလဲအဃိဘၣ်, မ့မ့ၢ် လၢတၢ်သးအိၣ်မၤတၢ်နီၢ်နီၢ်အပူၤတက့ၢ်.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.