လံာ်မံကၤ 2:9 - Sgaw Karen Common Bible

⁹ သုနီၣ်ကွံာ်ယပှၤဂီၢ်မုၢ်အပိာ်မုၣ်တဖၣ်လၢအဟံၣ်မုာ်ဒီးသုတြီ တ့ၢ်အဖိအလံၤတဖၣ်တဘိယူာ်ဃီလၢကအိၣ်ဒီးယတၢ်ဆိၣ်ဂ့ၤ တဖၣ်လီၤ.

လံာ်မံကၤ 2:9 Iomraidhean Croise

စံးထီၣ်ပတြၢၤ 72:19

အမံၤလၤသၣ်ကပီၤန့ၣ် မ်အဘၣ်တၢ်စံးထီၣ်ပတြၢၤ လီၤထူလီၤယိာ်တက့ၢ်. မ်ဟီၣ်ခိၣ်ဒီဘ့ၣ်ညါပှဲၤဝဲဒီးအလၤကပီၤတက့ၢ်. အၤမ့ၣ်, ဒီးအၤမ့ၣ်.

လံာ်ယံးရမံယၤ 10:20

ပဒဲတဖၣ်ဟးဂီၤကွံာ်လၢာ်လံ. ပျံၤတဖၣ်လၢအစၢကျၢၤဃာ်အဝဲသ့ၣ်န့ၣ် ထီၣ်တဲာ်ကွံာ်လံ. ပဖိတဖၣ်ဟးထီၣ်ကွံာ်လၢပအိၣ်လၢာ်လံ. ပှၤလၢကသူၣ်ထီၣ်ဘှီထီၣ်န့ၢ်ကဒီးပဒဲတဖၣ်မ့ၢ်ဂ့ၤ, ပှၤလၢကသလၣ်ထီၣ်ဒဲတဖၣ်အယၣ်ဘျးသဒၢတၢ်တဖၣ်မ့ၢ်ဂ့ၤ, တအိၣ်လၢၤနီတဂၤဘၣ်.”

လံာ်ယဃ့းစက့လး 39:21

ယွၤစံးဝဲဒၣ်, “ယကပျဲပှၤကလုာ်တဖၣ်ထံၣ်ဘၣ်ယလၤကပီၤဒီးယကဒုးနဲၣ် အဝဲသ့ၣ်လၢယသူယစိကမီၤဒ်လဲၣ်, လၢယကမၤထွဲယတၢ်ပာ်လီၤသး အတီအလိၤတဖၣ်အဂီၢ်န့ၣ်လီၤ.

လံာ်ယိၤအ့လး 3:6

သုစိာ်ထီၣ်ကွံာ်ဒီးဆါကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ဆူပှၤကြံးခ်ဖိတဖၣ်အအိၣ်လီၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်ဃဘးကူာ် 2:14

အဂ့ၢ်ဒ်အံၤ, ဟီၣ်ခိၣ်ကပှဲၤထီၣ်ဝဲဒီးတၢ်သ့ၣ်ညါယွၤအလၤ ကပီၤဒ်ပီၣ်လဲၣ်ဖိတဖၣ်ပှဲၤဝဲဒီးထံအသိးန့ၣ်လီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မၢ်ကူး 12:40

အဝဲသ့ၣ်ဂုာ်ဆူၣ်ပျိဆူၣ်မုၣ်ကမဲတဖၣ်အဟံၣ်ဒီးအစုလီၢ်ခီၣ် ခိၣ်, ဒီးပာ်မၤအသးဒ်အမ့ၢ်ပှၤဂ့ၤပှၤဝါအသိးခီဖျိတၢ်ဃ့ထု ကဖၣ်တၢ်ထီထီကလဲာ်န့ၣ်လီၤ. လၢမုၢ်စံၣ်ညီၣ်အနံၤန့ၣ်အဝဲသ့ၣ်ကဘၣ်တၢ်စံၣ်ညီၣ်အီၤနးန့ၢ် ပှၤဂၤတက့ၢ်န့ၣ်လီၤ.”

လံာ်လူၤကၣ် 20:47

တၢ်လီၢ်အဂ့ၤကတၢၢ်ဖဲဘူၣ်အဆၢကတီၢ်, ပှၤလၢအဟံးန့ၢ်တၢ်အခွဲးအယာ်လၢ မုၣ်ကမဲတဖၣ်အဖီခိၣ်ဒီးဂုာ်န့ၢ်ဝာ်န့ၢ်အဟံၣ်အဃီတဖၣ်, ဒီးအန့ၣ်ဝံၤအလီၢ်ခံပာ်မၤအသးခီဖျိအဃ့ဘါထု ကဖၣ်တၢ်ထီထီကလဲာ်တဖၣ်န့ၣ်တက့ၢ်. တၢ်စံၣ်ညီၣ်လၢအဝဲသ့ၣ်အဂီၢ်ကမ့ၢ်တၢ်အအၢကတၢၢ်လီၤ.”

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.