လံာ်မံကၤ 2:7 - Sgaw Karen Common Bible

⁷ မ့ၢ်သုဆိကမိၣ်လၢအံၣ်စရ့လးအပှၤဂီၢ်မုၢ်အိၣ်လၢတၢ်ဆိၣ် အၢတမံၤအဖီလာ်ဧါ. မ့ၢ်ယွၤအတၢ်ဝံသးစူၤလီၤမၢ်ကွံာ်လံဧါ. မ့ၢ်အဝဲကမၤတၢ်တဖၣ်န့ၣ်သပှၢ်တၢၢ်ဧါ. မ့ၢ်ယွၤတကတိၤတၢ်မုာ်မုာ်ဒီးပှၤလၢအမၤတၢ်အလိၤအဘၣ်တဖၣ်ဘၣ် ဧါ.”

လံာ်မံကၤ 2:7 Iomraidhean Croise

စံးထီၣ်ပတြၢၤ 119:65

ယွၤဧၢ, ဒ်နကလုၢ်နကထါအသိးန့ၣ်, နမၤဂ့ၤတ့ၢ်လံနခ့နပှၤလံန့ၣ်လီၤ.

စံးထီၣ်ပတြၢၤ 119:68

နမ့ၢ်တၢ်ဂ့ၤဒီးနမၤဂ့ၤတၢ်လီၤ. သိၣ်လိယၤလၢ နတၢ်သိၣ်တၢ်သီတဖၣ်န့ၣ်တက့ၢ်.

စံးထီၣ်ပတြၢၤ 15:2

ပှၤတဖၣ်လၢအစူၢ်ကစၢ်ယွၤလၢတၢ်ခဲလၢာ်အပူၤ, မၤတၢ်တီတၢ်လိၤထီဘိ, ဒီးကတိၤတၢ်မ့ၢ်တၢ်တီလၢတၢ်သးတီအပူၤ,

စံးထီၣ်ပတြၢၤ 18:26

နကဆှီဝဲလၢပှၤလၢအကဆှီတဖၣ်အဂီၢ်, ဘၣ်ဆၣ်နထီဒုၣ်ဒါပှၤအၢပှၤသီတဖၣ်န့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

တၢ်ကတိၤဒိ. 10:29

ယွၤကဟုကယာ်ပှၤအတီအလိၤတဖၣ်လီၤ. မ့မ့ၢ်, မၤဟးဂီၤကွံာ်ပှၤမၤကမၣ်တၢ်ခဲလၢာ်လီၤ.

တၢ်ကတိၤဒိ. 10:9

ပှၤအတီအလိၤတဖၣ်လဲၤတၢ်ဂၢၢ်ဂၢၢ်ကျၢၤကျၢၤလီၤ. မ့မ့ၢ်ပှၤလၢအမၤဒၢက့ၣ်ဒၢကူအကျဲတဖၣ်န့ၣ်, ကဘၣ်တၢ်ဖီၣ်န့ၢ်အီၤလီၤ.

တၢ်ကတိၤဒိ. 14:2

တၢ်အိၣ်မူတီတီလိၤလိၤမ့ၢ်နတၢ်ပာ်ဖျါထီၣ်နအိၣ်ဒီးတၢ်ပျံၤ ယွၤလီၤ. တၢ်အိၣ်မူတတီတလိၤန့ၣ်မ့ၢ်နတၢ်ပာ်ဖျါထီၣ်လၢနတအိၣ် ဒီးတၢ်ပျံၤအီၤဘၣ်လီၤ.

တၢ်ကတိၤဒိ. 2:7

အဝဲကတဲာ်ကတီၤန့ၢ်တၢ်မၤစၢၤဒီးတၢ်ဒီသဒၢလၢပှၤ အတီအလိၤဒီးပှၤလၢအကလုၢ်တီအဂီၢ်လီၤ.

တၢ်ကတိၤဒိ. 28:18

အိၣ်မူတီတီလိၤလိၤတက့ၢ်ဒီးနကပူၤဖျဲးလီၤ. နမ့ၢ်တတီတလိၤဘၣ်ဒီး, နကလီၤဃံၤတကီၢ်ခါလီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်ယံးရမံယၤ 2:4

သုဝဲပှၤလၢအလီၤစၢၤလီၤသွဲၣ်လၢစီၤယၤကိာ်, သုဝဲအံၣ်စရ့လးအဒူၣ်သ့ၣ်ဧၢ, ဒိကနၣ်ယွၤအတၢ်ကစီၣ်တက့ၢ်.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်တၢ်ဂံၢ် 11:23

ယွၤစံးဆၢဝဲဒၣ်, “မ့ၢ်တၢ်တြီဃာ်ယစိယကမီၤအဆၢသ့ဧါ. တယံာ်ဘၣ်ဒီးနကထံၣ်ဘၣ်တၢ်လၢယစံးတ့ၢ်ဝဲန့ၣ်ကကဲထီၣ်ဧါ တကဲထီၣ်ဘၣ်ဧါန့ၣ်လီၤ.”

လံာ်မးသဲ 3:8

အိၣ်မူဒီးမၤတၢ်မၤလၢအကြၢးဒီးတၢ်ပီၢ်ယၢ်ဒီးတၢ်ဃၣ်လိၤက့ၤ သုသးန့ၣ်တက့ၢ်.

လံာ်ယိၤဟၣ် 8:39

အဝဲသ့ၣ်စံးဆၢအီၤ, “ပပၢ်မ့ၢ်စီၤအၤဘြၤဟၣ်လီၤ.” ဒီးယ့ၣ်ၡူးစံးဘၣ်အီၤ, “သုမ့မ့ၢ်နီၢ်နီၢ်စီၤအၤဘြၤဟၣ် အဖိတဖၣ်ဒီးသုကမၤတၢ်တမံၤဃီလၢအဝဲမၤတ့ၢ်ဝဲတဖၣ်လီၤ.

ရိမ့ၤ 7:13

မ့မ့ၢ်ဒ်န့ၣ်ဒီး, တၢ်အဝဲအံၤမ့ၢ်ပကပာ်အခီပညီလၢတၢ် အဂ့ၤတမံၤမၤသံကွံာ်ယၤန့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်. မ့မ့ၢ်တၢ်ဒဲးဘးမၤသံယၤခီဖျိတၢ်သူတၢ်အဂ့ၤ, ဒ်သိးတၢ်ဒဲးဘးအက့ၢ်အဂီၤနီၢ်နီၢ်ကဘၣ်တၢ်လီၣ်ဖျါထီၣ် အီၤအဂီၢ်လီၤ. သတးဒီး, ခီဖျိတၢ်မၤလိာ်န့ၣ်, တၢ်ဒဲးဘးဘၣ်တၢ်ဒုးနဲၣ်အီၤဒ်အမ့ၢ်တၢ်လၢအအၢဒိၣ်န့ၣ် အလီၢ်တက့ၢ်န့ၣ်လီၤ.

၂ ကရံၣ်သူး 6:12

တမ့ၢ်ပကးတံာ်ပသးလၢသုဘၣ်. သုမ့ၢ်ပှၤလၢအကးတံာ်တ့ၢ်အသးလၢပှၤတခီန့ၣ်လီၤ.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.