လံာ်မံကၤ 2:10 - Sgaw Karen Common Bible

¹⁰ ဂဲၤဆၢထၢၣ်ဒီးဟးထီၣ်ကွံာ်တက့ၢ်. တၢ်ပူၤဖျဲးတအိၣ်လၢၤဘၣ်ဖဲအံၤဘၣ်. သုတၢ်ဒဲးဘးတဖၣ်ဒုးလီၤဘၣ်တၢ်စံၣ်ညီၣ်ဃါမနၤဖဲတၢ်လီၢ်အံၤဆူ တၢ်ဟးဂူာ်ဟးဂီၤလီၤ.

လံာ်မံကၤ 2:10 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:20

အန့ၣ်တစုယကဟီထီၣ်ကွံာ်သုလၢထံဧိၤကီၢ်ဧိၤလၢယဟ့ၣ်လီၤတ့ၢ် သုအပူၤဒီးယကပာ်လီၤတဲာ်ကွံာ်ယွၤအတၢ်လုၢ်ဟံၣ်အံၤ, လၢယပာ်စီဆှံတ့ၢ်လံအီၤဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါ ထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုးကဲထီၣ်အီၤလၢတၢ်လီၤ နံၤဘၣ်ဖၣ်လဲအလီၢ်ဒီးပာ်အီၤဒ်တၢ်လီၤသးဘၣ်အၢအလီၢ်န့ၣ်လီၤ.

စံးထီၣ်ပတြၢၤ 106:38

ဒီးလူလီၤတၢ်သွံၣ်လၢအတၢ်ဒဲးဘးတအိၣ်ဘၣ်, ဒီးထံကီၢ်ဘၣ်တၢ်တကဆှီဘၣ်လၢပှၤမၤသံတၢ်တဖၣ်အဃိလီၤ.

စံးထီၣ်ပတြၢၤ 95:11

ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး, “သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ် တၢ်အိၣ်ဘှံးအပူၤန့ၣ်နီတစုဘၣ်.”

လံာ်ယံးရမံယၤ 10:18

ယွၤကစူးကွံာ်သုလၢထံကီၢ်တဘ့ၣ်အံၤအပူၤလီၤ. အဝဲဒၣ်ကမၤသဘှံးသုတုၤသုတအိၣ်တ့ၢ်လၢၤနီတဂၤဘၣ်လီၤ. ယွၤကတိၤလံတၢ်လံ.

လံာ်ယံးရမံယၤ 3:2

ကွၢ်ထီၣ်တၢ်ဆူတၢ်လူၢ်တဖၣ်အဒီခိၣ်န့ၣ်တက့ၢ်. မ့ၢ်တၢ်လီၢ် အိၣ်ဒံးတတီၤတီၤဖဲနတမၤနသးဒ်ပှၤဃဲသဲမုၣ်တဂၤအ သိးကစီဒီဧါ. နခိးတ့ၢ်ပှၤလၢကအဲၣ်နၤတဖၣ်လၢကျဲကပၤ, ဒ်ပှၤဧ့ရ့းဖိတဂၤအိၣ်ခိးပှၤလၢအကမၤနၢၤဝဲတဖၣ်လၢမဲး မုၢ်ခိၣ်ပူၤအသိးန့ၣ်လီၤ. နမၤဘၣ်အၢတ့ၢ်ထံကီၢ်ခီဖျိနဃဲသဲမုၣ်အတၢ်မၤအံၤန့ၣ်လီၤ.

လံာ်ယံးရမံယၤ 9:19

ဒိကနၣ်တၢ်ဟီၣ်တၢ်ယၢၤအသီၣ်လၢဝ့ၢ်စံယိၣ်အပူၤတက့ၢ်. “ပဘၣ်တၢ်မၤဟးဂီၤကွံာ်ပှၤလံ. ပဘၣ်တၢ်မၤမဲာ်ဆှးပှၤလၢာ်လၢာ်ဆ့ဆ့လံ. ပကဘၣ်ဟးထီၣ်လၢပထံပကီၢ်လီၤ. ပဟံၣ်ပဃီတဖၣ်ဘၣ်တၢ်ဂုၤလီၤပှီၢ်ကွံာ်အီၤလံ.”

လံာ်ယဃ့းစက့လး 36:19

ယစံၣ်ညီၣ်ဃၣ်အဝဲသ့ၣ်လၢတၢ်အိၣ်မူအကျဲလၢအဝဲသ့ၣ်အိၣ်မူ တ့ၢ်ဒီးမၤတ့ၢ်ဝဲအဃိဒီးယမၤလီၤပြံလီၤပြါကွံာ်အဝဲသ့ၣ်သကုၤ ပှၤတခီဘီမုၢ်ဖိအထံအကီၢ်တဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 12:9

မ့ၢ်လၢ, သုတလဲၤနုာ်ဒံးဘၣ်ဆူကီၢ်လၢယွၤသုကစၢ်ယွၤဟ့ၣ်လီၤ သုဖဲသုအိၣ်ဆိးဘၣ်လၢတၢ်ဃူတၢ်မုာ်အပူၤကသ့ဝဲ အဃိန့ၣ်လီၤ.

လံာ်သိၣ်လီၤသီလီၤတၢ် 30:18

ယဟ့ၣ်ပလီၢ်သုဖဲအံၤဒီးခဲကနံၣ်အံၤလၢသုကဘၣ်တၢ်မၤဟးဂီၤ ကွံာ်သုန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢထံကျိ ယၢ်ဒ့ၣ်အဝၢ်ဘးခီကီၢ်တဘ့ၣ်လၢသုကဘၣ်မၤန့ၢ်အီၤအပူၤန့ၣ်ဘၣ်.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.