လံာ်မံကၤ 2:1 - Sgaw Karen Common Bible

¹ ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်မံကၤ 2:1 Iomraidhean Croise

လံာ်တၢ်ကဲထီၣ်အခီၣ်ထံး 31:29

ယအိၣ်ဒီးတၢ်စိတၢ်ကမီၤလၢယကမၤဆါနၤလီၤ. ဘၣ်ဆၣ်ဒီးမုၢ်နၤကၢၣ်န့ၣ်နပၢ်အကစၢ်ယွၤဟ့ၣ်ပလီၢ်ယၤဒ်သိး ယသုတမၤပျံၤမၤဖုးနၤလၢကျဲနီတဘိတဂ့ၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:7

နီၢ်အံၤစ့ဘ့ၤလးစံးဆၢဝဲ, “နမ့ၢ်စီၤပၤဧါမ့တမ့ၢ်နတမ့ၢ် စီၤပၤဘၣ်န့ၣ်ဧါ. ဂဲၤဆၢထၢၣ်လၢနလီၢ်မံခိၣ်, အိၣ်ဒီးတၢ်သးဖှံဒီးအီၣ်တၢ်တက့ၢ်. ယကမၤန့ၢ်နၤလၢစီၤနၤဘိးအစပံးလီၢ်န့ၣ်လီၤ.”

လံာ်နီၢ်အ့ၤစတၢ် 3:8

လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

လံာ်နီၢ်အ့ၤစတၢ် 5:14

လၢတၢ်န့ၣ်အဃိအမါဒီးအတံၤသကိးခဲလၢာ်ဟ့ၣ်ကူၣ်အီၤစံးဝဲ, “မၢပှၤသူၣ်ထီၣ်သ့ၣ်တကျီၣ်, လၢအထီဝဲအပျၢ်ယဲၢ်ဆံတက့ၢ်. ခဲမုၢ်ဆ့ၣ်ဂီၤခီ, နဃ့စီၤပၤဒ်သိးကမၢတၢ်ဘျးထီၣ်စီၤမၢ်ဒကဲၤလၢ အလိၤသ့ဝဲဒီးနကလဲၤဘၣ်ဆူတၢ်အီၣ်အမူးလၢတၢ်သူၣ်ခု သးခုအပူၤလီၤ.” စီၤဟၤမၣ်ဆိကမိၣ်လၢတၢ်အံၤမ့ၢ်တၢ်ဟ့ၣ်ကူၣ်အဂ့ၤတမံၤအဃိ, မၢပှၤဘှီထီၣ်သ့ၣ်တကျီၣ်လီၤ.

လံာ်နီၢ်အ့ၤစတၢ် 9:25

ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

လံာ်စီၤယိၤဘး 15:35

အဝဲသ့ၣ်တဖၣ်ဒၢထီၣ်တၢ်ကူၣ်ဟးဂီၤဒီးဆံးစၢ်တၢ်အၢတၢ်သီ န့ၣ်လီၤ. အဒၢလီၢ်တဖၣ်ဒုးကဲထီၣ်တၢ်လီတၢ်ဝ့ၤအက့ၢ်အဂီၤလီၤ.

လံာ်စီၤယိၤဘး 24:14

စီၤစိၤဖၤစံးဝဲ, တုၤမုၢ်ဂီၤထီၣ်သီန့ၣ်ပှၤမၤသံတၢ်တဖၣ်ဂဲၤ ထၢၣ်ဒီးဟးထီၣ်ဝဲလၢကမၤသံပှၤဖှီၣ်ဖိယာ်ဖိလၢအတၢ် တအိၣ်ဘၣ်နီတမံၤတဖၣ်န့ၣ်လီၤ. ဒီးတုၤမုၢ်နၤအကတီၢ်န့ၣ်အဝဲသ့ၣ်ဟုၣ်တၢ်လီၤ.

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

စံးထီၣ်ပတြၢၤ 36:5

ယွၤဧၢ, နတၢ်အဲၣ်ဂၢၢ်ကျၢၤ, ထီၣ်ဘးဆူမူခိၣ်, နတၢ်သးတီန့ၣ်တုၤလၢမူကပိာ်လိၤန့ၣ်လီၤ.

စံးထီၣ်ပတြၢၤ 58:3

ပှၤတတီတလိၤလဲၤကမၣ်တၢ်လၢအမိၢ်ဒၢလီၢ်အပူၤ, အဝဲသ့ၣ်မၤကမၣ်တၢ်ဒီးကတိၤကဘျံးကဘျၣ် တၢ်လၢအအိၣ်ဖျဲၣ်လံၤလံၤန့ၣ်လီၤ.

တၢ်ကတိၤဒိ. 12:2

ယွၤဘၣ်အသးလၢပှၤအဂ့ၤတဖၣ်န့ၣ်လီၤ. မ့မ့ၢ်စံၣ်ညီၣ်ဃၣ်ပှၤလၢအကူၣ်ထီၣ်တၢ်အၢတၢ်သီလီၤ.

တၢ်ကတိၤဒိ. 14:22

နမ့ၢ်မၤတၢ်လၢတၢ်ဂ့ၤအဂီၢ်ဒီးနကဒိးန့ၢ်ပှၤဂၤတဖၣ်အတၢ်နာ်ဒီး အတၢ်ပာ်ကဲန့ၣ်လီၤ. နမ့ၢ်မၤတၢ်လၢတၢ်အၢအဂီၢ်ဒီး, နမၤကမၣ်တၢ်တမံၤန့ၣ်လီၤ.

တၢ်ကတိၤဒိ. 3:27

ဖဲနမၤသ့တဘျီလၢ်လၢ်န့ၣ်, မၤဂ့ၤပှၤလၢလိၣ်ဘၣ်အီၤတဖၣ်န့ၣ်တက့ၢ်.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

လံာ်ယၡါယၤ 29:20

ကမ့ၢ်တၢ်အကတၢၢ်လၢပှၤတဖၣ်လၢအမၤအၢမၤနးပှၤဂၤဒီး ဒုးနဲၣ်အတၢ်သးဘၣ်အၢကစၢ်ယွၤ, အဂီၢ်န့ၣ်လီၤ. ပှၤဒဲးဘးဖိကိးဂၤဒဲးကဘၣ်တၢ်မၤဟးဂီၤအီၤလီၤ.

လံာ်ယၡါယၤ 3:14

ယွၤဆှၢနုာ်အပှၤဂီၢ်မုၢ်အသူၣ်က့သးပှၢ်တဖၣ်ဒီးအခိၣ်အနၢ် တဖၣ်ဆူတၢ်စံၣ်ညီၣ်အပူၤ, ဒီးလိာ်ဘၢလိာ်ကွီၢ်ထီဒါအဝဲသ့ၣ်, စံးဝဲ, “သုဂုာ်ဆူၣ်ပျီဆူၣ်စပံးလီၢ်တဖၣ်, ဒီးသုဟံၣ်တဖၣ်ပှဲၤဝဲဒီးတၢ်လၢသု ဟံးန့ၢ်လၢပှၤဖှီၣ်ဖိယာ်ဖိတဖၣ်အအိၣ်လီၤ.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

လံာ်ယၡါယၤ 5:8

သုဘၣ်တၢ်စံၣ်ညီၣ်ဃါမနၤလီၤ. သုပှ့ၤအါထီၣ်ဟံၣ်ဃီဒီးစံာ်လီၢ် တဖၣ်ဒီးပာ်ဖှိၣ်အါထီၣ်အီၤဒီးတၢ်လၢအအိၣ်တ့ၢ်ဒီးသုလီၤ. တယံာ်လၢၤဘၣ်ဒီး, ပှၤအဂၤကအိၣ်ဆိးတၢ်အလီၢ်တအိၣ်လၢၤ ဘၣ်ဒီးပှၤအိၣ်လၢကီၢ်အံၤအပူၤန့ၣ်ကမ့ၢ်ဒၣ်ထဲသုဝဲတဖၣ်ဧိၤလီၤ.

လံာ်ယၡါယၤ 59:3

သုတၢ်ကမၣ်အိၣ်ဝဲလၢတၢ်လီတၢ်ဝ့ၤ, တၢ်မၤတၢ်လၢတၢ်စု ဆူၣ်ခီၣ်တကး, ဒီးတၢ်မၤသံမၤဝီတၢ်အဃိလီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယဃ့းစက့လး 11:2

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ပှၤတဖၣ်အံၤ ကူၣ်ထီၣ်တၢ်အၢတၢ်သီဒီးလၢဝ့ၢ်အံၤအပူၤန့ၣ်အဝဲသ့ၣ်ဟ့ၣ်ကူၣ် တၢ်လၢအတဂ့ၤတဖၣ်လီၤ.

လံာ်ယဃ့းစက့လး 33:26

သုသန့ၤထီၣ်သုသးလၢသုနးတဖၣ်န့ၣ်လီၤ. သုတၢ်ဖံးတၢ်မၤ တဖၣ်လီၤသးဘၣ်အၢန့ၣ်လီၤ. ပှၤကိးဂၤဒဲးမၤတၢ်မၤကမုၣ် ကမၣ်ခွါန့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သု တၢ်န့ၣ်လဲၣ်.

လံာ်ယဃ့းစက့လး 38:10

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ်စီၤကိး န့ၣ်လီၤ. “တုၤတၢ်ဆၢကတီၢ်အဝဲန့ၣ်ဟဲတုၤဃီၤန့ၣ်, နကစးထီၣ် ဆိကမိၣ်ထီၣ်တၢ်အၢတၢ်သီအတၢ်ကူၣ်ကျဲၤတမံၤန့ၣ်လီၤ.

လံာ်ယဃ့းစက့လး 46:18

စီၤပၤဖိခွါလၢအပၢတၢ်တဘၣ်ဟံးန့ၢ်ကွံာ်အပှၤဂီၢ်မုၢ်အတၢ် စုလီၢ်ခီၣ်ခိၣ်တမံၤမံၤလၢအဝဲသ့ၣ်အအိၣ်ဘၣ်. တၢ်လီၢ်တၢ်ကျဲ တတီၤတီၤလၢအဘၣ်ဟ့ၣ်လီၤအဖိခွါတဖၣ်န့ၣ်ကဘၣ်မ့ၢ်တၢ်လီၢ် လၢတၢ်ဟ့ၣ်နီၤတ့ၢ်ဃာ်ပာ်အီၤအကျါ, ဒ်သိးအဝဲသုတမၤနး ယပှၤဂီၢ်မုၢ်နီတဂၤခီဖျိတၢ်ဟံးန့ၢ်ကွံာ်အဝဲသ့ၣ်အတၢ်လီၢ်တၢ်ကျဲ တဂ့ၤအဂီၢ်န့ၣ်လီၤ.’

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်နၤဃူၣ် 1:11

ဝ့ၢ်နံၤနဝ့ဧၢ, လၢနပူၤန့ၣ်ပှၤတဂၤလၢအပှဲၤဒီးတၢ်ကူၣ်ထီၣ်ဖးလီၤကျဲ အၢကျဲသီဒီးကူၣ်ထီၣ်ထီဒါယွၤန့ၣ်ဟဲထီၣ်ဝဲဒၣ်လီၤ.

လံာ်စကၤရယၤ 7:10

မၤနၢၤမၤပ့ၤပှၤမုၣ်ကမဲတဖၣ်, ပှၤဖိၣ်ဃဲတဖၣ်, ပှၤတခီဘီမုၢ်ဖိ, လၢအအိၣ်လၢသုကျါတဖၣ်မ့ၢ်ဂ့ၤ, ပှၤအဂၤလၢအလိၣ်တၢ်မၤစၢၤမ့ၢ်ဂ့ၤန့ၣ်တဂ့ၤ. ကူၣ်ထီၣ်တၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်လူၤကၣ် 20:19

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤလုၢ်တၢ်အခိၣ်အဒိၣ်တဖၣ်ဂုာ်ကျဲးစၢးဟံးဃာ် ယ့ၣ်ၡူးတဘျီဃီဖဲန့ၣ်, အဂ့ၢ်မ့ၢ်လၢအဝဲသ့ၣ်သ့ၣ်ညါလၢ ယ့ၣ်ၡူးကတိၤတၢ်ကတိၤဒိအဝဲအံၤထီဒါအဝဲသ့ၣ်အဃိ န့ၣ်လီၤ. ဘၣ်ဆၣ်ဒီးအဝဲသ့ၣ်ပျံၤပှၤဂီၢ်မုၢ်လီၤ.

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

မၤတၢ် 23:15

လၢတၢ်န့ၣ်အဃိခဲကနံၣ်အံၤ, သုဝဲဒီးကီၣ်ကးမၤလိာ်ရိမ့ၤသုးဖိတကထိအခိၣ်လၢအကဟဲ ဆှၢစီၤပီလူးဆူသုအိၣ်, ပာ်မၤသုသးလၢသုအဲၣ်ဒိးသ့ၣ်ညါလီၤတံၢ်ဂ့ၤထီၣ်အဝဲ အဂ့ၢ်အကျိၤန့ၣ်တက့ၢ်. မ့မ့ၢ်ပဝဲ, ပကအိၣ်ကတဲာ်ကတီၤ ပသးလၢပကမၤသံအီၤတချုးအဝဲဒၣ်ဟဲတုၤဖဲအံၤန့ၣ်လီၤ.”

ရိမ့ၤ 1:30

အဝဲသ့ၣ်သီၣ်ဝံသဲကလၤ, ကတိၤအၢကတိၤသီလိာ်သးတဂၤဒီးတဂၤ န့ၣ်လီၤ. အဝဲသ့ၣ်သူၣ်ဟ့သးဟ့ကစၢ်ယွၤ, တယူးယီၣ်ပာ်ကဲတၢ်ဘၣ်, ပာ်ကဖၢလၢအသးဒီးတဲဒိၣ်တဲသွါလီၤအသးန့ၣ်လီၤ. အဝဲသ့ၣ်ဃုဆိကမိၣ်အါထီၣ်ကျဲလၢအကမၤတၢ်အၢတၢ်သီဒီး တဒိကနၣ်အမိၢ်အပၢ်တဖၣ်အကလုၢ်န့ၣ်ဘၣ်.

လံာ်သိၣ်လီၤသီလီၤတၢ် 28:32

သုဖိခွါတဖၣ်ဒီးဖိမုၣ်တဖၣ်ကဘၣ်တၢ်ဟ့ၣ်လီၤကွံာ်အီၤဆူပှၤ ထံဂၤကီၢ်ဂၤတဖၣ်အစုပူၤဒ်ကုၢ်တဖၣ်အသိးဖဲသုကွၢ်အီၤအဖၢမုၢ်ဒၣ်လဲာ်လီၤ. ကိးမုၢ်နံၤဒဲးန့ၣ်သုမဲာ်ချံတဖၣ်ကလီၤဘှံးကွံာ်ကလီကလီလၢ တၢ်ခိးကွၢ်တၢ်ကလီကလီလၢသုဖိတဖၣ်အတၢ်ဟဲက့ၤကဒါက့ၤအဂီၢ် န့ၣ်လီၤ.