လံာ်မံကၤ 1:9 - Sgaw Karen Common Bible

⁹ ၡၤမရံအပူၤလီၢ်ပူၤကျဲတဖၣ်ဘျါတသ့ဘၣ်. ကီၢ်ယူဒၤစ့ၢ်ကီးဘူးတ့ၢ်မးကတူၢ်ဘၣ်တၢ်တမံၤဃီလီၤ. တၢ်ဟးဂူာ်ဟးဂီၤဟဲတ့ၢ်တုၤဒၣ်လဲာ်ဆူဝ့ၢ်ယရူၤၡလ့ၣ်အတြဲၤ ဖးဒိၣ်တဖၣ်ဖဲယပှၤဂီၢ်မုၢ်အိၣ်ဆိးဝဲအလီၢ်လီၤ.”

လံာ်မံကၤ 1:9 Iomraidhean Croise

လံာ်ယၡါယၤ 3:26

ဝ့ၢ်အတြဲၤတဖၣ်ကသူၣ်အုးသးအုးဒီးဟီၣ်ဝဲယၢၤဝဲ, ဒီးဝ့ၢ်အကစၢ်ဒၣ်ဝဲကလီၤဂာ်ဒ်ပိာ်မုၣ်အိၣ်ဘ့ၣ်ဆ့ တဂၤဆ့ၣ်နီၤလၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 36:1

ဖဲစီၤဃံးစကံယၤကဲထီၣ်ကီၢ်ယူၤဒၤအစီၤပၤပှဲၤထီၣ်တဆံလွံၢ်နံၣ်တနံၣ်န့ၣ်, ကီၢ်အၤၡူၢ်အစီၤပၤစီၤစၤနဃ့ရံာ်ဟဲထီၣ်ဒုးကီၢ်ယူဒၤ အဝ့ၢ်တဖၣ်လၢအအိၣ်ဒီးအခိၣ်ဒူခဲလၢာ်ဒီးမၤနၢၤမၤန့ၢ်အီၤလီၤ.

လံာ်ယၡါယၤ 36:2

ဝံၤဒီးအဝဲဟ့ၣ်လီၤအကလုၢ်လၢအသုးခိၣ်ကျၢၢ်ကလဲၤတၢ်လၢဝ့ၢ်လၤ ကံၣ်ဆူဝ့ၢ်ယရူၤရှလ့ၣ်အိၣ်ဒီးသုးမုၢ်ဖးဒိၣ်တဖုဒ်သိးကမၢဆူၣ် စီၤပၤဃံးစကံယၤလၢအကပာ်လီၤအစုကဝဲၤအဂီၢ်လီၤ. သုးခိၣ်ဖးဒိၣ်န့ၣ်ပၢၤဃးကျဲတဘိဖဲပှၤစုၣ်တၢ်ကံးယာ်တဖၣ် မၤတၢ်, ဖဲထံကျိၤလၢအဟဲစိာ်လီၤထံလၢကွံလၢထးတတီၤန့ၣ်လီၤ.

လံာ်ယံးရမံယၤ 15:18

ဘၣ်မနုၤအဃိယတူၢ်ဘၣ်ဒံးဒၣ်တၢ်နးတၢ်ဖှီၣ်န့ၣ်လဲၣ်. ဘၣ်မနုၤ အဃိတဘျါက့ၤဝဲန့ၣ်လဲၣ်. မ့ၢ်နပာ်လီၤနသးလၢနကမၤ သးဟးဂီၤယၤဒ်ထံကျိဖိတဘိလၢအလီၤသံးကွံာ်ဝဲလၢတၢ်ကိၢ်ခါ အသိးန့ၣ်ဧါ.”

လံာ်ယံးရမံယၤ 46:11

ကီၢ်အဲၤကူပတူး အပှၤဂီၢ်မုၢ်သ့ၣ်ဧၢ, လဲၤဆူကီၢ်ကံးလဧး, ဒီးကွၢ်ဃုကသံၣ်ဖီၣ်ကသီဖီၣ်တက့ၢ်. သုကသံၣ်ကသီခဲလၢာ်အံၤ အဘျုးတအိၣ်ဘၣ်. တၢ်လၢအမၤဘျါက့ၤ သုသ့တအိၣ်နီတမံၤဘၣ်.

လံာ်မံကၤ 1:12

ပှၤဂီၢ်မုၢ်လၢဝ့ၢ်မၤရိးအပူၤန့ၣ်ကွၢ်လၢ်တၢ်မၤမုာ်မၤခုၣ်လၢတၢ်သူၣ် တတုၤလီၤသးတတုၤလီၤအပူၤလီၤ. အဂ့ၢ်ဒ်အံၤယွၤဟဲစိာ်တၢ်ဟးဂူာ်ဟးဂီၤဘူးဒီးဝ့ၢ်ယရူၤၡလ့ၣ် လီၤ.

လံာ်မံကၤ 6:13

မၤသးဒ်န့ၣ်ဒီးယစးထီၣ်မၤတ့ၢ်သုတၢ်ဟးဂီၤဒီးတၢ်လီၤပှီၢ်လၢ သုတၢ်ဒဲးဘးတဖၣ်အဃိလီၤ.

လံာ်နၤဃူၣ် 3:19

ကသံၣ်ဖီၣ်တအိၣ်ဘၣ်နီတမံၤလၢနတၢ်ဘၣ်ဒိဘၣ်ထံးတဖၣ် အဂီၢ်ဘၣ်. ဒီးနပူၤလီၢ်ပူၤကျဲတဖၣ်ဘျါက့ၤတသ့ဘၣ်. ကယဲၢ်ပှၤလၢအနၢ်ဟူနတၢ်ဟးဂီၤအကစီၣ်တဖၣ် န့ၣ်ဒဲအစုလၢတၢ်သူၣ်ဖှံသးညီအပူၤန့ၣ်လီၤ. အဂ့ၢ်ဒ်အံၤ, ပှၤကပူၤဖျဲးလၢနတၢ်မၤအၢမၤသီအကတၢၢ်တအိၣ်ဘၣ်န့ၣ်တ အိၣ်ဘၣ်တ့ၢ်နီတဂၤဘၣ်.