လံာ်မံကၤ 1:6 - Sgaw Karen Common Bible

⁶ မ်ဒ်န့ၣ်ဒီးယွၤစံးဝဲဒၣ်, ယကဒုးကဲထီၣ်ၡၤမရံလၢတၢ်ဟးဂီၤပူၣ်ထီၣ်သးအလီၢ်တပူၤလၢတၢ်ပျီပူၤ, တၢ်လီၢ်လၢတၢ်ကသူၣ်စပံးမုၢ်အဂီၢ်လီၤ. ယကဂၢ်လီၤကွံာ်လၢၢ်အက့အခီတဖၣ်လၢဝ့ၢ်ပူၤဆူကစၢၢ်ကဆူးအပူၤ ဒီးယကဒုးအိၣ်ဖျါထီၣ်ဝ့ၢ်အခီၣ်ထံးတဖၣ်လီၤ.

လံာ်မံကၤ 1:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:13

အဝဲမ့ၢ်ဂုၤက့ၤအလီၢ်ခံဆူဝ့ၢ်တဝ့ၢ်အပူၤဒီး, ပပှၤဂီၢ်မုၢ်ခဲလၢာ်ကဟဲစိာ်ပျံၤတဖၣ်ဒီးထုးလီၤတဲာ်ဝ့ၢ်န့ၣ် ဆူတြီၤလၢအအိၣ်လၢလာ်ခီအပူၤန့ၣ်လီၤ. လၢတၢ်လူၢ်ဒီခိၣ်န့ၣ်လၢၢ်ဖိတဖျၢၣ်ဒၣ်လဲာ်တအိၣ်လီၤတဲာ်ဘၣ်ဝဲ ဘၣ်.”

လံာ်စီၤပၤခံဘ့ၣ်တဘ့ၣ် 18:10

လၢတၢ်ကဝီၤဃာ်သၢနံၣ်တနံၣ်အပူၤန့ၣ်, ၡၤမရံလီၤကွံာ်ဝဲလီၤ. တၢ်အံၤမ့ၢ်ဆၢကတီၢ်ဖဲစီၤဃံးစကံယၤပၢတၢ်ဃုနံၣ်တနံၣ်ဒီး စီၤဟိၤၡ့ပၢတၢ်ခွံနံၣ်တနံၣ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:9

လၢစီၤဃံးစကံယၤပၢတၢ်လွံၢ်နံၣ်တနံၣ်အပူၤ, လၢအမ့ၢ်ဝဲတၢ်ဆၢကတီၢ်ဖဲစီၤပၤဟိၤၡ့ပၢတၢ်လၢကီၢ်အံၣ်စရ့ လးနွံနံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်ၡၤလမၤန့စ့ၢ်ဟဲနုာ်လီၤဒုးကီၢ် အံၣ်စရ့လးဒီးကဝီၤဃာ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:25

မ့ၢ်နတနၢ်ဟူဘၣ်တ့ၢ်နီတစုလၢ, ယကူၣ်ကျဲၤတ့ၢ်တၢ်အံၤလၢပျၢၤ လံၤလံၤန့ၣ်ဘၣ်ဧါ. ဒီးခဲကနံၣ်အံၤယမၤလၢထီၣ်ပှဲၤထီၣ်အီၤလံ. ယဟ့ၣ်လီၤနၤတၢ်စိတၢ်ကမီၤလၢအကဘိးဃၣ်ကွံာ်ဝ့ၢ်တဖၣ်လၢအဘၣ်တၢ် မၤခၢၣ်သနၢၣ်အီၤဆူတၢ်ဟးဂီၤအပူၣ်တဖၣ်န့ၣ်လီၤ.

လံာ်ယၡါယၤ 17:1

ယွၤစံးဝဲဒၣ်, “ဒၤမ့းစ့းတမ့ၢ်ဝ့ၢ်တဖျၢၣ်ယံာ်ယံာ်လၢၤဘၣ်. ကမ့ၢ်ဒၣ်တၢ်လီၤပှီၢ်ဟးဂီၤတဖၣ်အတၢ်ပာ်ဖှိၣ်ထီၣ်အသးအလီၢ် တတီၤလီၤ.

လံာ်ယၡါယၤ 25:12

အဝဲကမၤဟးဂီၤကီၢ်မိၤအးအတိာ်ဧိၤတာ်ဧိၤတဖၣ်ဃုာ်ဒီး အဝ့ၢ်ခိၣ်ဒူလၢအထီတဖၣ်ဒီးမၤလီၤပှီၢ်လီၤကလဲကွံာ်အီၤဆူ ဖၣ်ကမူၣ်ဖၣ်ဆါအကျါန့ၣ်လီၤ.

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယံးရမံယၤ 31:5

မၤကဒီး တစုသုကသူၣ်လီၤဖျးလီၤ စပံးလီၢ်တဖၣ်လၢ ကီၢ်ၡၤမရံ အတၢ်လူၢ်တဖၣ်အလိၤ, ဒီး ပှၤတဖၣ်လၢ အသူၣ်လီၤအီၤန့ၣ် ကအီၣ်တၢ်လၢ စပံးလီၢ်တဖၣ် ဟ့ၣ်ထီၣ်ဝဲန့ၣ်လီၤ.

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်သးသယုၢ်တၢ် 4:1

ပထူလၢအကတြ့ၣ်ကတြိၣ်တဖၣ်ထီၣ်အ့ၣ်ဝဲ, ယွၤအတၢ်လုၢ်ဟံၣ်အလၢၢ် တဖၣ်လီၤပြံလီၤပြါလၢကျဲတဖၣ်အဖီခိၣ်လီၤ.

လံာ်ယဃ့းစက့လး 13:14

ယတိာ်ပာ်ယသးလၢယကမၤလီၤပှီၢ်တၢ်ဒူၣ်လၢအဝဲသ့ၣ်ဖှူဝဲလၢထူၣ် ဝါန့ၣ်, ယကမၤလီၤကလဲကွံာ်အီၤ, ဒီးယကပာ်လ့ၤကဒိတၢ်အခီၣ်ထံးအလၢၢ်တဖၣ်န့ၣ်လီၤ. တၢ်ဒူၣ်န့ၣ်ကလီၤပှီၢ်ဝဲဒီးမၤသံသုခဲလၢာ်လီၤ. အန့ၣ်ဒီး, ပှၤကိးဂၤဒဲးကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်ဧၤမိၣ် 5:11

သုမၤအၢမၤနးတ့ၢ်လံပှၤဖှီၣ်ဖိယာ်ဖိဒီးဂုာ် ဆူၣ်ပျီဆူၣ်အဘုဧိၤဟုဧိၤလီၤ. မၤသးဒ်န့ၣ်ဒီး, သုတအိၣ်ဘၣ်လၢဟံၣ်တဖၣ်လၢသုမၤအီၤလၢလၢၢ်ဂ့ၤ မ့ၢ်ဂ့ၤ, သုတအီဘၣ်စပံးထံဟဲလၢစပံးလီၢ်အဃံအလၤလၢသုသူၣ်လီၤဖျး လီၤမ့ၢ်ဂ့ၤန့ၣ်ဘၣ်.

လံာ်ဧၤမိၣ် 6:8

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ကတိၤဟ့ၣ်ပလီၢ်တၢ် လၢအနီၢ်ကစၢ်ဒၣ်ဝဲ, ဒီးစံးဝဲဒၣ်, ယသးဟ့ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီအသး, ယသးဘၣ် အၢအတၢ်အိၣ်မုာ်ဆိးပၢၤအလီၢ်တဖၣ်လီၤ. ယကဟ့ၣ်လီၤအဝ့ၢ်ခိၣ်ဒီးကယဲၢ်တၢ်အိၣ်လၢအပူၤခဲလၢာ်ဆူ အဒုၣ်အဒါအစုပူၤန့ၣ်လီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်ဃဘးကူာ် 3:13

နဟးထီၣ်လၢနကအုၣ်က့ၤခီၣ်က့ၤပှၤဂီၢ်မုၢ် ဒီးလၢစီၤပၤလၢနဃုထၢတ့ၢ်လံအီၤ အတၢ်အုၣ်က့ၤခီၣ်က့ၤအဂီၢ်လီၤ. နတီၢ်လီၤဃံၤကွံာ်ပှၤတတီတလိၤအခိၣ်အနၢ် ဒီးမၤဟးဂီၤကွံာ်အပျဲၢ်အဘီၣ်တဖၣ် လၢာ်လၢာ်ဆ့ဆ့လီၤ.

လံာ်မးသဲ 24:2

ဒီးယ့ၣ်ၡူးစံးဘၣ်အဝဲသ့ၣ်, “တၢ်တဖၣ်အံၤသုထံၣ်သုဝဲတမ့ၢ်ဘၣ်ဧါ. ယစံးဘၣ်တဲဘၣ်သုတၢ်မ့ၢ်တၢ်တီ, တၢ်သူၣ်ထီၣ်အလၢၢ်တဖၣ်အံၤကဘၣ်တၢ်မၤလီၤပှီၢ်ကွံာ်အီၤခဲလၢာ်, ဒီးတအိၣ်လၢၤလၢအလီၢ်ဒၣ်ဝဲနီတဖျၢၣ်လၢၤဘၣ်.”