လံာ်မံကၤ 1:5 - Sgaw Karen Common Bible

⁵ တၢ်မၤအသးတဖၣ်အံၤခဲလၢာ်ကလၢထီၣ်ပှဲၤထီၣ်ဝဲလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်မၤလံတၢ်ဒဲးဘးဒီးပူထီၣ်လံယွၤလံ. ပှၤအံၣ်စရ့လးဖိတဖၣ်ပူထီၣ်တၢ်န့ၣ်မ့ၢ်မတၤအတၢ်ကမၣ်လဲၣ်. မ့ၢ်ဒၣ်, ၡၤမရံဝ့ၢ်ခိၣ်အကစၢ်ဒၣ်အတၢ်ကမၣ်လီၤ. တၢ်ဘါတၢ်ဂီၤတၢ်ဖီၣ်လၢကီၢ်ယူဒၤအပူၤန့ၣ် မ့ၢ်မတၤအတၢ်ကမၣ်လဲၣ်. မ့ၢ်ဝ့ၢ်ယရူၤၡလ့ၣ်အနီၢ်ကစၢ်ဒၣ်ဝဲလီၤ.

လံာ်မံကၤ 1:5 Iomraidhean Croise

လံာ်စီၤပၤအခီၣ်ထံးတဘ့ၣ် 11:7

လၢဝ့ၢ်ယရူၤၡလ့ၣ်မုၢ်ထီၣ်အကစၢၢ်ဒီခိၣ်န့ၣ်အဝဲမၤထီၣ်တၢ်လီၢ် တတီၤလၢကဘူၣ်ထီၣ်ဘါထီၣ်ကီၢ်မိၤအးအကစၢ်တဖၣ်လၢအလီၤသးဘၣ် အၢ, ကမိၣ်အဂီၢ်, ဒီးတၢ်လီၢ်တတီၤလၢကဘူၣ်ထီၣ်ဘါထီၣ်ကီၢ်ဧၣ်မိၣ်အကစၢ်လၢတၢ်လီၤ သးဘၣ်အၢမိလးအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:32

တၢ်ကတိၤတဖၣ်လၢအဝဲကတိၤတ့ၢ်ဝဲဒ်ယွၤအတၢ်မၤလိာ်တ့ၢ်, ထီဒါတၢ်လုၢ်လီၢ်လၢဝ့ၢ်ဘ့ၤသ့လး, ဒီးထီဒါတၢ်ဘူၣ်တၢ်ဘါ ထီၣ်အလီၢ်တဖၣ်လၢကီၢ်ၡၤမရံအဝ့ၢ်တဖၣ်အပူၤန့ၣ်, ကလၢထီၣ်ပှဲၤထီၣ်သပှၢ်ကတၢၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 16:24

ဝံၤဒီးအဝဲပှ့ၤန့ၢ်ကီၢ်ၡၤမရံအကစၢၢ်လၢစ့အဘ့ၣ်ဃုကထိ လၢပှၤတဂၤလၢအမံၤမ့ၢ်ဝဲစီၤၡ့မ့ၢ်အအိၣ်န့ၣ်လီၤ. စီၤဧိၣ်ရံၤမၤဂၢၢ်ထီၣ်ကျၢၤထီၣ်ကစၢၢ်န့ၣ်, သူၣ်ထီၣ်ဝ့ၢ်တဖျၢၣ်ဖဲန့ၣ်ဒီးယုၢ်ဝဲအမံၤလၢၡၤမရံပိာ်ထွဲထီၣ်စီၤၡ့မ့ၢ်, ကစၢၢ်အကစၢ်လၢညါအမံၤအခံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:4

လၢအဝဲအတၢ်ကျဲၤအပူၤန့ၣ်, အဝဲအပှၤတဖၣ်တီၢ်လီၤကလဲ ကွံာ်တၢ်လုၢ်လီၢ်တဖၣ်ဖဲဘဧၤလးဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဒီးမၤလီၤပှီၢ်ကွံာ်တၢ်လုၢ်နၢမူအတၢ်လုၢ်လီၢ်တဖၣ်လၢအအိၣ်ဘူးဖဲန့ၣ်, န့ၣ်လီၤ. အဝဲသ့ၣ်မၤလီၤကမူၣ်ကွံာ်ကစၢ်မုၣ်အၡ့ရၤအဂီၤတဖၣ် ဒီးကယဲၢ်တၢ်ဂီၤတၢ်ဖီၣ်အဂၤတဖၣ်, ဝံၤဒီးဖှံလီၤကွံာ်တၢ်ကမူၣ်တဖၣ်လၢပှၤဂီၢ်မုၢ်လၢအလုၢ်ထီၣ် တၢ်ဆူအဝဲသ့ၣ်တဖၣ်အတၢ်သွၣ်ခိၣ်အလိၤန့ၣ်လီၤ.

လံာ်ယၡါယၤ 7:9

ကီၢ်အံၣ်စရ့လးအဂံၢ်အဘါတဆူၣ်ထဲသိးဒီးဝ့ၢ်ၡၤမရံ, လၢအမ့ၢ်အဝ့ၢ်ခိၣ်, ဒီးဝ့ၢ်ၡၤမရံအဂံၢ်အဘါတဆူၣ်ထဲသိးဒီးစီၤပၤပ့ကးဘၣ်လီၤ. သုတၢ်စူၢ်တၢ်နာ်မ့ၢ်တဂၢၢ်တကျၢၤဘၣ်ဒီး, သုအိၣ်ဂၢၢ်ဆိးကျၢၤတန့ၢ်ဘၣ်ဝဲဘၣ်.”

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 23:13

ယထံၣ်ဘၣ်တ့ၢ်ကီၢ်ၡၤမရံအဝံတဖၣ်အတၢ်ဒဲးဘးလံ. အဝဲသ့ၣ်ကတိၤတ့ၢ်တၢ်လၢဘဧၤလးအမံၤအပူၤဒီးဆှၢဟးဖျိးကွံာ် ယပှၤဂီၢ်မုၢ်န့ၣ်လီၤ.

လံာ်ယံးရမံယၤ 23:14

မ့မ့ၢ်ယထံၣ်ဘၣ်တ့ၢ်ဝ့ၢ်ယရူၤၡလ့ၣ်အဝံတဖၣ်မၤတၢ်အၢဒိၣ်န့ၢ် တၢ်အံၤဒၣ်လဲာ်န့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီးကတိၤတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်မၤစၢၤပှၤဂီၢ်မုၢ်လၢကမၤကမၣ်တၢ်အဂီၢ်, တုၤဒၣ်လဲာ်ပှၤတဆိကတီၢ်လၢတၢ်မၤတၢ်အၢတၢ်သီနီတဂၤ လၢၤဘၣ်န့ၣ်လီၤ. လၢယဂီၢ်န့ၣ်, အဝဲသ့ၣ်ခဲလၢာ်အၢဝဲသီဝဲ ဒ်သိးဝ့ၢ်စဒိၣ်ဒီးဝ့ၢ်ဂမိရၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 4:18

ကီၢ်ယူဒၤဧၢ, နဒုးလီၤဘၣ်က့ၤတၢ်အံၤဒၣ်နဲလၢနလိၤ, ခီဖျိကျဲလၢနအိၣ်မူတ့ၢ်ဒီးတၢ်တဖၣ်လၢနမၤတ့ၢ်နဲအဃိန့ၣ်လီၤ. နတၢ်ဒဲးဘးမ့ၢ်တၢ်အဂ့ၢ်လၢအဒုးအိၣ်ထီၣ်တၢ်နးတၢ်ဖှီၣ်အံၤလီၤ. တၢ်န့ၣ်မ့ၢ်တၢ်လၢအဆဲးဖျိတ့ၢ်နသးန့ၣ်လီၤ.

လံာ်ယံးရမံယၤ 5:25

အခိၣ်တလိာ်, သုတၢ်ဒဲးဘးတဖၣ်တြီကွံာ်ပာ်ကွံာ်တၢ်အဂ့ၤ တဖၣ်အံၤလၢသုလီၤ.

လံာ်ယံးရမံယၤ 6:19

ဒိကနၣ်တၢ်တက့ၢ်, ဟီၣ်ခိၣ်ဧၢ, ယဟဲစိာ်တၢ်ဟးဂီၤလၢပှၤဂီၢ် မုၢ်သ့ၣ်တဖၣ်အံၤအဖီခိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကူၣ် အကျဲတဖၣ်အဂီၢ်အသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်ညိကွံာ်ယတၢ် သိၣ်လိသီလိဒီးတစူၢ်တ့ၢ်ဘၣ်ယတၢ်ကတိၤတဖၣ်ဘၣ်.

လံာ်သးသယုၢ်တၢ် 5:16

ပကပာ်ကဖၢလၢသးအဂီၢ်တၢ်တအိၣ်လီၤတဲာ်တ့ၢ်ဘၣ်နီတမံၤဘၣ်. ပမၤတ့ၢ်တၢ်ဒဲးဘးဒီးခဲအံၤပဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်ယဃ့းစက့လး 16:46

နဝဲၢ်မုၣ်မ့ၢ်ၡၤမရံဒီးအဒူအသဝီတဖၣ်လၢကလံၤစိးတခီန့ၣ် လီၤ. နပုၢ်မုၣ်ဃုာ်ဒီးအဒူသဝီတဖၣ်မ့ၢ်ဝဲဝ့ၢ်စဒိၣ်လၢကလံၤထံး န့ၣ်လီၤ.

လံာ်ဟိၤၡ့ 7:1

တဘျီလၢ်လၢ်ဖဲယအဲၣ်ဒိးမၤဘျါက့ၤယပှၤဂီၢ်မုၢ်အံၣ်စရ့လးဒီး ဒုးဘီၣ်ထီၣ်ညီထီၣ်ကဒီးအီၤန့ၣ်, တၢ်လၢယထံၣ်ဘၣ်တဖၣ်ခဲလၢာ်န့ၣ်မ့ၢ်ဒၣ်အဝဲသ့ၣ်အတၢ်တတီတလိၤဒီး တၢ်အၢတၢ်သီလၢအဝဲသ့ၣ်မၤန့ၣ်လီၤ. အဝဲသ့ၣ်လီန့ၢ်လိာ်အသးတဂၤဒီး တဂၤ, ဘၢၣ်ဖျိနုာ်ဆူဟံၣ်တဖၣ်အပူၤဒီးဟုၣ်တၢ်, အဝဲသ့ၣ်တမျာ်ပှၤဂီၢ် မုၢ်လၢကျဲမုၢ်တဖၣ်အပူၤန့ၣ်လီၤ.

လံာ်ဧၤမိၣ် 6:1

ပှၤအိၣ်မံသူၣ်မံသးလၢကစၢၢ်စံယိၣ်အပူၤ, ဒီးပှၤလၢအပာ်တၢ်အိၣ်သဒၢအလီၢ်လၢကီၢ်ၡၤမရံ, သုဝဲကီၢ်အံၣ်စ ရ့လးအပှၤကလုာ်ဖးဒိၣ်အခိၣ်အနၢ်တဖၣ်လၢပှၤ ဂီၢ်မုၢ်လဲၤဆူအအိၣ်လၢတၢ်မၤစၢၤအဂီၢ်သ့ၣ်ဧၢ, သုဘၣ်အဖှီၣ်လီၤ.

လံာ်ဧၤမိၣ် 7:9

တၢ်အလီၢ်တဖၣ်ဖဲစီၤအံၤစဲးအစၢၤအသွဲၣ်တဖၣ် ဘူၣ်ထီၣ်ဘါထီၣ်တၢ်န့ၣ်ကဘၣ်တၢ်မၤဟးဂီၤကွံာ်အီၤလီၤ. အံၣ်စရ့လးအတၢ်လီၢ်စီဆှံတဖၣ်ကဘၣ်တၢ် ပာ်တီၢ်ကွံာ်အီၤလၢတၢ်ဟးဂူာ်ဟးဂီၤအပူၤလီၤ. ယကမၤကတၢၢ်ကွံာ်စီၤပၤစီၤယၤရၤဘၣ်အပှၤဟံၣ်ဖိလီၤ.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

လံာ်မံကၤ 1:13

ပှၤအိၣ်ဝဲဆိးဝဲလၢဝ့ၢ်လၤကံၣ်အပူၤသ့ၣ်ဧၢ, ဂီၤကၢ်ထီၣ်ကသ့ၣ်တဖၣ်လၢလ့ၣ်ကဟၣ်ဒုးသုးတဖၣ်အဂီၢ်တက့ၢ်. သုကွၢ်လိပှၤအံၣ်စရ့လးဖိအတၢ်ဒဲးဘးတဖၣ် လၢအဒုးမၤဘၣ်ဝ့ၢ်ယရူၤၡလ့ၣ်လၢတၢ်ဒဲးဘးလီၤ.