လံာ်မံကၤ 1:3 - Sgaw Karen Common Bible

³ ယွၤဟဲဝဲလၢအလီၢ်စီဆှံလီၤ. အဝဲကဟဲလီၤဒီးဟးလၢကစၢၢ်တဖၣ်အဒီခိၣ်လီၤ.

လံာ်မံကၤ 1:3 Iomraidhean Croise

လံာ်စီၤယိၤဘး 40:12

မ့ၢ်လံ. ကွၢ်အဝဲသ့ၣ်ဒီးတ့ၢ်လီၤကွံာ်အီၤလၢအလီၢ်တက့ၢ်. ယီၢ်တံၢ်ပှၤတတီတလိၤဖဲအဝဲသ့ၣ်ဆၢထၢၣ်အလီၢ်န့ၣ်တက့ၢ်.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

လံာ်ယၡါယၤ 25:10

ကစၢ်ယွၤကဒီဒၣ်အိၣ်ပှိၤကစၢၢ်စံယိၣ်လီၤ. မ့မ့ၢ်ကီၢ်မိၤအးအပှၤဂီၢ်မုၢ်န့ၣ်ကဘၣ်တၢ်ယီၢ်လီၤတံၢ်အီၤဒ် ဘုလီၢ်ဘၣ်တၢ်ယီၢ်တံၢ်အီၤလၢတၢ်အ့ၣ်တၢ်ဆံၣ်အပူၤအသိးလီၤ.

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

လံာ်ယဃ့းစက့လး 3:12

အန့ၣ်ဝံၤဒီး, ကစၢ်ယွၤအသးစိာ်ထီၣ်ယၤ, ဒီးလၢယလီၢ်ခံတခီ ယနၢ်ဟူဘၣ်တၢ်ကလုၢ်ဖးဒိၣ် သီၣ်ထီၣ်လၢအစံးဝဲ, စံးထီၣ်ပတြၢၤယွၤ အလၤကပီၤလၢ မူခိၣ်ထးန့ၣ်တက့ၢ်.

လံာ်ဧၤမိၣ် 4:13

အဂ့ၢ်ဒ်အံၤ, ကွၢ်ကွၢ်, ပှၤလၢအမၤကစၢၢ်ကလိ ဒီးတ့လီၤကလံၤသီၣ်ဂီၤ, လၢအဒုးသ့ၣ်ညါပှၤကညီလၢအတၢ်ဆိကမိၣ်, လဲလိာ်မုၢ်နံၤဆူမုၢ်နၤ ဒီးယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ်, မ့ၢ်ကစၢ်ယွၤ, တၢ်သုးမုၢ်ဂီၢ်မုၢ်အကစၢ်မ့ၢ်အမံၤလီၤ.

လံာ်ဧၤမိၣ် 9:5

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ထိးဘၣ်ဟီၣ်ခိၣ်ဒီး ဟူးဝးဝဲ, ဒီးကယဲၢ်ပှၤအိၣ်လၢအပူၤခဲလၢာ်ဟီၣ်ဝဲယၢၤဝဲလီၤ. ဟီၣ်ခိၣ်ဒီဘ့ၣ်စံၣ်စုးဒီးလီၤသွီဒ်ထံကျိနံၤလါလၢကီၢ်အဲၤကူပတူး အသိးန့ၣ်လီၤ.

လံာ်ဃဘးကူာ် 3:19

ယွၤသ့တၢ်လၢာ်ဟ့ၣ်ယၤတၢ်ဂံၢ်တၢ်ဘါလီၤ. မၤကျၢၤယခီၣ်ဒ်တၤဟိအသိးဒီးပၢၤဃာ်ယၤပူၤ ဒုၣ်ပူၤဒါလၢကစၢၢ်ကလိအလိၤန့ၣ်လီၤ.

လံာ်စကၤရယၤ 14:4

ဖဲအဆၢကတီၢ်အဝဲန့ၣ်န့ၣ်, အဝဲကဆၢထၢၣ်လၢကစၢၢ်သ့ၣ်စၤယံးအ လိၤ, လၢအအိၣ်ဝဲဒၣ်လၢဝ့ၢ်ယရူၤၡလ့ၣ်အမုၢ်ထီၣ်န့ၣ်လီၤ. အန့ၣ်ဒီး, ကစၢၢ်သ့ၣ်စၤယံးကသ့ၣ်ဖးကွံာ်ဝဲဒၣ်ခံခီလၢမုၢ်ထီၣ်ဒီးမုၢ်နုာ်, တၢ်တြီၤဖးဒိၣ်တပူၤကအိၣ်ထီၣ်ဝဲဒၣ်လီၤ. ကစၢၢ်တဝာ်န့ၣ်ကသုးအသးဆူကလံၤစိးတကပၤ, ဒီးအတဝာ်န့ၣ်ဆူကလံၤထံးလီၤ.

လံာ်သိၣ်လီၤသီလီၤတၢ် 32:13

အဝဲဒုးပၢဘၣ်တ့ၢ်အဝဲသ့ၣ်လၢတၢ်လီၢ်အထီတဖၣ်, ဒီးအဝဲသ့ၣ်အီၣ်ဘၣ်တ့ၢ်တၢ်လၢအမဲထီၣ်လၢစံာ်ပျီတဖၣ်အပူၤန့ၣ်လီၤ. အဝဲသ့ၣ်ထံၣ်န့ၢ်ကနဲအမံၤအစီလၢလၢၢ်တဖၣ်အကျါ, အဝဲသ့ၣ်အသ့ၣ်စၤယံးတဖၣ်ဒိၣ်ထီၣ်တ့ၢ်လၢလၢၢ်ခိၣ်န့ၣ်လီၤ.

လံာ်သိၣ်လီၤသီလီၤတၢ် 33:29

အံၣ်စရ့လးဧၢ, နဘၣ်ဆိၣ်ဂ့ၤနဲဆံးဒိၣ်လဲၣ်. ပှၤဒ်သိးသု, ပှၤတကလုာ်လၢအဘၣ်တၢ်အုၣ်က့ၤခီၣ်က့ၤအီၤလၢယွၤ န့ၣ်, တအိၣ်ဝဲဒၣ်ဘၣ်. ယွၤအနီၢ်ကစၢ်ဒၣ်ဝဲမ့ၢ်သုကတီၤဒီးသုနးလၢအကဒီသဒၢသုဒီး ဟ့ၣ်သုတၢ်မၤနၢၤန့ၣ်လီၤ. သုဒုၣ်သုဒါတဖၣ်ကဟဲဃ့ကညးသုလၢတၢ်မၤစၢၤအဂီၢ် ဒီးသုကယီၢ်တံၢ်လီၤကွံာ်အဝဲသ့ၣ်န့ၣ်လီၤ.