လံာ်မံကၤ 1:15 - Sgaw Karen Common Bible

¹⁵ ဝ့ၢ်မရ့ၡၤအပှၤဂီၢ်မုၢ်သ့ၣ်ဧၢ, ယွၤကဟ့ၣ်လီၤကွံာ်သုဆူဒုၣ်ဒါတဖုလၢအကဒုးန့ၢ်သုဝ့ၢ်အစုပူၤလီၤ. ပှၤအံၣ်စရ့လးအခိၣ်အနၢ်တဖၣ်ကလဲၤအိၣ်ခူသူၣ်ဝဲလၢဝ့ၢ်ဧဒူးလၣ် အလၢၢ်ကအိပူၤလီၤ.

လံာ်မံကၤ 1:15 Iomraidhean Croise

လံာ်တၢ်ကဲထီၣ်အခီၣ်ထံး 38:1

အကတီၢ်ဖဲန့ၣ်စီၤယူဒၤဟးသဒၣ်အဒီပုၢ်ဝဲၢ်တဖၣ်ဒီးလဲၤတၢ်ဒ် သိးအကအိၣ်ဒီးပှၤတဂၤလၢအမံၤမ့ၢ်ဝဲစီၤဃံရၤလၢအဘၣ်ဃးဒီး ဝ့ၢ်ဧဒူးလၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:13

ဖဲအခါဘူးထီၣ်လၢကူးဘုအကတီၢ်ကစးထီၣ်န့ၣ်, ပှၤသၢဂၤလၢ ‘ပှၤအခိၣ်အဂၤသၢဆံ’ အကျါလဲၤလီၤဝဲဆူ ဧဒူးလၣ်အလ့ကအိ, လၢစီၤဒၤဝံးအိၣ်ဝဲ, ဖဲပှၤဖလ့ၡသးဖိတဖုသူၣ်ထီၣ်အဒဲ, ဖဲရၤဖၤကစၢၢ်ကဆူးအခါ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:7

ဝ့ၢ်ဘ့ၤသစူၢ်, ဝ့ၢ်ၡိၤကိၤ, ဝ့ၢ်ဧးဒူးလၣ်,

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်စီၤယိၤၡူ 15:35

ယၢ်မူသး, ဧဒူးလၣ်, စိကိၤ, ဧစ့ကၤ, ၡၤရယံၣ်, ဧဒံသၣ်, ကဒ့ရၤ, ဒီးကဒ့ရိၤသံၣ်န့ၣ်လီၤ. မ့ၢ်ဝ့ၢ်တဆံလွံၢ်ဝ့ၢ်ဃုာ်ဒီးဝ့ၢ်ဖိလၢအအိၣ်ဝးတ ရံးအီၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:1

စီၤဒၤဝံးဃ့ၢ်ထီၣ်ကွံာ်လၢကီၢ်ကၤသးအဝ့ၢ်ပူၤဒီးလဲၤဆူ လ့ကအိတခါလၢအဘူးဒီးဝ့ၢ်ဧးဒူးလၣ်လီၤ. ဖဲအဒီပုၢ်ဝဲၢ်တဖၣ်ဒီးအဟံၣ်ဖိဃီဖိလၢအအိၣ်လီၤတဲာ်တဖၣ်နၢ်ဟူလၢအအိၣ်ဖဲန့ၣ်ဒီးအဝဲသ့ၣ်လဲၤမၤသကိးတၢ်ဒီးအီၤန့ၣ်လီၤ.