လံာ်မံကၤ 1:13 - Sgaw Karen Common Bible

¹³ ပှၤအိၣ်ဝဲဆိးဝဲလၢဝ့ၢ်လၤကံၣ်အပူၤသ့ၣ်ဧၢ, ဂီၤကၢ်ထီၣ်ကသ့ၣ်တဖၣ်လၢလ့ၣ်ကဟၣ်ဒုးသုးတဖၣ်အဂီၢ်တက့ၢ်. သုကွၢ်လိပှၤအံၣ်စရ့လးဖိအတၢ်ဒဲးဘးတဖၣ် လၢအဒုးမၤဘၣ်ဝ့ၢ်ယရူၤၡလ့ၣ်လၢတၢ်ဒဲးဘးလီၤ.

လံာ်မံကၤ 1:13 Iomraidhean Croise

လံာ်တၢ်ကဲထီၣ်အခီၣ်ထံး 19:17

အန့ၣ်ဝံၤဒီးကလူးအကျါတဂၤန့ၣ်စံးဘၣ်အီၤ, “ဃ့ၢ်လၢသုသးသမူအဂီၢ်တက့ၢ်. ကွၢ်ဆူလီၢ်ခံတဂ့ၤ. ဒီးအိၣ်ကတီၢ်လၢတၢ်တြီၤပူၤတဂ့ၤ. ဃ့ၢ်ဆူတၢ်လူၢ်တဖၣ်အလိၤဒ် သိးသုသုတဘၣ်တၢ်မၤသံအီၤတဂ့ၤအဂီၢ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 16:31

တၢ်မၤတၢ်ဒဲးဘးဒ်စီၤယၤရၤဘၣ်အသိးန့ၣ်, လၢအဂီၢ်တလၢမၤဘၣ် အီၤအဃိအဝဲမၤအါထီၣ်ဝဲဒီးဟံးန့ၢ်အမါလၢကီၢ်စံဒိၣ်အစီၤ ပၤအ့သဘၤလးအဖိမုၣ်နီၢ်အံၤစ့ဘ့ၤလးဒီးဘူၣ်ထီၣ်ဘါထီၣ် ဘဧၤလးန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:28

ပဒိၣ်ဖးဒိၣ်တဂၤဘၣ်တဂၤစုာ်စုာ်ဟ့ၣ်ထီၣ်စ့ၢ်ကီးဘုမုယီၤ, ဒီးလီၢ်ဧိၤဒံးဧိၤလၢကဘၣ်ဟ့ၣ်ဝဲဒ်တၢ်ဃ့အီၤအသိး, ဖဲတၢ်လိၣ်ဘၣ်အီၤတပူၤလၢ်လၢ်လၢလ့ၣ်ကဟၣ်အကသ့ၣ်တဖၣ်အဂီၢ်ဒီးလၢ ဆၣ်ဖိကီၢ်ဖိလၢတၢ်မၢအီၤတဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:19

တၢ်ကူၣ်အၢတမံၤအိၣ်ထီၣ်ဝဲလၢဝ့ၢ်ယရူၤၡလ့ၣ်အပူၤလၢတၢ်ကမၤသံ စီၤအမၤစယါအဃိအဝဲဃ့ၢ်ပူၤဖျဲးအသးဆူဝ့ၢ်လၤကံၣ်, ဘၣ်ဆၣ်အဒုၣ်အဒါတဖၣ်လူၤထွဲအီၤဖဲန့ၣ်ဒီးမၤသံကွံာ်အီၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 18:17

ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:18

အဝဲအမါမ့ၢ်စီၤအၤဃာ်အဖိမုၣ်, ဒီးဒ်စီၤအၤဃာ်အဟံၣ်ဖိဃီဖိ အသိးန့ၣ်အဝဲပိာ်ထွဲကျဲအၢကျဲသီတဖၣ်လၢကီၢ်အံၣ်စရ့လး အစီၤပၤတဖၣ်ပိာ်တ့ၢ်ဝဲန့ၣ်လီၤ. အဝဲမၤတ့ၢ်တၢ်ဒဲးဘးထီဒါယွၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 11:9

ဝ့ၢ်အဒိရဲၣ်, ဝ့ၢ်လၤကံၣ်, ဝ့ၢ်ဧစ့ကၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 32:9

တယံာ်ဘၣ်ဖဲစီၤစၤနဃ့ရံးဒီးပှၤသုးမုၢ်အိၣ်ဒံးဝဲဖဲဝ့ၢ် လၤကံၣ်အခါန့ၣ်, အဝဲဆှၢလီၤတၢ်ကစီၣ်လၢလာ်အံၤဆူစီၤဃံးစကံယၤဒီးကီၢ်ယူ ဒၤအပှၤဂီၢ်မုၢ်လၢအအိၣ်ဒီးအီၤလၢဝ့ၢ်ယရူၤၡလ့ၣ်အပူၤအအိၣ် န့ၣ်လီၤ.

လံာ်စီၤယိၤဘး 39:10

နစၢဃာ်အီၤလၢပျံၤတဘိဒီးမၢအထဲၣ်တၢ်မ့တမ့ၢ်နဒုးထုး အီၤကကြၢ်လၢနစံၣ်ပျီပူၤဘၣ်ကသ့ဧါ.

လံာ်တၢ်ဟးထီၣ်ကွံာ် 32:21

အဝဲစံးဘၣ်စီၤအၤဟရိၣ်, “ဒ်သိးနကမၤတုၤပှၤဂီၢ်မုၢ်မၤတၢ် ဒဲးဘးလီၤပျံၤလီၤဖုးတမံၤအံၤအဂီၢ်န့ၣ်အဝဲသ့ၣ်မၤနၤမနုၤ တမံၤလဲၣ်.”

လံာ်ယၡါယၤ 10:31

ပှၤလၢဝ့ၢ်မၤဒမ့ၤနၤဒီးသဝီက့ဘံၣ်တဖၣ်ဃ့ၢ်ကွံာ်ဝဲလၢအသး သမူအဂီၢ်လီၤ.

လံာ်ယၡါယၤ 36:2

ဝံၤဒီးအဝဲဟ့ၣ်လီၤအကလုၢ်လၢအသုးခိၣ်ကျၢၢ်ကလဲၤတၢ်လၢဝ့ၢ်လၤ ကံၣ်ဆူဝ့ၢ်ယရူၤရှလ့ၣ်အိၣ်ဒီးသုးမုၢ်ဖးဒိၣ်တဖုဒ်သိးကမၢဆူၣ် စီၤပၤဃံးစကံယၤလၢအကပာ်လီၤအစုကဝဲၤအဂီၢ်လီၤ. သုးခိၣ်ဖးဒိၣ်န့ၣ်ပၢၤဃးကျဲတဘိဖဲပှၤစုၣ်တၢ်ကံးယာ်တဖၣ် မၤတၢ်, ဖဲထံကျိၤလၢအဟဲစိာ်လီၤထံလၢကွံလၢထးတတီၤန့ၣ်လီၤ.

လံာ်ယၡါယၤ 37:8

ကီၢ်အၤၡူၢ်အသုးခိၣ်သ့ၣ်ညါထွဲဝဲလၢစီၤပၤဖးဒိၣ်ဟးထီၣ် တ့ၢ်လံလၢဝ့ၢ်လၤကံၣ်ဒီးလဲၤဒုးတၢ်ထီဒါဝ့ၢ်တံးဘနၤလၢ အအိၣ်ဘူးဖဲန့ၣ်လီၤ. အန့ၣ်ဒီး, အဝဲလဲၤဝဲဖဲန့ၣ်လၢကကတိၤသကိးတၢ်ဒီးအီၤအဂီၢ်လီၤ.

လံာ်ယံးရမံယၤ 3:8

ကီၢ်ယူဒၤထံၣ်ဘၣ်စ့ၢ်ကီးလၢယပာ်မၢ်ကွံာ်ကီၢ်အံၣ်စရ့လးဒီး ဆှၢဖျိးကွံာ်အီၤ, မ့ၢ်လၢအဝဲဃၣ်ကွံာ်အသးလၢယၤဒီး ကဲထီၣ်က့ၤပှၤဃဲသဲမုၣ်တဂၤအဃိလီၤ. ဘၣ်ဆၣ်ဒီး, ကီၢ်ယူဒၤ လၢအမ့ၢ်ကီၢ်အံၣ်စရ့လးအဒီပုၢ်ဝဲၢ်မုၣ်လၢအသးတတီဘၣ်န့ၣ်, တပျံၤဘၣ်တၢ်ဘၣ်. အဝဲဒၣ်စ့ၢ်ကီးကဲထီၣ်ပှၤဃဲသဲမုၣ်တဂၤ,

လံာ်ယံးရမံယၤ 34:7

ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

လံာ်ယံးရမံယၤ 4:29

ဖဲပှၤဒိးကသ့ၣ်တဖၣ်ဒီးပှၤခးချံၣ်ဖိတဖၣ်အတၢ်ကလုၢ်သီၣ်ထီၣ်န့ၣ်, ပှၤကိးဂၤဒဲးကထွးထီၣ်ဃ့ၢ်ကွံာ်ဝဲလီၤ. တနီၤကဃ့ၢ်ဆူသ့ၣ်ပှၢ်ပူၤ, ဒီးအဂၤတနီၤကလဲၤထီၣ်ဆူလၢၢ်လ့တဖၣ်အကျါလီၤ. ဝ့ၢ်ကိးဝ့ၢ်ဒဲးကအိၣ်တ့ၢ်လီၤဖျဲၣ်လီၤဟိ, ဒီးပှၤတအိၣ်ကဒီးလၢၤလၢအပူၤနီတဂၤဘၣ် နီတစုလၢၤဘၣ်လီၤ.

လံာ်ယဃ့းစက့လး 23:11

အဒီပုၢ်ဝဲၢ်မုၢ်နီၢ်အိၤဟိလံဘၤထံၣ်ဘၣ်တၢ်အံၤနာ်သက့, အဝဲအတၢ်သးကတၢဒီးအတၢ်မ့ၢ်ပှၤဃဲသဲမုၣ်န့ၣ်, အါဒိၣ်န့ၢ်ဒံးနီၢ်အိၤဟိလၤမ့ၢ်တ့ၢ်ဝဲတက့ၢ်န့ၣ်လီၤ.

လံာ်မံကၤ 1:5

တၢ်မၤအသးတဖၣ်အံၤခဲလၢာ်ကလၢထီၣ်ပှဲၤထီၣ်ဝဲလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်မၤလံတၢ်ဒဲးဘးဒီးပူထီၣ်လံယွၤလံ. ပှၤအံၣ်စရ့လးဖိတဖၣ်ပူထီၣ်တၢ်န့ၣ်မ့ၢ်မတၤအတၢ်ကမၣ်လဲၣ်. မ့ၢ်ဒၣ်, ၡၤမရံဝ့ၢ်ခိၣ်အကစၢ်ဒၣ်အတၢ်ကမၣ်လီၤ. တၢ်ဘါတၢ်ဂီၤတၢ်ဖီၣ်လၢကီၢ်ယူဒၤအပူၤန့ၣ် မ့ၢ်မတၤအတၢ်ကမၣ်လဲၣ်. မ့ၢ်ဝ့ၢ်ယရူၤၡလ့ၣ်အနီၢ်ကစၢ်ဒၣ်ဝဲလီၤ.

လံာ်စီၤယိၤၡူ 10:3

အန့ၣ်ဒီး, ဝ့ၢ်ယရူၤၡလ့ၣ်အစီၤပၤအဒိၤနံၤစ့ဒ့းဆှၢလီၤတၢ်ကစီၣ်ဆူဝ့ၢ်ဃ့ဘြိၣ်အစီၤပၤဟိဟၣ်, ဝ့ၢ်ယၢ်မူသးအစီၤပၤပံးရၣ်, ဝ့ၢ်လၤကံၣ်အစီၤပၤယၤဖံ, ဒီးဝ့ၢ်ဧ့းကလိၣ်အစီၤပၤဒဘံၢ်အအိၣ်ဒီးစံးဝဲ,

လံာ်စီၤယိၤၡူ 15:39

လၤကံၣ်, ဘိးစကး, ဧ့ၣ်ကလိၣ်,

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.