လံာ်မံကၤ 1:11 - Sgaw Karen Common Bible

¹¹ ပှၤဂီၢ်မုၢ်လၢဝ့ၢ်ၡၤဖံၣ်ဧၢ, လဲၤဆူတၢ်စိာ်မၢကဲကုၢ်အပူၤလၢတၢ်အိၣ်ဘ့ၣ်ဆ့ဒီးတၢ်မဲာ်ဆှးတက့ၢ်. ပှၤတဖၣ်လၢအအိၣ်ဝဲဆိးဝဲလၢဝ့ၢ်စၤနၣ်အပူၤန့ၣ်ဟဲထီၣ်ဆူဝ့ၢ်အချၢ တဘူၣ်ဘၣ်. ဖဲသုနၢ်ဟူဝ့ၢ်ဘ့ၤစသ့လးအပှၤဂီၢ်မုၢ်ဟီၣ်တၢ်ယၢၤ တၢ်န့ၣ်, သုကသ့ၣ်ညါလၢတၢ်ပူၤဖျဲးအလီၢ်တအိၣ်ဘၣ်ဖဲန့ၣ်ဘၣ်.

လံာ်မံကၤ 1:11 Iomraidhean Croise

လံာ်ယၡါယၤ 16:2

အဝဲသ့ၣ်အိၣ်ခိးတၢ်ဖဲထံကျိအၤနိၣ် အကၢၢ်ခိၣ်ဒီးသုးအသးဖဲအံၤဖဲနုၤ လၢတၢ်တိာ်တအိၣ်ဘၣ်အပူၤ, ဒ်ထိၣ်တဖၣ်လၢအဘၣ် တၢ်နီၣ်ထီၣ်ကွံာ်အီၤလၢအသွံပူၤအသိးန့ၣ်လီၤ.

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယံးရမံယၤ 13:22

နမ့ၢ်သံကွၢ်, ဘၣ်မနုၤအဃိတၢ်သ့ၣ်တဖၣ်အံၤမၤအသးဒီးနၤလဲၣ်, ဘၣ်မနုၤအဃိနကူနကၤတဖၣ်ဘၣ်တၢ်ဖှီယာ်အီၤဒီးနဘၣ်တၢ်မၤ တရီတပါနၤလဲၣ်ဒီး, တၢ်အံၤမ့ၢ်ဒၣ်လၢနတၢ်ဒဲးဘးလီၤပျံၤလီၤဖုး ဒိၣ်မးအဃိန့ၣ်လီၤ.

လံာ်ယံးရမံယၤ 48:6

အဝဲသ့ၣ် စံးဝဲဒၣ်, ‘မၤချ့ချ့ဃ့ၢ်ကွံာ်လၢသုသးသမူအဂီၢ်တက့ၢ်. ဃ့ၢ်ဒ်မဲးမုၢ်ခိၣ်ကသ့ၣ်ယီၤမံၤတဒုအသိးန့ၣ်တက့ၢ်,’

လံာ်ယံးရမံယၤ 48:9

သူၣ်ထီၣ်တၢ်သွၣ်ခိၣ်အလၢၢ်ထူၣ်တထူၣ်လၢ ကီၢ်မိၤအးအဂီၢ်တက့ၢ်. တယံာ်လၢၤဘၣ်ဒီး တၢ်ကမၤဟးဂီၤကွံာ်အီၤလီၤ. အဝ့ၢ်တဖၣ် ကအိၣ်သယုၢ် ဒီးပှၤတအိၣ်ဆိးဝဲ ကဒီးဘၣ်လၢ အပူၤနီတဂၤဘၣ်.”

လံာ်ယဃ့းစက့လး 16:37

လၢတၢ်အံၤအဃိ, ယကဟဲပာ်ဖှိၣ်ပှၤလၢနအဲၣ်တ့ၢ်အီၤလၢညါတဖၣ်တပူၤဃီခဲလၢာ်, ပှၤတဖၣ်လၢနအဲၣ်အီၤဒီးပှၤတဖၣ်လၢနသးဟ့အီၤန့ၣ်လီၤ. ယကဟဲပာ်ဖှိၣ်အဝဲသ့ၣ်ဝးတရံးနၤဒီးကကဝီၤဃာ်နၤလီၤ. အန့ၣ်ဝံၤဒီး, ယကဘ့ၣ်လီၤကွံာ်နကူသိးတဖၣ်ဒီးပျဲအဝဲသ့ၣ်ထံၣ်ဘၣ် နတၢ်အိၣ်ဘ့ၣ်ဆ့န့ၣ်လီၤ.

လံာ်ယဃ့းစက့လး 23:29

ဒီးမ့ၢ်လၢအဝဲသ့ၣ်သးဟ့နၤအဃိ, ဒီးဘ့ၣ်ကွံာ်နကူနသိးဒီး ပာ်တ့ၢ်နၤအိၣ်ဘ့ၣ်ဆ့, အိၣ်ဖျါဒ်ပှၤဃဲသဲမုၣ်တဂၤအသိးန့ၣ်လီၤ. နတၢ်သးကတၢဒီးနတၢ်မၤပှၤဃဲသဲမုၣ်အတၢ်မၤ, ဒုးလီၤဘၣ်တၢ်အံၤလၢနလိၤန့ၣ်လီၤ.

လံာ်မံကၤ 1:8

တုၤနုၤတစု, ဝံမံကၤစံးဝဲ, “ယကဟီၣ်တၢ်ယၢၤတၢ်ဒီးဘၣ်မိၢ်ဘၣ်မးလၢတၢ်တဖၣ်အံၤအဃိလီၤ. ူလၢတၢ်ဒုးနဲၣ်ဖျါယတၢ်သးအုးအဂီၢ်န့ၣ်ယကလဲၤတၢ်ထဲယခီၣ်ညါသး ဒီးအိၣ်ဘ့ၣ်ဆ့လီၤ. ယကအိၣ်ယူၤဒ်ထွံၣ်ဟီၣ်ခိၣ်အသိးဒီးယ ကဟီၣ်ကအုဒ်ထိၣ်ကီၤလၤအူးအသိးန့ၣ်လီၤ.

လံာ်နၤဃူၣ် 3:5

ယွၤသ့တၢ်လၢာ်စံးဝဲဒၣ်, “ဝ့ၢ်နံၤနဝ့ဧၢ, ယကစံၣ်ညီၣ်နၤလီၤ. ယကမၤအိၣ်ဘ့ၣ်ဆ့နၤ ဒီးပျဲပှၤကလုာ်တဖၣ်ကွၢ်နၤ ဒီးထံၣ်နၤလၢနတၢ်မဲာ်ဆှးခဲလၢာ်အပူၤန့ၣ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်စီၤယိၤၡူ 15:37

အိၣ်စ့ၢ်ကီးဒီးစနၣ်, ကဒါၡၤ, မံးကဒးလကး,