လံာ်မံကၤ 1:1 - Sgaw Karen Common Bible

¹ ဖဲစီၤယိၤသၣ်, စီၤအၤဃာ်ဒီးစီၤဃံးစကံယၤတဖၣ်မ့ၢ်ကီၢ်ယူ ဒၤအစီၤပၤအကတီၢ်န့ၣ်ယွၤဟ့ၣ်လီၤတၢ်ကစီၣ်အံၤဆူဝံမံကၤ, ပှၤလၢဝ့ၢ်မိရၤၡးတခီလီၤ. ယွၤလီၣ်ဖျါထီၣ်တၢ်ဂ့ၢ်ခဲလၢာ်အံၤဘၣ်ဃးဒီးၡၤမရံဒီး ဝ့ၢ်ယရူၤၡလ့ၣ်ဆူဝံမံကၤန့ၣ်လီၤ.

လံာ်မံကၤ 1:1 Iomraidhean Croise

လံာ်စီၤပၤခံဘ့ၣ်တဘ့ၣ် 15:32

လၢစီၤရမါလယၤအဖိခွါစီၤပ့ကးပၢတၢ်ဒ်စီၤပၤလၢကီၢ်အံၣ် စရ့လးအပူၤခံနံၣ်တနံၣ်န့ၣ်စီၤဧူးစံယါအဖိခွါစီၤယိၤသၣ် ကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 15:5

ယွၤတီၢ်စီၤဧူးစံယါလၢတၢ်ဆါအၢလီၤပျံၤလီၤဖုးတမံၤလၢ အဘၣ်အီၤလၢအမုၢ်နံၤလၢအအိၣ်လီၤတဲာ်အပူၤန့ၣ်လီၤ. အဝဲအိၣ်ဝဲဆိးဝဲလၢဟံၣ်လီၤဆီတဖျၢၣ်အပူၤ, ဘၣ်တၢ်ဆိကတီၢ်ကွံာ်အီၤလၢကယဲၢ်အမူအဒါတဖၣ်, ဖဲအဝဲအဖိခွါစီၤယိၤသၣ်ပၢက့ၤထံကီၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 16:1

လၢစီၤရမါလယၤအဖိခွါစီၤပ့ကးပၢတၢ်ဒ်ကီၢ်အံၣ်စရ့လးအစီၤ ပၤအသိးတဆံနွံနံၣ်တနံၣ်အပူၤန့ၣ်, စီၤယိၤသၣ်အဖိခွါစီၤအၤဃးကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 18:1

လၢစီၤအ့လၤအဖိခွါစီၤဟိၤၡ့ပၢတၢ်ဒ်ကီၢ်အံၣ်စရ့လးအစီၤ ပၤအသိးသၢနံၣ်တနံၣ်အပူၤန့ၣ်စီၤအၤဃးအဖိခွါစီၤဃံးစကံ ယၤကဲထီၣ်ကီၢ်ယူဒၤအစီၤပၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 28:1

စီၤအၤဃးကဲထီၣ်စီၤပၤဖဲအသးအိၣ်အနံၣ်ခံဆံဒီးအဝဲပၢတ့ၢ် တၢ်လၢဝ့ၢ်ယရူၤၡလ့ၣ်အပူၤတဆံဃုနံၣ်န့ၣ်လီၤ. အဝဲတလူၤပိာ်ထွဲဘၣ်အပၢ်ဖးဒိၣ်လၢပျၢၤစီၤပၤစီၤဒၤဝံးအဒိဂ့ၤ တဲာ်ဘၣ်အခံန့ၣ်ဘၣ်. အခိၣ်တလိာ်အဝဲမၤတၢ်လၢအတဘၣ်ယွၤ အသး,

လံာ်ကွဲးနီၣ်တၢ်ခံဘ့ၣ်တဘ့ၣ် 29:1

စီၤဃံးစကံယၤကဲထီၣ်ကီၢ်ယူဒၤအစီၤပၤဖဲအသးအိၣ်ခံဆံယဲၢ် နံၣ်, ဒီးအဝဲပၢတ့ၢ်တၢ်လၢဝ့ၢ်ယရူၤၡလ့ၣ်အပူၤခံဆံခွံနံၣ်န့ၣ်လီၤ. အဝဲအမိၢ်မ့ၢ်ဝဲစီၤစကၤရယၤအဖိမုၣ်, နီၢ်အဘံယၤန့ၣ်လီၤ.

လံာ်ယၡါယၤ 1:1

လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 7:1

ဖဲစီၤပၤအၤဃးလၢအမ့ၢ်စီၤယိၤသၣ်အဖိခွါ, ဒီးစီၤဧူးစံယါအလံၤခွါ, ပၢကီၢ်ယူဒၤအဆၢကတီၢ်န့ၣ်, တၢ်ဒုးကဲထီၣ်ဝဲလီၤ. ကီၢ်စူၤရံအစီၤပၤရစံၣ်ဒီးကီၢ်အံၣ်စရ့လး အစီၤပၤပ့ကးလၢအမ့ၢ်စီၤရမါလယၤအဖိခွါဟဲထီၣ်ဒုးဝ့ၢ်ယရူၤ ၡလ့ၣ်လီၤ. ဘၣ်ဆၣ်ဒီးဒုးဝဲတန့ၢ်ဘၣ်.

လံာ်ယၡါယၤ 7:9

ကီၢ်အံၣ်စရ့လးအဂံၢ်အဘါတဆူၣ်ထဲသိးဒီးဝ့ၢ်ၡၤမရံ, လၢအမ့ၢ်အဝ့ၢ်ခိၣ်, ဒီးဝ့ၢ်ၡၤမရံအဂံၢ်အဘါတဆူၣ်ထဲသိးဒီးစီၤပၤပ့ကးဘၣ်လီၤ. သုတၢ်စူၢ်တၢ်နာ်မ့ၢ်တဂၢၢ်တကျၢၤဘၣ်ဒီး, သုအိၣ်ဂၢၢ်ဆိးကျၢၤတန့ၢ်ဘၣ်ဝဲဘၣ်.”

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ဟိၤၡ့ 1:1

အအံၤမ့ၢ်တၢ်ကစီၣ်လၢယွၤဟ့ၣ်စီၤဘ့ၤရံအဖိခွါစီၤဟိၤၡ့ ဖဲစီၤပၤစီၤဧူးစံယၤ, စီၤယိၤသၣ်, စီၤအၤဃာ်, စီၤဃံးစကံ ယၤတဖၣ်ပၢတၢ်လၢကီၢ်ယူဒၤအပူၤ, ဒီးလၢအံၣ်စရ့လးကီၢ်ပူၤတခီ စီၤပၤစီၤယိၤအၣ်အဖိခွါစီၤယၤရၤဘၣ်ပၢတၢ်အဆၢကတီၢ်န့ၣ် လီၤ.

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဟိၤၡ့ 8:14

ကီၢ်အံၣ်စရ့လးအပှၤဂီၢ်မုၢ်သူၣ်ထီၣ်နူၢ်ဧိၤစီၤဧိၤတဖၣ်ဘၣ်ဆၣ် အဝဲသ့ၣ်သးပ့ၤနီၣ်ကွံာ်ပှၤတဂၤလၢအတ့အဝဲသ့ၣ်လၢအနီၢ် ကစၢ်ဒၣ်ဝဲန့ၣ်လီၤ. ကီၢ်ယူဒၤအပှၤဂီၢ်မုၢ်သူၣ်ထီၣ်ဝ့ၢ်တဖၣ်လၢ အအိၣ်ဒီးအတိာ်ခၢၣ်သနၢၣ်န့ၣ်လီၤ. ဘၣ်ဆၣ်ယကဆှၢလီၤမ့ၣ်အူ လၢကအီၣ်ကွံာ်အဝဲသ့ၣ်အနူၢ်ဧိၤစီၤဧိၤဒီးအဝဲသ့ၣ်အဝ့ၢ်တဖၣ်န့ၣ်လီၤ.

လံာ်ဧၤမိၣ် 1:1

တၢ်တဖၣ်အံၤမ့ၢ်ပှၤကွၢ်သိစီၤဧၤမိၣ်လၢဝ့ၢ်တကိၤ, အတၢ်ကတိၤတဖၣ်န့ၣ်လီၤ. တချုးလၢဟီၣ်ခိၣ်ဟူးဝးဒံးဘၣ်ခံနံၣ်, ဖဲစီၤပၤဧူးစံယါမ့ၢ်ကီၢ်ယူဒၤအစီၤပၤဒီးစီၤယိၤအၣ်အဖိ ခွါစီၤယၤရၤဘၣ်မ့ၢ်ကီၢ်အံၣ်စရ့လးအစီၤပၤန့ၣ်, ကစၢ်ယွၤလီၣ်ဖျါထီၣ်ကယဲၢ်တၢ်အံၤခဲလၢာ်ဘၣ်ဃးဒီး ကီၢ်အံၣ်စရ့လးဆူစီၤဧၤမိၣ်န့ၣ်လီၤ.

လံာ်ဧၤမိၣ် 6:1

ပှၤအိၣ်မံသူၣ်မံသးလၢကစၢၢ်စံယိၣ်အပူၤ, ဒီးပှၤလၢအပာ်တၢ်အိၣ်သဒၢအလီၢ်လၢကီၢ်ၡၤမရံ, သုဝဲကီၢ်အံၣ်စ ရ့လးအပှၤကလုာ်ဖးဒိၣ်အခိၣ်အနၢ်တဖၣ်လၢပှၤ ဂီၢ်မုၢ်လဲၤဆူအအိၣ်လၢတၢ်မၤစၢၤအဂီၢ်သ့ၣ်ဧၢ, သုဘၣ်အဖှီၣ်လီၤ.

လံာ်မံကၤ 1:5

တၢ်မၤအသးတဖၣ်အံၤခဲလၢာ်ကလၢထီၣ်ပှဲၤထီၣ်ဝဲလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်မၤလံတၢ်ဒဲးဘးဒီးပူထီၣ်လံယွၤလံ. ပှၤအံၣ်စရ့လးဖိတဖၣ်ပူထီၣ်တၢ်န့ၣ်မ့ၢ်မတၤအတၢ်ကမၣ်လဲၣ်. မ့ၢ်ဒၣ်, ၡၤမရံဝ့ၢ်ခိၣ်အကစၢ်ဒၣ်အတၢ်ကမၣ်လီၤ. တၢ်ဘါတၢ်ဂီၤတၢ်ဖီၣ်လၢကီၢ်ယူဒၤအပူၤန့ၣ် မ့ၢ်မတၤအတၢ်ကမၣ်လဲၣ်. မ့ၢ်ဝ့ၢ်ယရူၤၡလ့ၣ်အနီၢ်ကစၢ်ဒၣ်ဝဲလီၤ.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.

လံာ်ဃဘးကူာ် 1:1

အအံၤမ့ၢ်တၢ်ကစီၣ်လၢယွၤလီၣ်ဖျါတ့ၢ်ဆူဝံဃဘးကူာ်န့ၣ်လီၤ.

၂ ပ့းတရူး 1:21

အဂ့ၢ်ဒ်လဲၣ်န့ၣ်, ဝံအတၢ်ကစီၣ်တဟဲလၢပှၤကညီ အတၢ်ဘၣ်အသးဒၣ်ဝဲနီတဘျီဘၣ်. မ့မ့ၢ်ဒ်သးစီဆှံ ပၢၤဒီးထိၣ်ဂဲၤအသးအသိး, အဝဲသ့ၣ်ကတိၤတၢ်ကစီၣ်လၢ အဟဲလၢကစၢ်ယွၤအအိၣ်န့ၣ်လီၤ.