လံာ်မးသဲ 9:35 - Sgaw Karen Common Bible

³⁵ ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မးသဲ 9:35 Iomraidhean Croise

လံာ်မးသဲ 10:1

ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤဆူအအိၣ် ဒီးဟ့ၣ်လီၤအဝဲသ့ၣ်တၢ်စိတၢ်ကမီၤလၢကဟီထီၣ်ကွံာ်တၢ်နါတဖၣ် ဒီးလၢကမၤဘျါက့ၤတၢ်ဆူးတၢ်ဆါဒီးတၢ်က့တၢ်ကွဲၣ်ကိးမံၤဒဲး အဂီၢ်လီၤ.

လံာ်မးသဲ 11:1

တုၤယ့ၣ်ၡူးမၤလိာ်အပျဲၢ်အဘီၣ်တဆံခံဂၤဝံၤဒီး, အဝဲဟးထီၣ်လၢတၢ်လီၢ်န့ၣ်ဒီးလဲၤဝဲဆူဝ့ၢ်လၢအအိၣ်ဘူး အိၣ်တံၢ်တဖၣ်ဒီးသိၣ်လီၤသီလီၤဒီးစံၣ်တဲၤတဲလီၤတၢ်လီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မၢ်ကူး 1:14

စီၤယိၤဟၣ်ဘၣ်တၢ်ဒၢနုာ်အီၤလၢဃိာ်ပူၤဝံၤအလီၢ်ခံ, ယ့ၣ်ၡူးဟဲဝဲဆူကီၢ်ကၤလံၤလါဒီးစံၣ်တဲၤတဲလီၤကစၢ်ယွၤ အတၢ်သးခုအကစီၣ်,

လံာ်မၢ်ကူး 6:56

ဒီးဖဲယ့ၣ်ၡူးလဲၤတုၤဝဲတပူၤလၢ်လၢ်လၢသဝီပူၤမ့ၢ်ဂ့ၤ, ဝ့ၢ်ပူၤမ့ၢ်ဂ့ၤ, ခိဖဲဟံၣ်အိၣ်စှၤဖျၢၣ်မ့ၢ်ဂ့ၤ, ပှၤသ့ၣ်တဖၣ်န့ၣ်ဟဲစိာ်ဒီးပာ်လီၤပှၤဆါတဖၣ်လၢဖၠါပူၤဒီး ဃ့သကွံၢ်ကညးအီၤလၢအကပျဲအဝဲသ့ၣ်ထိးဘၣ်ထဲ အဆ့ကၤအနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မၢ်ကူး 6:6

ဒီးကမၢကမၣ်ဝဲဒိၣ်မးလၢပှၤသ့ၣ်တဖၣ်အတၢ်နာ်အီၤတအိၣ်ဘၣ်အဃိ လီၤ. ယ့ၣ်ၡူးဟးဝ့ၤဝီၤလၢသဝီအိၣ်ဘူးအိၣ်တံၢ်တဖၣ်အပူၤဒီးသိၣ် လီၤသီလီၤတၢ်လီၤ.

လံာ်လူၤကၣ် 13:22

ဖဲယ့ၣ်ၡူးလဲၤတၢ်ဆူဝ့ၢ်ယရူၤၡလ့ၣ်အကျဲန့ၣ်, အဝဲလဲၤခီဂာ်ဝ့ၢ်တဖၣ်ဒီးသဝီတဖၣ်, ဒီးသိၣ်လီၤသီလီၤတၢ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.