လံာ်မးသဲ 9:33 - Sgaw Karen Common Bible

³³ တုၤယ့ၣ်ၡူးဟီထီၣ်ကွံာ်တၢ်နါဝံၤတကတီၢ်ဃီဖဲန့ၣ်, ပှၤအုးအးန့ၣ်ကတိၤထီၣ်က့ၤတၢ်ဒီးပှၤကမၢကမၣ်ကိးဂၤဒဲးဒီးစံးဝဲ, “ပတထံၣ်တၢ်မၤအသးဒ်အံၤအသိးလၢကီၢ်အံၣ်စရ့လး အပူၤနီတစုနီတခီၣ်ဒံးဘၣ်.”

လံာ်မးသဲ 9:33 Iomraidhean Croise

လံာ်စီၤပၤခံဘ့ၣ်တဘ့ၣ် 5:8

တုၤဝံအလံၤၡါနၢ်ဟူတၢ်လၢအမၤတ့ၢ်အသးန့ၣ်အဝဲဆှၢလီၤတၢ် ကစီၣ်ဆူအအိၣ်စံးဝဲ, “ဘၣ်မနုၤအဃိ, နဘၣ်သးတံာ်တာ်ထဲအံၤညါန့ၣ်လဲၣ်. ဆှၢလီၤပှၤတဂၤန့ၣ်ဆူယအိၣ်တက့ၢ်. ဒီးယကဒုးနဲၣ်အီၤလၢဝံအိၣ်ဝဲတဂၤလၢကီၢ်အံၣ်စရ့လးအပူၤ န့ၣ်လီၤ.”

စံးထီၣ်ပတြၢၤ 76:1

ကစၢ်ယွၤဘၣ်တၢ်သ့ၣ်ညါအီၤလၢယူဒၤအပူၤ, ဒီးအမံၤဘၣ်တၢ်မၤလၤကပီၤအီၤလၢ အံၣ်စရ့လးအပူၤန့ၣ်လီၤ.

လံာ်ယၡါယၤ 35:6

ပှၤခီၣ်ဟးဂီၤကစံၣ်ထီၣ်ဒီးဂဲၤကလံၣ် ဒီးပှၤအုးအးကတာ်ပျ့ၤတဖၣ် ကကိးထီၣ်ဝဲလၢတၢ်သးခုအပူၤလီၤ. ထံကျိဖိအထံတဖၣ်ကယွၤလီၤဝဲခီဖျိမဲးမုၢ်ခိၣ်လီၤ.

လံာ်ယံးရမံယၤ 32:20

ယံာ်တ့ၢ်လၢပျၢၤန့ၣ်, နမၤတ့ၢ်တၢ်လီၤလး တဖၣ်ဒီး တၢ်လီၤကမၢကမၣ်တဖၣ်လၢ ကီၢ်အဲၤကူပတူး အပူၤ, ဒီးနမၤထွဲဒံးနဲတုၤမုၢ်မဆါတနံၤအံၤလၢကီၢ်အံၣ်စရ့လး အပူၤ, ဒီးလၢပှၤကလုာ်အဂၤခဲလၢာ်အကျါ, တုၤဒၣ်လဲာ် ခဲကနံၣ်အံၤ, နဘၣ်တၢ်သ့ၣ်ညါနၤသကုၤဆးဒးန့ၣ်လီၤ.

လံာ်မးသဲ 8:10

တုၤယ့ၣ်ၡူးနၢ်ဟူတၢ်အံၤဒီး, ကမၢကမၣ်ဝဲဒီးစံးဘၣ်ပှၤလၢအပိာ်အခံတဖၣ်, “ယတဲသုတၢ်မ့ၢ်တၢ်တီလီၤ. ယတထံၣ်န့ၢ်ပှၤအိၣ်ဒီးတၢ်နာ်ဒ်အံၤအသိးလၢကီၢ်အံၣ်စရ့လး အပူၤနီတဂၤဘၣ်.

လံာ်မးသဲ 9:32

ဖဲပှၤခံဂၤအံၤဟးထီၣ်ကွံာ်ဝဲအဖၢမုၢ်န့ၣ်, ပှၤတနီၤဟဲကိးန့ၢ်ပှၤလၢတၢ်နါဒိးအီၤဒီးအုးအးကတာ်ပျ့ၤ တဂၤဆူယ့ၣ်ၡူးအအိၣ်လီၤ.

လံာ်မၢ်ကူး 2:12

ဖဲပှၤကိးဂၤဒဲးကွၢ်အီၤအခါ, ပှၤတဂၤန့ၣ်ဂဲၤဆၢထၢၣ်ဟံးထီၣ်အလီၢ်မံဒါ ဒီးဟးထီၣ်ကွံာ်ဝဲလီၤ. ပှၤသ့ၣ်တဖၣ်လၢအထံၣ်တၢ်မၤအသးအဝဲအံၤကိးဂၤဒဲးန့ၣ်, ကမၢကမၣ်ဝဲဒိၣ်မးဒီးစံးထီၣ်ပတြၢၤကစၢ်ယွၤဒီးစံးဝဲ, “တၢ်မၤအသးဒ်သိးအံၤပတထံၣ်ဘၣ်ဒံးနီတစုနီတခီၣ်ဘၣ်.”

လံာ်လူၤကၣ် 11:14

ယ့ၣ်ၡူးဟီထီၣ်ကွံာ်တၢ်နါလၢအတအုၣ်တဒုလီၤ. ဖဲတၢ်နါအဝဲန့ၣ်ဟးထီၣ်ကွံာ်ဒီး, ပှၤအုးအးတဂၤန့ၣ်ကတိၤထီၣ်တၢ်လီၤ. ပှၤဂီၢ်မုၢ်တဖၣ်ကမၢကမၣ်,

လံာ်လူၤကၣ် 7:9

ယ့ၣ်ၡူးကမၢကမၣ်ဝဲဖဲအနၢ်ဟူဘၣ်တၢ်ကတိၤအဝဲအံၤလီၤ. အဝဲဒၣ်ဃၣ်တရံးအသးဒီးစံးဘၣ်ပှၤဂီၢ်မုၢ်လၢအပိာ်အခံသ့ၣ် တဖၣ်, “တၢ်နာ်ဒ်အံၤအသိးန့ၣ်ယတထံၣ်တ့ၢ်ယဲနီတစုဘၣ်. ယစံးဘၣ်သု, လၢပှၤအံၣ်စရ့လးဖိအကျါဒၣ်လဲာ်, ယတထံၣ်ဘၣ်.”