လံာ်မးသဲ 9:30 - Sgaw Karen Common Bible

³⁰ ဒီးအဝဲသ့ၣ်ထံၣ်ထီၣ်က့ၤတၢ်လီၤ. ယ့ၣ်ၡူးတြီအဝဲသ့ၣ်ဆူၣ်ဆူၣ် ကလဲာ်ဒီးစံး, “တဘၣ်စံးဘၣ်တဲဘၣ်ပှၤလၢတၢ်ဂ့ၢ်အဝဲအံၤနီတဂၤတဂ့ၤ.”

လံာ်မးသဲ 9:30 Iomraidhean Croise

စံးထီၣ်ပတြၢၤ 146:8

ယွၤဒုးထံၣ်ထီၣ်က့ၤပှၤမဲာ်ဘျီၣ်, ယွၤဒုးဆၢထၢၣ်က့ၤပှၤလၢအလီၤဃံၤ, ယွၤအဲၣ်ပှၤတီပှၤလိၤလီၤ.

လံာ်ယၡါယၤ 35:5

ပှၤမဲာ်ဘျီၣ်ကထံၣ်ထီၣ်က့ၤတၢ် ဒီးပှၤနၢ်တအၢကနၢ်ဟူတၢ်လီၤ.

လံာ်ယၡါယၤ 42:7

သုကအိးထီၣ်ပှၤမဲာ်ဘျီၣ်တဖၣ်အမဲာ်ချံ, ဒီးမၤထူၣ်ဖျဲးထီၣ်ပှၤဘၣ်တၢ်စၢဃာ်လၢဃိာ်အဒၢးခံးသူတဖၣ် အပူၤန့ၣ်လီၤ.

လံာ်ယၡါယၤ 52:13

ယွၤစံးဝဲ, “ယခ့ယပှၤကမၤန့ၢ်မၤနၢၤတၢ်လၢအတၢ်မၤအပူၤ, ဒီးအဝဲဒၣ်ကဘၣ်တၢ်မၤလၤကပီၤအီၤဒိၣ်ဒိၣ်ကလဲာ်ဒီးပာ်အီၤလၢ တၢ်စိတၢ်ကမီၤကိးမံၤဒဲးအဖီခိၣ်လီၤ.

လံာ်မးသဲ 12:16

ဒီးမၤလိာ်အဝဲသ့ၣ်လၢအသုတတဲဘၣ်ပှၤဂုၤပှၤဂၤလၢအဝဲအဂ့ၢ် တဂ့ၤလီၤ.

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မၢ်ကူး 1:43

အန့ၣ်တစုယ့ၣ်ၡူးမၢအဟးထီၣ်ဒီးမၤလိာ်အီၤဆူၣ်ဆူၣ် ကလဲာ်ဒီးစံးဝဲ,

လံာ်မၢ်ကူး 3:12

ယ့ၣ်ၡူးမၤလိာ်တၢ်နါတဖၣ်န့ၣ်လၢတၢ်ကတိၤဆူၣ်ဆူၣ်ကလဲာ်အပူၤ ဒ်သိးအသုတတဲဖျါထီၣ်အဝဲအဂ့ၢ်လၢပှၤနီတဂၤတဂ့ၤအဂီၢ်န့ၣ် လီၤ.

လံာ်မၢ်ကူး 5:43

ဘၣ်ဆၣ်ယ့ၣ်ၡူးမၤလိာ်အဝဲသ့ၣ်လၢတၢ်ကတိၤလၢအဆူၣ် ဒ်သိးအသုတစံးဘၣ်တဲဘၣ်တၢ်ဂ့ၢ်အံၤလၢပှၤနီတဂၤတဂ့ၤ, ဒီးမၢပှၤဟ့ၣ်ဒုးအီၣ်ဖိသၣ်န့ၣ်လၢတၢ်အီၣ်တမံၤမံၤလီၤ.

လံာ်လူၤကၣ် 5:14

ယ့ၣ်ၡူးခါလီၤအကလုၢ်ဒီးစံးဝဲ, “တဘၣ်စံးဘၣ်တဲဘၣ်ပှၤနီတဂၤတဂ့ၤ. မ့မ့ၢ်လဲၤတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ်နသးလၢအီၤတက့ၢ်. အန့ၣ်ဝံၤအလီၢ်ခံ, ဒ်သိးတၢ်အုၣ်အသးကအိၣ်လၢပှၤကိးဂၤဒဲးအမဲာ်ညါ လၢနဘၣ်တၢ်မၤဘျါနၤလံအဂီၢ်န့ၣ်, လုၢ်ထီၣ်ပာ်ထီၣ်တၢ်ဒ်စီၤမိၤၡ့မၤလိာ်တ့ၢ်ဝဲအသိးန့ၣ်တက့ၢ်.”

လံာ်လူၤကၣ် 8:56

ပိာ်မုၣ်ဖိသၣ်အမိၢ်အပၢ်တဖၣ်ကမၢကမၣ်ဝဲ, ဘၣ်ဆၣ်ဒီးယ့ၣ်ၡူးမၤလိာ်အဝဲသ့ၣ်ဒ်သိးအသု တစံးဘၣ်တဲဘၣ်ပှၤနီတဂၤလၢတၢ်မၤတ့ၢ်အသးအံၤအဂ့ၢ်တဂ့ၤန့ၣ်လီၤ.