လံာ်မးသဲ 9:29 - Sgaw Karen Common Bible

²⁹ တုၤနုၤတစုယ့ၣ်ၡူးထိးဘၣ်အဝဲသ့ၣ်အမဲာ်ချံတဖၣ်ဒီးစံး, “မ်သုထံၣ်ထီၣ်က့ၤတၢ်ဒ်သုနာ်တၢ်အသိးန့ၣ်တက့ၢ်.”

လံာ်မးသဲ 9:29 Iomraidhean Croise

လံာ်မးသဲ 15:28

တုၤနုၤတစု, ယ့ၣ်ၡူးစံးဆၢအီၤ, “ပိာ်မုၣ်ဧၢ, နတၢ်နာ်အသဟီၣ်ဆူၣ်ဒိၣ်မးလီၤ. မ်တၢ်ကမၤအသးလၢနဂီၢ်, ဒ်နဆၢနဲအသိးန့ၣ်တက့ၢ်.” ဒီးအဖိမုၣ်န့ၣ်, ဘျါက့ၤဝဲတကတီၢ်ဃီန့ၣ်လီၤ.

လံာ်မးသဲ 20:34

ယ့ၣ်ၡူးသးကညီၤအဝဲသ့ၣ်, ဒီးထိးဘၣ်အဝဲသ့ၣ်အမဲာ်ချံတဖၣ်လၢ အစု, ဒီးတကီၢ်ခါအဝဲသ့ၣ်ထံၣ်ထီၣ်က့ၤတၢ်, ဒီးပိာ်ထီၣ်အခံလီၤ.

လံာ်မးသဲ 8:13

ယ့ၣ်ၡူးစံးဘၣ်ပှၤသုးဖိတကယၤအခိၣ်, “က့ၤဆူနဟံၣ်တက့ၢ်. ဒီးဒ်နနာ်တၢ်အသိးန့ၣ်ကဘၣ်တၢ်မၤလၢပှဲၤလၢနဂီၢ်လီၤ.” ဒီးသုးခိၣ်အဝဲန့ၣ်အခ့အပှၤန့ၣ်ဘျါက့ၤဝဲတကတီၢ်ဃီဖဲန့ၣ် လီၤ.

လံာ်မးသဲ 9:22

ယ့ၣ်ၡူးဃၣ်တရံးအသးဒီးထံၣ်အီၤဒီးစံး, “ဖိမုၣ်ဧၢ, သးဟးဂီၤတဂ့ၤ. နနာ်တၢ်အဃိနဘျါက့ၤလံ.” တကတီၢ်ဃီဖဲန့ၣ်ပိာ်မုၣ်န့ၣ်အိၣ်ဆူၣ်အိၣ်ချ့ဝဲဒၣ်လီၤ.

လံာ်မးသဲ 9:28

ဖဲယ့ၣ်ၡူးလဲၤနုာ်ဆူဟံၣ်ပူၤန့ၣ်, ပှၤမဲာ်ဘျီၣ်ခံဂၤဟဲဆူအအိၣ်ဒီးအဝဲဒၣ်သံကွၢ်အဝဲသ့ၣ်, “သုနာ်လၢယမၤဘျါက့ၤသုသ့ဧါ.” အဝဲသ့ၣ်စံးဆၢ, “မ့ၢ်ကစၢ်ဧၢ, ပနာ်လီၤ.”

လံာ်မၢ်ကူး 10:52

ယ့ၣ်ၡူးစံးဘၣ်အီၤ, “နက့ၤသ့လံ, နတၢ်နာ်မၤဘျါက့ၤနၤ လံ.” တဘျီဃီဖဲန့ၣ်အမဲာ်ထံၣ်ထီၣ်က့ၤတၢ်ဒီး အဝဲဒၣ်ပိာ်ထီၣ်ယ့ၣ်ၡူးအခံလၢအတၢ်လဲၤကျဲန့ၣ်လီၤ.