လံာ်မးသဲ 9:26 - Sgaw Karen Common Bible

²⁶ တၢ်ကစီၣ်အံၤဟူထီၣ်သါလီၤလၢကီၢ်ဒီဘ့ၣ်ညါအပူၤလီၤ.

လံာ်မးသဲ 9:26 Iomraidhean Croise

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 9:31

ဘၣ်ဆၣ်ဒီးအဝဲသ့ၣ်ဒုးဟူထီၣ်သါလီၤယ့ၣ်ၡူးအဂ့ၢ်လၢကီၢ်ဒီဘ့ၣ်ညါ အပူၤလီၤ.

လံာ်မၢ်ကူး 1:28

လၢတၢ်အံၤအဃိ, ယ့ၣ်ၡူးအကစီၣ်ဟူထီၣ်သါလီၤချ့မးသကုၤကီၢ်ကၤလံၤလါ အပူၤလီၤ.

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်မၢ်ကူး 6:14

စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်လူၤကၣ် 4:14

တၢ်န့ၣ်ဝံၤအလီၢ်ခံ, ယ့ၣ်ၡူးဟဲက့ၤကဒါက့ၤဆူကီၢ်ကၤလံၤလါ, ဒီးသးစီဆှံအစိကမီၤအိၣ်ဒီးအီၤလီၤ. တၢ်ကစီၣ်ဘၣ်ဃးအဝဲဒၣ်အဂ့ၢ်အကျိၤဟူထီၣ်သါလီၤဝဲလၢ တၢ်လီၢ်အကဝီၤဖဲန့ၣ်ကိးတီၤဒဲးလီၤ.

လံာ်လူၤကၣ် 4:37

ဒီးယ့ၣ်ၡူးအဂ့ၢ်အကျိၤတမံၤအံၤဟူထီၣ်သါလီၤဝဲသကုၤကီၢ်အတၢ်ပၢ တတီၤန့ၣ်အပူၤလီၤ.

လံာ်လူၤကၣ် 5:15

ဘၣ်ဆၣ်ဒီးတၢ်ကစီၣ်ဘၣ်ဃးယ့ၣ်ၡူးအဂ့ၢ်ဟူထီၣ်သါလီၤဝဲအါန့ၢ်အလီၢ်, ဒီးပှၤဂီၢ်မုၢ်ဖးဒိၣ်ဟဲဒ်သိးအကနၢ်ဟူဘၣ်အတၢ်ကတိၤဒီးဒ်သိးအတၢ် ဆူးတၢ်ဆါတဖၣ်ကဘၣ်တၢ်မၤဘျါက့ၤအီၤအဂီၢ်လီၤ.

လံာ်လူၤကၣ် 7:17

တၢ်ကစီၣ်ဘၣ်ဃးဒီးယ့ၣ်ၡူးတမံၤအံၤဟူထီၣ်သါလီၤဝဲသကုၤကီၢ် ယူဒၤဒီဘ့ၣ်ညါဒီးလၢတၢ်လီၢ်အိၣ်ဖဲအဃၢၤဝးဝးန့ၣ်လီၤ.

မၤတၢ် 26:26

စီၤပၤအကြံးပၤဧၢ, ယကတိၤတၢ်ဒီးနၤလၢတၢ်သူၣ်ဒူသးဒူ အပူၤသ့ဝဲလီၤ. အဂ့ၢ်ဒ်အံၤ, နသ့ၣ်ညါဘၣ်ဃးတၢ်ဂ့ၢ်သ့ၣ်တဖၣ် အံၤန့ၣ်လီၤ. ယနာ်သပှၢ်ကတၢၢ်လၢနပာ်သူၣ်ပာ်သးတ့ၢ်နဲလၢ တၢ်ဂ့ၢ်တဖၣ်အံၤကိးမံၤဒဲးလီၤ. အဂ့ၢ်ဒ်အံၤ, တၢ်ဂ့ၢ်လၢအမၤအသးအံၤတမၤအသးလၢတၢ်သနၢၣ်န့ၣ်ဘၣ်.