လံာ်မးသဲ 9:16 - Sgaw Karen Common Bible

¹⁶ ပှၤတဆးကျးဘၣ်ဆ့ကၤလီၢ်လံၤလၢတၢ်ကံးယာ်အသီတက့နီတဂၤဘၣ်. အဂ့ၢ်ဒ်အံၤ, တၢ်ကံးယာ်အသီတက့န့ၣ်ကသံးအသးဒီးမၤလဲၢ်ထီၣ်တၢ် ယာ်ပြဲးအလီၢ်န့ၣ်လီၤ.

လံာ်မးသဲ 9:16 Iomraidhean Croise

လံာ်တၢ်ကဲထီၣ်အခီၣ်ထံး 33:14

ဝံသးစူၤလဲၤဆိတၢ်လၢယမဲာ်ညါ, ဒီးယကပိာ်ထွဲထီၣ်ကယီ ကယီ, လဲၤတၢ်တချ့ဖဲအချ့ဒ်ယသ့ဃုာ်ဒီးယဂီၤဘုၣ်ဂီၤဖံးဒီး ဖိသၣ်တဖၣ်တုၤယချုးန့ၢ်နၤလၢကီၢ်အဒိၣ်အပူၤန့ၣ်တက့ၢ်.”

စံးထီၣ်ပတြၢၤ 125:3

ပှၤအအၢအသီတဖၣ်တပၢဘၣ်ပှၤအတီအလိၤ အလီၢ်အိၣ်လီၢ်ဆိးထီဘိဘၣ်. အဝဲသ့ၣ်မ့ၢ်ပၢဘၣ်ဝဲဒီး ပှၤတီပှၤလိၤတဖၣ် ကမၤတၢ်အၢတၢ်သီလၢအကစၢ်ဒၣ်ဝဲလီၤ.

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်မးသဲ 9:15

ယ့ၣ်ၡူးစံးဆၢဝဲ, “ဖဲတလးမူးပိာ်ခွါအိၣ်ဒံးဒီးအဝဲသ့ၣ် အဖၢမုၢ်ဒီးမ့ၢ်ပှၤသမှံၤလၢအဟဲဆူတၢ်တ့တၢ်ဖျီတဖၣ် သူၣ်အုးသးအုးကသ့ဧါ. ဘၣ်ဆၣ်ဒီးမုၢ်နံၤတဖၣ်ကဟဲဝဲဖဲတလးမူးပိာ်ခွါကဘၣ်တၢ်ထုးဖးကွံာ်အီၤ လၢအဝဲသ့ၣ်အအိၣ်လီၤ. တုၤနုၤတစုအဝဲသ့ၣ်ကဒုၣ်တၢ်အီၣ်လီၤ.

လံာ်မးသဲ 9:17

ပှၤတဒၢနုာ်စ့ၢ်ကီးစပံးထံအသီလၢထံဒၢတၢ်ဖံးအလီၢ်လံၤအပူၤနီ တဂၤဘၣ်. အဂ့ၢ်ဒ်အံၤ, စပံးထံဒၢကပိၢ်ဖးဒီးစပံးထံကလီၤဂၢ်ကွံာ်ဒီး ထံဒၢတၢ်ဖံးစ့ၢ်ကီးကဟးဂီၤကွံာ်ဝဲလီၤ. မ့မ့ၢ်စပံးထံအသီန့ၣ်ပှၤဒၢနုာ်အီၤ လၢထံဒၢတၢ်ဖံးအသီအပူၤသတးဒီး, စပံးထံဒီးထံဒၢတၢ်ဖံးန့ၣ်တဟးဂီၤကွံာ်နီတခါဘၣ်န့ၣ်လီၤ.”

လံာ်မၢ်ကူး 2:21

ပှၤလၢအကဟံးန့ၢ်တၢ်ကံးယာ်အသီတဘ့ၣ်ဒီးဆးကျးထီၣ် က့ၤအီၤလၢဆ့ကၤလီၢ်လံၤဖီခိၣ်န့ၣ်တအိၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, တၢ်ကံးယာ်အသီတက့အံၤကသံးအသးဒီးထုးယာ်ကွံာ်တၢ်လီၢ်လံၤ ဒီးတၢ်ယာ်တပူၤန့ၣ်ကလဲၢ်န့ၢ်ဒံးအလီၢ်တက့ၢ်လီၤ.

လံာ်လူၤကၣ် 5:36

ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိ တထံၣ်အံၤလီၤ. “ပှၤတဖှီယာ်ကွံာ်တၢ်ကံးယာ်အက့တက့လၢ ဆ့ကၤအသီတဘ့ၣ်အလိၤဒ်သိးအကဆးကျးဆ့ကၤအလီၢ်လံၤ တဘ့ၣ်အဂီၢ်န့ၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, အဝဲကမၤယာ်ဘၣ်ဆ့ကၤအသီ, ဒီးတၢ်ကံးယာ်အက့လၢအသီတက့န့ၣ်, တဘၣ်လိာ်အသးဒီးတၢ်အလီၢ်လံၤန့ၣ်ဘၣ်လီၤ.

လံာ်ယိၤဟၣ် 16:12

ယအိၣ်ဒံးဒီးတၢ်ဂ့ၢ်အါမးလၢယကစံးဘၣ်တဲဘၣ်သု, ဘၣ်ဆၣ်ဒီးခဲအံၤကမ့ၢ်တၢ်အါကဲၣ်ဆိးလၢသုကတူၢ်လိာ်အီၤ အဂီၢ်န့ၣ်လီၤ.

1 ကရံၣ်သူး 13:13

မ့မ့ၢ်, ဖဲဆၢကတီၢ်ခဲကနံၣ်အံၤန့ၣ်, တၢ်သၢမံၤအံၤလၢအမ့ၢ်ဝဲတၢ်နာ်, တၢ်မုၢ်လၢ်, ဒီးတၢ်အဲၣ်တၢ်ကွံတဖၣ်အိၣ်ဒံးဒၣ်တၢ်, ဒီးအဒိၣ်ကတၢၢ်လၢအကျါန့ၣ်မ့ၢ်ဝဲတၢ်အဲၣ်တၢ်ကွံလီၤ.

၂ ကရံၣ်သူး 9:12

အဂ့ၢ်ဒ်အံၤ, တၢ်လၢသုမၤတမံၤအံၤန့ၣ်, တမ့ၢ်ထဲအမၤလၢထီၣ်ပှဲၤထီၣ် ကစၢ်ယွၤအပှၤဂီၢ်မုၢ်အတၢ်လိၣ်တဖၣ်ဧိၤဘၣ်. မ့မ့ၢ်, ဒုးအိၣ်ထီၣ်တၢ်စံးဘျုးစံးဖှိၣ်ကစၢ်ယွၤအတၢ်ပုာ်ထီၣ်ယွၤလီၤန့ၣ်လီၤ.