လံာ်မးသဲ 9:11 - Sgaw Karen Common Bible

¹¹ ပှၤဖၤရံၤၡဲတနီၤထံၣ်တၢ်အံၤဒီးသံကွၢ်အပျဲၢ်အဘီၣ်တဖၣ်ဒီး စံး, “ဘၣ်မနုၤလၢသုသရၣ်န့ၣ်အီၣ်သကိးတၢ်ဒီးပှၤဒ်န့ၣ်အသိးတဖၣ် န့ၣ်လဲၣ်.”

လံာ်မးသဲ 9:11 Iomraidhean Croise

လံာ်ယၡါယၤ 65:5

ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်မးသဲ 11:19

တုၤပှၤကညီဖိခွါဟဲဝဲဒီးအီၣ်တၢ်အီတၢ်ဒီးပှၤကိးဂၤစံးဝဲ, ‘ကွၢ်တက့ၢ်. ပှၤတဂၤအံၤမ့ၢ်ပှၤအီၣ်လုၣ်ကိတၢ်ဒီးအီလုၣ်ကိစပံးထံ, ပှၤဃ့သွဲဒီးပှၤတၢ်ဒဲးဘးဖိတဖၣ်အတံၤသကိးလီၤ.’ ဘၣ်ဆၣ်ကစၢ်ယွၤအတၢ်ကူၣ်သ့န့ၣ်ဘၣ်တၢ်ပာ်တီပာ်လိၤအီၤလၢ အတၢ်ဖံးတၢ်မၤဒၣ်ဝဲန့ၣ်လီၤ.”

လံာ်မးသဲ 5:46

သုမ့ၢ်အဲၣ်ဒၣ်ထဲပှၤလၢအအဲၣ်သုဒီး ကစၢ်ယွၤဟ့ၣ်ဘူးဟ့ၣ်လဲသုကသ့ဒ်လဲၣ်. ပှၤဃ့သွဲတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မးသဲ 9:10

ဖဲယ့ၣ်ၡူးအီၣ်တၢ်လၢစီၤမးသဲအဟံၣ်ပူၤအဖၢမုၢ်န့ၣ်, ပှၤဃ့သွဲအါဂၤဒီးပှၤတၢ်ဒဲးဘးဖိလၢအဘၣ်တၢ်ဟီထီၣ်ကွံာ် အီၤတဖၣ်, ဟဲဒီးအီၣ်သကိးတၢ်ဒီးယ့ၣ်ၡူးဒီးအပျဲၢ်အဘီၣ်တဖၣ်လီၤ.

လံာ်မၢ်ကူး 2:16

တုၤပှၤသ့လံာ်တၢ်သိၣ်တၢ်သီတနီၤလၢအမ့ၢ်ပှၤဖၤရံၤၡဲတဖၣ် ထံၣ်ဘၣ်ယ့ၣ်ၡူးအီၣ်သကိးတၢ်ဒီးပှၤဘၣ်တၢ်ဟီထီၣ်ကွံာ်အီၤဒီး ပှၤဃ့သွဲတဖၣ်အံၤဒီး, အဝဲသ့ၣ်သံကွၢ်အပျဲၢ်အဘီၣ်တဖၣ်ဒီးစံး, “ဘၣ်မနုၤလၢအဝဲဒၣ်အီၣ်ဃုာ်အီဃုာ်သကိးတၢ်ဒီးပှၤဒ်သိး အံၤတဖၣ်န့ၣ်လဲၣ်.”

လံာ်လူၤကၣ် 19:7

ပှၤဂီၢ်မုၢ်လၢအထံၣ်ဘၣ်တၢ်မၤအသးတမံၤအံၤခဲလၢာ်ကဒူး ကဒ့ၣ်တၢ်ဒီးစံးဝဲ, “ပှၤတဂၤအံၤလဲၤကဲလံပှၤသမှံၤလၢ ပှၤတၢ်ဒဲးဘးဖိတဂၤအဟံၣ်လံ.”

လံာ်လူၤကၣ် 5:30

ပှၤဖၤရံၤၡဲတနီၤဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤ လၢအဘၣ်ထွဲဒီးပှၤဖၤရံၤၡဲအကရူၢ်န့ၣ်, ပာ်တၢ်ကမၣ်လၢယ့ၣ်ၡူးအပျဲၢ်အဘီၣ်တဖၣ်အလိၤလီၤ. အဝဲသ့ၣ်သံကွၢ်ဝဲ, “ဘၣ်မနုၤအဃိသုအီၣ်သကိးအီသကိးတၢ်လၢ ပှၤဃ့သွဲတဖၣ်ဒီးပှၤတၢ်ဒဲးဘးဖိတဖၣ်လဲၣ်.”

မၤတၢ် 11:3

ဒီးစံးဝဲ, “နလဲၤအိၣ်သမှံၤဖဲပှၤကလုာ်ဂၤလၢအတဒိးဘၣ်တၢ်ကူးတရံး တဖၣ်အဟံၣ်, ဒီးနအီၣ်ဃုာ်တၢ်ဒီးအီၤဒၣ်လဲာ်မးလဲၣ်.

ကလၤတံ 2:15

ပအိၣ်ဖျဲၣ်ထီၣ်ဒ်ပှၤယူဒၤဖိတဖၣ်နီၢ်နီၢ်, ဒီးတမ့ၢ်, “ပှၤတၢ်ဒဲးဘးဖိကလုာ်ဂၤတဖၣ်” ဒ်အဘၣ်တၢ်ကိးအီၤအသိးန့ၣ်ဘၣ်.

ဧ့ၤဘြံၤ 5:2

ဒ်အနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်လၢကျဲအါဘိအပူၤ အသိး, အဝဲဘၣ်ထွဲဒီးပှၤလၢအတသ့ၣ်ညါတၢ်ဒီးပှၤလၢအမၤ ကမၣ်တၢ်တဖၣ်န့ၣ်လၢတၢ်သးအိၣ်အပူၤသ့ဝဲန့ၣ်လီၤ.

၂ ယိၤဟၣ် 1:10

လၢတၢ်န့ၣ်အဃိ, ပှၤတဂၤဂၤမ့ၢ်ဟဲဆူသုအိၣ်ဒီး တဟဲစိာ်ဘၣ်တၢ်သိၣ်လိသီလိအံၤန့ၣ်, တဘၣ်တူၢ်လိာ် အီၤလၢသုဟံၣ်ပူၤတဂ့ၤ. တဘၣ်စံးဒၣ်လဲာ် “မ်တၢ်ဃူတၢ်ဖိးအိၣ်ဒီးနၤ” တဂ့ၤ.