လံာ်မးသဲ 9:1 - Sgaw Karen Common Bible

¹ ယ့ၣ်ၡူးလဲၤနုာ်ဝဲဆူချံပူၤဝံၤ ခီဂာ်က့ၤဝဲဆူထံဝၢ်ဘး ခီဆူအဝ့ၢ်ဒၣ်ဝဲန့ၣ်လီၤ.

လံာ်မးသဲ 9:1 Iomraidhean Croise

လံာ်မးသဲ 4:13

အဝဲတအိၣ်ဝဲဖဲဝ့ၢ်နစၤရ့းဘၣ်. မ့မ့ၢ်လဲၤအိၣ်ဝဲဆိးဝဲလၢဝ့ၢ်ကပ့းရနီၣ် လၢအသူၣ်လီၤအသးလၢပီၣ်လဲၣ်ကၤလံၤလါအနံၤလၢကီၢ်ဆၣ်စဘူလိၣ် ဒီးနးသၤလံအဃၢၤ,

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.

လံာ်မးသဲ 8:18

တုၤယ့ၣ်ၡူးထံၣ်ဘၣ်ပှၤဂီၢ်မုၢ်ဖးဒိၣ်အိၣ်ဝးတရံးအီၤဒီး, အဝဲမၢအပျဲၢ်တဖၣ်လဲၤခီဃီၤဆူပီၣ်လဲၣ်အဝၢ်ဘးခီန့ၣ်လီၤ.

လံာ်မးသဲ 8:23

ယ့ၣ်ၡူးလဲၤနုာ်ဝဲဆူချံတဘ့ၣ်အပူၤဒီးအပျဲၢ်အဘီၣ်တဖၣ်လဲၤနုာ် သကိးဒီးအီၤလီၤ.

လံာ်မၢ်ကူး 5:21

ယ့ၣ်ၡူးဒိးထီၣ်ချံဒီးခီဃီၤကဒါက့ၤဆူပီၣ်လဲၣ်ဝၢ်ဘးခီ လီၤ. တုၤအတုၤလၢဘးခီဒီးအိၣ်ဒံးလၢပီၣ်လဲၣ်နံၤအဖၢမုၢ်န့ၣ် ပှၤဂီၢ်မုၢ်ဖးဒိၣ်ဟဲအိၣ်ဝးတရံးအီၤလီၤ.

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

လံာ်လူၤကၣ် 8:40

ဖဲယ့ၣ်ၡူးက့ၤကဒါက့ၤဆူနိၣ်အဝၢ်ဘးခီတကပၤန့ၣ်, ပှၤဂီၢ်မုၢ်တူၢ်လိာ်ခီၣ်ဆၢအီၤ, အဂ့ၢ်မ့ၢ်လၢအဝဲသ့ၣ်အိၣ်ခိးကွၢ်လၢ်တ့ၢ်အကျဲအဃိန့ၣ်လီၤ.

လံာ်လီၣ်ဖျါ 22:11

ပှၤလၢအအၢအသီဝဲတဂၤလၢ်လၢ်န့ၣ်, ကအၢကသီဒၣ်ဝဲ, ဒီးပှၤလၢအဘၣ်အၢဘၣ်သီဝဲတဂၤလၢ်လၢ်န့ၣ်ကဘၣ်အၢဘၣ်သီ ဒၣ်ဝဲ, ပှၤလၢအဂ့ၤဝဲဝါဝဲတဂၤလၢ်လၢ်န့ၣ်, ကမၤဒၣ်ဝဲတၢ်ဂ့ၤတၢ်ဝါဒီးပှၤလၢအစီဝဲဆှံဝဲတဂၤလၢ်လၢ်န့ၣ်, ကစီဆှံဒၣ်ဝဲတက့ၢ်.