လံာ်မးသဲ 8:8 - Sgaw Karen Common Bible

⁸ ဘၣ်ဆၣ်ဒီးသုးခိၣ်စံးဝဲ, “ကစၢ်ဧၢယတကြၢးတဘၣ်လၢ နကဟဲနုာ်ဆူယဟံၣ်ပူၤအဂီၢ်ဘၣ်. ထဲခါလီၤနကလုၢ်တဘီဒီးယခ့ယပှၤကအိၣ်ဆူၣ်ထီၣ်က့ၤလီၤ.

လံာ်မးသဲ 8:8 Iomraidhean Croise

လံာ်တၢ်ကဲထီၣ်အခီၣ်ထံး 32:10

ယၤ, နခ့နပှၤတကၢကီၣ်ဘၣ်ဒီးကယဲၢ်နတၢ်သးကညီၤဒီးနတၢ်တီတၢ် လိၤလၢနဒုးနဲၣ်တ့ၢ်ယၤန့ၣ်ဘၣ်. ယခီဂာ်ထံကျိယၢ်ဒ့ၣ်ထဲစုယၢ်ခီဒီးအိၣ်ဒၣ်ထဲနီၣ်ထိးဘိတ ဘိ ဧိၤန့ၣ်လီၤ. ဒီးခဲကနံၣ်အံၤ, ယဟဲက့ၤကဒါက့ၤဃုာ်ဒီးပှၤခံ ဖုအံၤန့ၣ်လီၤ.

စံးထီၣ်ပတြၢၤ 10:17

ယွၤဧၢ, နကဒိကနၣ်ပှၤလၢ အဆီၣ်လီၤအသးအတၢ်ထုကဖၣ်န့ၣ်လီၤ. နကမၤဆူၣ်ထီၣ်အသးအဂံၢ်အဘါလီၤ.

စံးထီၣ်ပတြၢၤ 107:20

အဝဲမၤဘျါက့ၤအဝဲသ့ၣ်လၢအကလုၢ် ဒီးမၤပူၤဖျဲးအဝဲသ့ၣ်လၢတၢ်ဟးဂီၤန့ၣ်လီၤ.

စံးထီၣ်ပတြၢၤ 33:9

အဂ့ၢ်ဒ်အံၤ, တုၤအစံးတၢ်ဒီးတၢ်ကဲထီၣ်အသးလီၤ. တုၤအဟ့ၣ်လီၤအကလုၢ်ဒီး တၢ်ခဲလၢာ်အိၣ်ထီၣ်ဝဲလီၤ.

လံာ်တၢ်ဂံၢ် 20:8

“ဟံးန့ၢ်နီၣ်ထိးဘိတဘိလၢအအိၣ်လၢတၢ်အၢၣ်လီၤအီလီၤ တလါအမဲာ်ညါဝံၤဒီးနဲဒၣ်ဒီးစီၤအၤဟရိၣ်ကိးဖှိၣ်ပှၤဂီၢ်မုၢ်ဒီ ဖုညါတက့ၢ်. ဖဲန့ၣ်လၢအဝဲသ့ၣ်ခဲလၢာ်အမဲာ်ညါန့ၣ်, ကတိၤတၢ်ဆူလ့လၢအအိၣ်ဖဲန့ၣ်အအိၣ်ဒီးထံကပုာ်ထီၣ်ယွၤလီၤလၢ အပူၤန့ၣ်လီၤ. လၢကျဲဒ်သိးအံၤန့ၣ်နကဒုးဖျိးထီၣ်ထံလၢလ့ အအိပူၤလၢပှၤဂီၢ်မုၢ်အဂီၢ်လၢအဝဲသ့ၣ်ဒီးအဆၣ်ဖိကီၢ်ဖိတဖၣ် ကအိဘၣ်ဝဲအဂီၢ်န့ၣ်လီၤ.”

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မးသဲ 3:14

စီၤယိၤဟၣ်သးအိၣ်ဂ့ၢ်လိာ်တၢ်အံၤ ဒီးတြီအီၤဒီးစံး, “ယကြၢးဒိးဘျၢယသးလၢနစုပူၤဒီးနဟဲဆူယအိၣ် လၢတၢ်ဒိးဘျၢအဂီၢ်တခီဧါ.”

လံာ်မးသဲ 8:3

ယ့ၣ်ၡူးယူာ်ဃီၤအစု, ထိးဘၣ်အီၤဒီးစံး, “ယသးအိၣ်လီၤ. ကဆှီထီၣ်က့ၤနဲတက့ၢ်.” တဘျီဃီအတၢ်ဆါအၢန့ၣ်ဘျါက့ၤဝဲလီၤ.

လံာ်မးသဲ 8:7

ယ့ၣ်ၡူးစံးဘၣ်အီၤ, “ယကလဲၤဒီးမၤဘျါအီၤလီၤ.”

လံာ်မးသဲ 8:9

အဂ့ၢ်ဒ်အံၤ, ယဲယမ့ၢ်ပှၤတဂၤလၢအအိၣ်လၢပှၤအလီၢ်အလၤ ဒိၣ်န့ၢ်ယၤတဖၣ်အဖီလာ်ဒီးယအိၣ်ဒီးပှၤသုးဖိလၢယဖီလာ်တဖၣ်လီၤ. ယစံးဘၣ်အဝဲတဂၤ, ‘လဲၤတက့ၢ်’ ဒီးလဲၤဝဲလီၤ. ယစံးဘၣ်အဂၤတဂၤ, ‘ဟဲတက့ၢ်’ ဒီးဟဲဝဲလီၤ. ယစံးဘၣ်ယကုၢ်ယပှၤတဂၤ, ‘မၤတၢ်အံၤတက့ၢ်’ ဒီးမၤဝဲလီၤ.”

လံာ်လူၤကၣ် 15:19

ယတကြၢးတဘၣ်လၢၤလၢပှၤကကိးယၤလၢနဖိခွါဘၣ်. ပာ်ယၤဒ်နပှၤမၤတၢ်ဖိလၢအဒိးလဲအသးအကျါတဂၤအသိးန့ၣ် တက့ၢ်.’

လံာ်လူၤကၣ် 15:21

ဖိခွါကတိၤတၢ်ဒီးစံးဝဲ, ‘ပၢ်ဧၢ, ယမၤကမၣ်ဘၣ်လံကစၢ်ယွၤဒီးနၤလံ. ယတကြၢးတဘၣ်လၢၤလၢပှၤကကိးယၤလၢနဖိခွါဘၣ်.’

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်ယိၤဟၣ် 1:27

အဝဲဒၣ်ကဟဲလၢယလီၢ်ခံဒီးထဲယကဃ့ၣ်လီၤအခီၣ်ဖံးအပျံၤဒၣ် လဲာ်န့ၣ်, ယတကြၢးတဘၣ်ယဲဘၣ်.”