လံာ်မးသဲ 8:4 - Sgaw Karen Common Bible

⁴ ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မးသဲ 8:4 Iomraidhean Croise

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 13:49

မ့ၢ်လါထီၣ်ဝဲမ့ၢ်ဂ့ၤ, ဂီၤထီၣ်ဝဲမ့ၢ်ဂ့ၤန့ၣ်မ့ၢ်တၢ်ဆါအၢအတၢ်လဲၢ်ထီၣ်ဒီး, ကဘၣ်ဒုးနဲၣ်အီၤလၢပှၤလုၢ်တၢ်အခိၣ်န့ၣ်လီၤ.

လံာ်မးသဲ 10:18

လၢယဃိန့ၣ်သုကဘၣ်တၢ်မိၤထီၣ်သုဆူပဒိၣ်ပပှၢ်, စီၤလိၣ်စီၤပၤတဖၣ်အမဲာ်ညါလၢတၢ်သမံသမိးအဂီၢ်ဒ်သိးဒီး သုကတဲဘၣ်အဝဲသ့ၣ်ဒီးပှၤတခီဘီမုၢ်ဖိတဖၣ်လၢတၢ် သးခုအကစီၣ်အဂီၢ်န့ၣ်လီၤ.

လံာ်မးသဲ 16:20

ယ့ၣ်ၡူးတြီအပျဲၢ်အဘီၣ်တဖၣ်ဃံးဃံး, လၢအသုတတဲပှၤနီတဂၤလၢအဝဲမ့ၢ်ခရံာ်တဂ့ၤန့ၣ်လီၤ.

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်မးသဲ 5:17

တဘၣ်ဆိကမိၣ်သုဝဲလၢယဟဲဒ်သိးယကမၤဟးဂီၤကွံာ်စီၤမိၤၡ့ အတၢ်သိၣ်တၢ်သီဒီးဝံတဖၣ်အတၢ်သိၣ်လီၤသီလီၤန့ၣ်တဂ့ၤ. ယဟဲတမ့ၢ်ဘၣ်လၢယကမၤဟးဂီၤကွံာ်တၢ်န့ၣ်တဖၣ်အဂီၢ်ဘၣ်. မ့ၢ်ဒ်သိးယကမၤလၢထီၣ်ပှဲၤထီၣ်အီၤအဂီၢ်တခီန့ၣ်လီၤ.

လံာ်မးသဲ 6:1

လၢတၢ်မၤတၢ်ဘူၣ်တၢ်ဘါအမူအဒါလၢအလီၤဘၣ်သုအပူၤန့ၣ်, ပလီၢ်သုသးဒ်သိးသုသုတမၤအီၤလၢပှၤကညီကထံၣ်အီၤအဂီၢ် တဂ့ၤ. သုမ့ၢ်မၤအီၤလၢပှၤကညီကထံၣ်အီၤအဂီၢ်ဒီး, သုတဒိးန့ၢ်ဘၣ်တၢ်အဘူးအလဲလၢသုပၢ်အိၣ်လၢမူခိၣ်အအိၣ်နီ တမံၤဘၣ်.

လံာ်မးသဲ 9:30

ဒီးအဝဲသ့ၣ်ထံၣ်ထီၣ်က့ၤတၢ်လီၤ. ယ့ၣ်ၡူးတြီအဝဲသ့ၣ်ဆူၣ်ဆူၣ် ကလဲာ်ဒီးစံး, “တဘၣ်စံးဘၣ်တဲဘၣ်ပှၤလၢတၢ်ဂ့ၢ်အဝဲအံၤနီတဂၤတဂ့ၤ.”

လံာ်မၢ်ကူး 13:9

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

လံာ်မၢ်ကူး 3:12

ယ့ၣ်ၡူးမၤလိာ်တၢ်နါတဖၣ်န့ၣ်လၢတၢ်ကတိၤဆူၣ်ဆူၣ်ကလဲာ်အပူၤ ဒ်သိးအသုတတဲဖျါထီၣ်အဝဲအဂ့ၢ်လၢပှၤနီတဂၤတဂ့ၤအဂီၢ်န့ၣ် လီၤ.

လံာ်မၢ်ကူး 5:43

ဘၣ်ဆၣ်ယ့ၣ်ၡူးမၤလိာ်အဝဲသ့ၣ်လၢတၢ်ကတိၤလၢအဆူၣ် ဒ်သိးအသုတစံးဘၣ်တဲဘၣ်တၢ်ဂ့ၢ်အံၤလၢပှၤနီတဂၤတဂ့ၤ, ဒီးမၢပှၤဟ့ၣ်ဒုးအီၣ်ဖိသၣ်န့ၣ်လၢတၢ်အီၣ်တမံၤမံၤလီၤ.

လံာ်မၢ်ကူး 6:11

သုလဲၤတၢ်လီၢ်တပူၤဂ့ၤတပူၤ ဂ့ၤပှၤမ့ၢ်တတူၢ်လိာ်သုဒီးတဒိကနၣ်သုဘၣ်ဒီး, ဟးထီၣ်ကွံာ်ဖဲန့ၣ်ဒီးတရုၤလီၤကွံာ်ဟီၣ်ခိၣ် ကမူၣ်လၢသုခီၣ်အလိၤတက့ၢ်. တၢ်န့ၣ်ကကဲထီၣ်တၢ်ပနီၣ်လၢ အဝဲသ့ၣ်မၤကမၣ်ဘၣ်လံတၢ်လံန့ၣ်လီၤ.”

လံာ်မၢ်ကူး 7:36

ဝံၤဒီးယ့ၣ်ၡူးမၤလိာ်အဝဲသ့ၣ်ဒ်သိးအသုတစံးဘၣ်တဲဘၣ်တၢ် ဂ့ၢ်အံၤလၢပှၤနီတဂၤတဂ့ၤလီၤ. ဘၣ်ဆၣ်ဒီးဒံးမၤလိာ်ဝဲသပှၢ်ပှၢ်, အဝဲသ့ၣ်ရၤလီၤတၢ်ကစီၣ်ဒ်အါထီၣ်တခီန့ၣ်လီၤ.

လံာ်မၢ်ကူး 8:30

အန့ၣ်ဒီးယ့ၣ်ၡူးမၤလိာ်အဝဲသ့ၣ်လၢ ဘၣ်ဃးဒီးအဝဲဒၣ်အဂ့ၢ်အံၤ, အသုတစံးဘၣ်တဲဘၣ်ပှၤနီတဂၤတဂ့ၤလီၤ.

လံာ်မၢ်ကူး 9:9

ဖဲအဝဲသ့ၣ်ဟဲက့ၤလီၤလၢကစၢၢ်လိၤအခါ, ယ့ၣ်ၡူးမၤလိာ်အဝဲသ့ၣ်လၢတၢ်လၢအထံၣ်ဘၣ်တ့ၢ်ဝဲအံၤန့ၣ်, အသုတစံးဘၣ်တဲဘၣ်ပှၤနီတဂၤတဂ့ၤလီၤ. မ့မ့ၢ်တုၤပှၤကညီအဖိခွါအံၤဂဲၤဆၢထၢၣ်သမူထီၣ်က့ၤလၢတၢ် သံတစုဒီး, စံးဘၣ်တဲဘၣ်ပှၤသ့ဝဲဒၣ်လီၤ.

လံာ်လူၤကၣ် 17:14

ယ့ၣ်ၡူးထံၣ်အဝဲသ့ၣ်ဒီးစံးဘၣ်အီၤ, “လဲၤဒီးဒုးနဲၣ်သုသးလၢပှၤလုၢ်တၢ်အခိၣ်တဖၣ်တက့ၢ်.” ဖဲအဝဲသ့ၣ်လဲၤလၢကျဲန့ၣ်, ကဆှီထီၣ်က့ၤဝဲလီၤ.

လံာ်လူၤကၣ် 21:13

အဝဲအံၤကမ့ၢ်တၢ်ခွဲးဂ့ၤယာ်ဘၣ်လၢသုဂီၢ်လၢသုကစံးဘၣ် တဲဘၣ်ပှၤလၢတၢ်သးခုအကစီၣ်န့ၣ်လီၤ.

လံာ်လူၤကၣ် 4:41

တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.” ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.

လံာ်လူၤကၣ် 5:14

ယ့ၣ်ၡူးခါလီၤအကလုၢ်ဒီးစံးဝဲ, “တဘၣ်စံးဘၣ်တဲဘၣ်ပှၤနီတဂၤတဂ့ၤ. မ့မ့ၢ်လဲၤတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ်နသးလၢအီၤတက့ၢ်. အန့ၣ်ဝံၤအလီၢ်ခံ, ဒ်သိးတၢ်အုၣ်အသးကအိၣ်လၢပှၤကိးဂၤဒဲးအမဲာ်ညါ လၢနဘၣ်တၢ်မၤဘျါနၤလံအဂီၢ်န့ၣ်, လုၢ်ထီၣ်ပာ်ထီၣ်တၢ်ဒ်စီၤမိၤၡ့မၤလိာ်တ့ၢ်ဝဲအသိးန့ၣ်တက့ၢ်.”

လံာ်လူၤကၣ် 8:56

ပိာ်မုၣ်ဖိသၣ်အမိၢ်အပၢ်တဖၣ်ကမၢကမၣ်ဝဲ, ဘၣ်ဆၣ်ဒီးယ့ၣ်ၡူးမၤလိာ်အဝဲသ့ၣ်ဒ်သိးအသု တစံးဘၣ်တဲဘၣ်ပှၤနီတဂၤလၢတၢ်မၤတ့ၢ်အသးအံၤအဂ့ၢ်တဂ့ၤန့ၣ်လီၤ.

လံာ်လူၤကၣ် 9:21

တုၤနုၤတစုယ့ၣ်ၡူးမၤလိာ်အဝဲသ့ၣ်ဃံးဃံးဒ်သိးအသု တစံးဘၣ်တဲဘၣ်တၢ်ဂ့ၢ်တမံၤအံၤလၢပှၤနီတဂၤတဂ့ၤ,

လံာ်ယိၤဟၣ် 5:41

ယတဃုမၤန့ၢ်ပှၤဟီၣ်ခိၣ်ဖိအတၢ်စံးပတြၢၤယၤဘၣ်.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

လံာ်ယိၤဟၣ် 8:50

ယတဃုတၢ်လၤကပီၤလၢယဂီၢ်ဒၣ်ယဲဘၣ်. ဘၣ်ဆၣ်ပှၤလၢအဃုတၢ်အံၤဒီးစံၣ်ညီၣ်အိၣ်ပှိၤယၤန့ၣ် အိၣ်ဝဲတဂၤလီၤ.