လံာ်မးသဲ 8:34 - Sgaw Karen Common Bible

³⁴ ပှၤဝ့ၢ်ဖိဒီဝ့ၢ်ညါဟဲထီၣ်လၢအဝ့ၢ်ပူၤဒီးသဂၢၢ်ယ့ၣ်ၡူးလီၤ. တုၤအဝဲသ့ၣ်ထံၣ်အီၤဒီး, ဃ့ကညးအီၤဒ်သိးအကဟးထီၣ်ကွံာ်လၢအဝဲသ့ၣ်အကီၢ်ပူၤန့ၣ်လီၤ.

လံာ်မးသဲ 8:34 Iomraidhean Croise

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်စီၤပၤအခီၣ်ထံးတဘ့ၣ် 18:17

ဖဲစီၤအၤဃာ်ထံၣ်ဘၣ်အီၤန့ၣ်အဝဲစံးဝဲ, “အိမ့ၢ်နၤ, ပှၤမၤကိၢ်မၤဂီၤတၢ်အဒိၣ်ကတၢၢ်လၢကီၢ်အံၣ်စရ့လးအပူၤန့ၣ်ဧါ.”

လံာ်စီၤယိၤဘး 21:14

ပှၤတတီတလိၤစံးဘၣ်ကစၢ်ယွၤ, ဟးထီၣ်ကွံာ်လၢပအိၣ်တက့ၢ်. တၢ်သ့ၣ်ညါနကျဲဧိၤကပူၤဧိၤန့ၣ်တဘၣ်ဘၣ်ပသးဘၣ်.

လံာ်စီၤယိၤဘး 22:17

အဝဲသ့ၣ်မ့ၢ်ပှၤလၢအညိကွံာ်ကစၢ်ယွၤဒီးနာ်ဝဲဒၣ်လၢယွၤသ့ တၢ်လၢာ်ကစၢ်မၤအီၤတသ့နီတမံၤဘၣ်န့ၣ်လီၤ.

လံာ်ဧၤမိၣ် 7:12

ဒီးစီၤအမၤစယါစံးဘၣ်ဝံဧၤမိၣ်, ဟးထီၣ်ကွံာ်, ပှၤလၢအထံၣ်တၢ်လၢညါခီတဂၤဧၢ, က့ၤဆူကီၢ်ယူဒၤဒီးကတိၤတၢ် လၢဝံအကျိာ်, ဒီးမၤအီၣ်မၤအီဖဲန့ၣ်တက့ၢ်.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 8:28

ဖဲအဝဲဒၣ်ထံၣ်ယ့ၣ်ၡူးန့ၣ်ကိးထီၣ်ဝဲလၢအကလုၢ်ဖးဒိၣ်, ထိၣ်လီၤပှီၤအသးလၢအမဲာ်ညါ, ဒီးကတိၤတၢ်လၢအကလုၢ်ဖးဒိၣ်, “တၢ်ထီကတၢၢ်ကစၢ်ယွၤအဖိခွါယ့ၣ်ၡူးဧၢ, နဘၣ်ဃးဒီးယၤဒ်လဲၣ်. ယဃ့ကညးနၤ, တဘၣ်စံၣ်ညီၣ်ယၤတဂ့ၤ.”

မၤတၢ် 16:39

လၢတၢ်န့ၣ်အဃိ, အဝဲသ့ၣ်လဲၤဒီးဃ့ကညးစီၤပီလူးဒီး စီၤစံလၤလီၤ. အန့ၣ်ဝံၤအလီၢ်ခံ, အဝဲသ့ၣ်ဆှၢထီၣ်အီၤဆူ ဃိာ်အချၢဒီး မၢအဝဲသ့ၣ်ဟးထီၣ်ကွံာ်လၢဝ့ၢ်ပူၤလီၤ.

လံာ်သိၣ်လီၤသီလီၤတၢ် 5:25

ဘၣ်ဆၣ်ဒီး, ဘၣ်မနုၤလၢပကဘၣ်မၤကဒီးတၢ်သံခ့သံပှၤအတၢ်မၤန့ၣ်လဲၣ်. မ့ၣ်အူလီၤပျံၤလီၤဖုးန့ၣ်ကမၤဟးဂီၤကွံာ်ပှၤလီၤ. ပမ့ၢ်နၢ်ဟူဘၣ်ကစၢ်ယွၤကတိၤကဒီးတၢ်န့ၣ်, ပကသံသပှၢ်ကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:4

စီၤၡမူၤအ့လးမၤတ့ၢ်ဝဲဒ်ယွၤစံးဘၣ်အီၤအသိး, ဒီးလဲၤဝဲဆူဝ့ၢ်ဘ့ၤသလ့ဃ့ၣ်ဖဲ, ဝ့ၢ်အခိၣ်အနၢ်တဖၣ်ထံၣ်ဘၣ်အီၤဒီးကနိး ကစုာ်ဝဲ, ဒီးသံကွၢ်အီၤ, “ပှၤထံၣ်တၢ်ဧၢ, အအံၤမ့ၢ်ဝဲတၢ်ဟဲအိၣ်သကိး လၢတၢ်ဃူတၢ်မုာ်ဧါ.”