လံာ်မးသဲ 8:30 - Sgaw Karen Common Bible

³⁰ ဖဲတၢ်လီၢ်တယံၤတဘူးဒီးအဝဲသ့ၣ်အိၣ်ဝဲအလီၢ်န့ၣ်, ထိးတဖုအီၣ်အဆၣ်လီၤ.

လံာ်မးသဲ 8:30 Iomraidhean Croise

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:7

ဒီးထိး, မ့ၢ်လၢအခီၣ်မ့ၣ်သ့ၣ်ဖးဘၣ်ဆၣ်တကလိာ်ထီၣ်အဆၣ်ဒီးဂံာ် အီၣ်ဝဲအဃိဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ.

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်မးသဲ 8:31

လၢတၢ်န့ၣ်အဃိ, တၢ်နါတဖၣ်ဃ့ကညးယ့ၣ်ၡူးဒီးစံး, “နမ့ၢ်ဟီထီၣ်ကွံာ်ပှၤဒီးဒုးလဲၤနုာ်ပှၤဆူထိးတဖုန့ၣ်အပူၤတက့ၢ်.”

လံာ်မၢ်ကူး 5:11

ဖဲတယံၤတဘူးဒီးတၢ်လီၢ်န့ၣ်, တၢ်လူၢ်ဖိ အိၣ်ဝဲတလူၢ်ဒီးထိးတဖုအီၣ်အဆၣ်ဖဲတၢ်လူၢ်န့ၣ်အလိၤလီၤ.

လံာ်လူၤကၣ် 8:32

ထိးတဖုတဂီၢ်အီၣ်အဆၣ်ဘူးဘူးတံၢ်တံၢ်ဖဲတၢ်လူၢ်ကပၤလီၤ. တၢ်နါတဖၣ်ဃ့ကညးယ့ၣ်ၡူးလၢအကပျဲအဝဲသ့ၣ်လဲၤနုာ်ဆူ ထိးတဖုန့ၣ်အပူၤဒီးအဝဲဒၣ်ပျဲအဝဲသ့ၣ်လီၤ.

လံာ်သိၣ်လီၤသီလီၤတၢ် 14:8

အီၣ်ထိးတဖၣ်တဂ့ၤ. တၢ်ကဘၣ်ပာ်အီၤဒ်တၢ်တကဆှီဘၣ်အသိးန့ၣ် လီၤ. အဝဲသ့ၣ်အခီၣ်မ့ၣ်တဖၣ်သ့ၣ်ဖးဘၣ်ဆၣ်တဂံာ်အဆၣ်လၢအကလိာ်ထီၣ်ဝဲ န့ၣ်ဘၣ်. ဆၣ်ဖိကီၢ်ဖိတဖၣ်အံၤအီၣ်အီၤနီတဒုမ့ၢ်ဂ့ၤထိးဘၣ်အစိၣ်တဖၣ် မ့ၢ်ဂ့ၤဒၣ်လဲာ်န့ၣ်တဂ့ၤ.