လံာ်မးသဲ 8:25 - Sgaw Karen Common Bible

²⁵ အပျဲၢ်အဘီၣ်တဖၣ်လဲၤဆူအအိၣ်, ကိးပၢၢ်ထီၣ်အီၤဒီးစံး, “ကစၢ်ဧၢ, မၤစၢၤပှၤတက့ၢ်. ပကသံလီၤ.”

လံာ်မးသဲ 8:25 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 14:11

စီၤအၤစါဃ့ဘါထုကဖၣ်ဆူယွၤ, အကစၢ်ယွၤအအိၣ်စံးဝဲ, “ယွၤဧၢ, နမၤစၢၤသုးမုၢ်လၢအဂံၢ်အဘါစၢ်ဝဲတဖုသ့ဝဲ ညီကဒၣ်ဒ်ပှၤတဖုလၢအဂံၢ်ဆူၣ်ဘါဆူၣ်အသိးန့ၣ်လီၤ. ယွၤ, ပကစၢ်ယွၤဧၢ, မၤစၢၤပှၤခဲအံၤန့ၣ်တက့ၢ်. အဂ့ၢ်ဒ်အံၤ, ပသန့ၤပသးလၢနၤဒီးလၢနမံၤအပူၤန့ၣ်, ပဟဲထီၣ်လၢပကဒုးတၢ်ထီဒါသုးမုၢ်ဖးဒိၣ်အံၤန့ၣ်လီၤ. ယွၤဧၢ, နမ့ၢ်ပကစၢ်ယွၤလီၤ. ပှၤမုၢ်လၢ်လၢအကမၤနၢၤကွံာ်နၤ တသ့နီတဂၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

စံးထီၣ်ပတြၢၤ 10:1

ယွၤဧၢ, နအိၣ်လၢအယံၤမ့ၢ်အဘၣ်မနုၤလဲၣ်. ဘၣ်မနုၤလၢနပာ်တဒၢနသးဖဲလၢပအိၣ်လၢတၢ်ကိၢ်တၢ်ဂီၤအကတီၢ် န့ၣ်လဲၣ်.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်မးသဲ 8:2

တုၤနုၤတစု, ပှၤဘၣ်တၢ်ဆါအၢတဂၤဟဲဆူအအိၣ်, ချံးခီၣ်တီၤလီၤလၢအမဲာ်ညါဒီးစံးဘၣ်အီၤ, “ကစၢ်ဧၢ, နသးမ့ၢ်အိၣ်ဒီးနမၤကဆှီထီၣ်က့ၤယၤသ့လီၤ.”

လံာ်မးသဲ 8:24

သတူၢ်ကလာ်ကလံၤမုၢ်တွၤဖးဒိၣ်လီၤဘၣ်လၢပီၣ်လဲၣ်န့ၣ် ဒီးချံန့ၣ်ဘၣ်တၢ်လုၣ်ဘၢအီၤလၢလပီတဖၣ်ဒီးဘူးတ့ၢ်လၢ အကလီၤဘျၢလီၤ. ဘၣ်ဆၣ်ယ့ၣ်ၡူးမံဘၣ်အသးလီၤ.

လံာ်မးသဲ 9:18

ဖဲယ့ၣ်ၡူးကတိၤတၢ်ဒ်အံၤအဖၢမုၢ်န့ၣ်, ပှၤယူဒၤဖိအခိၣ်အနၢ် တဂၤဟဲဝဲချံးခီၣ်တီၤလီၤဝဲလၢယ့ၣ်ၡူးအမဲာ်ညါဒီးစံး, “ယဖိမုၣ်တဂၤသံသီသီဒံးလီၤ. ဟဲပိာ်ယခံဒီးပာ်နစုလၢ အလိၤတက့ၢ်. ဒီးအဝဲဒၣ်ကမူထီၣ်က့ၤလီၤ.”

လံာ်လူၤကၣ် 8:24

အပျဲၢ်အဘီၣ်တဖၣ်လဲၤဆူယ့ၣ်ၡူးအအိၣ်ဒီးကိးပၢၢ်ထီၣ်အီၤဒီးစံးဝဲ, “ကစၢ်ဧၢ, ကစၢ်ဧၢ, ပကသံလီၤ.” ယ့ၣ်ၡူးဂဲၤဆၢထၢၣ်ဒီးခါလီၤအကလုၢ်လၢကလံၤဒီးလပီတဖၣ် အလိၤ, အဝဲသ့ၣ်အိၣ်ဘှ့ၣ် က့ၤဝဲဒီးတၢ်အိၣ်က့ၤမးဝဲ ဂၢၢ်တပၢၢ်လီၤ.