လံာ်မးသဲ 8:2 - Sgaw Karen Common Bible

² တုၤနုၤတစု, ပှၤဘၣ်တၢ်ဆါအၢတဂၤဟဲဆူအအိၣ်, ချံးခီၣ်တီၤလီၤလၢအမဲာ်ညါဒီးစံးဘၣ်အီၤ, “ကစၢ်ဧၢ, နသးမ့ၢ်အိၣ်ဒီးနမၤကဆှီထီၣ်က့ၤယၤသ့လီၤ.”

လံာ်မးသဲ 8:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 15:5

ယွၤတီၢ်စီၤဧူးစံယါလၢတၢ်ဆါအၢလီၤပျံၤလီၤဖုးတမံၤလၢ အဘၣ်အီၤလၢအမုၢ်နံၤလၢအအိၣ်လီၤတဲာ်အပူၤန့ၣ်လီၤ. အဝဲအိၣ်ဝဲဆိးဝဲလၢဟံၣ်လီၤဆီတဖျၢၣ်အပူၤ, ဘၣ်တၢ်ဆိကတီၢ်ကွံာ်အီၤလၢကယဲၢ်အမူအဒါတဖၣ်, ဖဲအဝဲအဖိခွါစီၤယိၤသၣ်ပၢက့ၤထံကီၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:1

ပှၤစူၤရံဖိအသုးမုၢ်, အသုးခိၣ်ကျၢၢ်စီၤနဧၤမၣ်, ဘၣ်တၢ်ပာ်ကဲအီၤဒိၣ်ဒိၣ်မုၢ်မုၢ်, ဒီးပာ်လုၢ်ဒိၣ်ပှ့ၤဒိၣ်အီၤ လၢကီၢ်စူၤရံအစီၤပၤ, မ့ၢ်လၢခီဖျိစီၤနဧၤမၣ်အဃိန့ၣ်, ယွၤဟ့ၣ်ကီၢ်စူၤရံအသုးမုၢ်တဖၣ်လၢတၢ်မၤနၢၤအဃိန့ၣ်လီၤ. အဝဲမ့ၢ်ပှၤသုးဖိလၢအဂံၢ်ဆူၣ်ဘါဆူၣ်တဂၤ, ဘၣ်ဆၣ်အဝဲဘၣ်တၢ်ဆါအၢလၢအလီၤပျံၤလီၤဖုးတမံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:27

ခဲကနံၣ်အံၤစီၤနဧၤမၣ်အတၢ်ဆါကလီၤဘၣ်လၢနလိၤဒီး, နၤဒီးနစၢၤနသွဲၣ်တဖၣ်ကအိၣ်ဒီးတၢ်ဆါအံၤလီၤစိၤလီၤထီန့ၣ် လီၤ.” တုၤစီၤက့ၤဃစံဟးထီၣ်ကွံာ်န့ၣ်အဝဲမၤန့ၢ်တၢ်ဆါဒီးအဖံးဝါ ဝဲဒ်မူခိၣ်ဖီအသိးန့ၣ်လီၤ.

လံာ်တၢ်ဂံၢ် 12:10

ဒီးတၢ်အၢၣ်ဟးထီၣ်ကွံာ်လၢဒဲစီဆှံအအိၣ်န့ၣ်နီၢ်မံးရယၣ်အဖံးဘ့ၣ်, ဘၣ်တၢ်ကးဘၢအီၤသတူၢ်ကလာ်ဒီးတၢ်ဆါအၢတမံၤဒီးလီၤဝါဝဲဒ်မူ ခိၣ်ဖီအသိးန့ၣ်လီၤ. ဖဲစီၤအၤဟရိၣ်ကွၢ်ဃီၤအီၤဒီးထံၣ်ဘၣ်ဝဲလၢအဝဲဘၣ်တၢ်ဆါအၢ ဒီဂၤညါန့ၣ်,

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

လံာ်မးသဲ 13:58

ယ့ၣ်ၡူးတမၤတၢ်လီၤလးအါအါဖဲန့ၣ်ဘၣ်, မ့ၢ်လၢအဝဲသ့ၣ်အတၢ်နာ်အီၤတအိၣ်ဘၣ်အဃိလီၤ.

လံာ်မးသဲ 14:33

ဒီးအပျဲၢ်အဘီၣ်လၢအအိၣ်လၢချံပူၤတဖၣ်ဘူၣ်ထီၣ်ဘါထီၣ်အီၤဒီး စံး, “နမ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 15:25

ဘၣ်ဆၣ်ပိာ်မုၣ်န့ၣ် ဟဲဒီးတီၤလီၤကဒွံကျိာ်လၢအမဲာ်ညါဒီး စံး, “ကစၢ်ဧၢ, မၤစၢၤယၤတက့ၢ်.”

လံာ်မးသဲ 18:26

တုၤနုၤတစု, တၢ်အခ့အပှၤန့ၣ်ထိၣ်လီၤပှီၤအသးလၢအခီၣ်လ့ၢ်ခိၣ်လိၤလၢ အကစၢ်အမဲာ်ညါ, ဒီးဃ့ကညးအီၤဒီးစံး, ‘ကစၢ်ဧၢ, ဝံသးစူၤဟ့ၣ်အါထီၣ်ယၤတၢ်ဆၢကတီၢ်တက့ၢ်. ဒီးယကလိးက့ၤနတၢ်ခဲလၢာ်လီၤ.’

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

လံာ်မးသဲ 20:20

တုၤနုၤတစု, စီၤစ့းဘ့းဒဲအမါဟဲဒီးအဖိခွါခံဂၤဆူယ့ၣ်ၡူးအအိၣ်, တီၤလီၤကဒွံကျိာ်လၢအမဲာ်ညါ, ဒီးဃ့တၢ်တမံၤလၢအီၤလီၤ.

လံာ်မးသဲ 26:6

အကတီၢ်ဖဲန့ၣ်, ယ့ၣ်ၡူးအိၣ်လၢသဝီဘ့ၤသနံလၢပှၤဘၣ်တ့ၢ်တၢ်ဆါ အၢစီၤၡံမိၣ်အဟံၣ်ပူၤလီၤ.

လံာ်မးသဲ 28:17

တုၤအဝဲသ့ၣ်ထံၣ်အီၤဒီး, အဝဲသ့ၣ်ဘူၣ်ထီၣ်ဘါထီၣ်အီၤ, ဘၣ်ဆၣ်ဒီးအဝဲသ့ၣ်တနီၤအသးဒ့ဒီဝဲလီၤ.

လံာ်မးသဲ 28:9

သတူၢ်ကလာ်ယ့ၣ်ၡူးဟဲသဂၢၢ်အဝဲသ့ၣ်ဒီးစံး, “မ်တၢ်ဃူတၢ်မုာ်အိၣ်ဒီးသုတက့ၢ်.” အဝဲသ့ၣ်လဲၤဃီၤဆူယ့ၣ်ၡူးအအိၣ်, ဟံးဃာ်အခီၣ်ဒီးဘူၣ်ထီၣ်ဘါထီၣ်အီၤလီၤ.

လံာ်မးသဲ 4:9

ဒီးမုၣ်ကီၤလံၢ်စံးဘၣ်အီၤ, “နမ့ၢ်တီၤလီၤကဒွံကျိာ်လၢယမဲာ်ညါဒီးဘါထီၣ်ယၤန့ၣ်ယကဟ့ၣ် နၤလၢတၢ်သ့ၣ်တဖၣ်အံၤခဲလၢာ်လီၤ.”

လံာ်မးသဲ 8:1

ဖဲယ့ၣ်ၡူးဟဲက့ၤလီၤလၢတၢ်လူၢ်ဒီခိၣ်န့ၣ်, ပှၤဂီၢ်မုၢ်ဖးဒိၣ်ပိာ်ထီၣ်အခံလီၤ.

လံာ်မးသဲ 8:25

အပျဲၢ်အဘီၣ်တဖၣ်လဲၤဆူအအိၣ်, ကိးပၢၢ်ထီၣ်အီၤဒီးစံး, “ကစၢ်ဧၢ, မၤစၢၤပှၤတက့ၢ်. ပကသံလီၤ.”

လံာ်မးသဲ 9:18

ဖဲယ့ၣ်ၡူးကတိၤတၢ်ဒ်အံၤအဖၢမုၢ်န့ၣ်, ပှၤယူဒၤဖိအခိၣ်အနၢ် တဂၤဟဲဝဲချံးခီၣ်တီၤလီၤဝဲလၢယ့ၣ်ၡူးအမဲာ်ညါဒီးစံး, “ယဖိမုၣ်တဂၤသံသီသီဒံးလီၤ. ဟဲပိာ်ယခံဒီးပာ်နစုလၢ အလိၤတက့ၢ်. ဒီးအဝဲဒၣ်ကမူထီၣ်က့ၤလီၤ.”

လံာ်လူၤကၣ် 4:27

ဒီးဖဲဝံအလံၤၡါအဆၢကတီၢ်န့ၣ်, ပှၤလၢအတူၢ်ဘၣ်တၢ်ဆါလိၤ တဂ့ၤအိၣ်ဝဲအါဒံအါဂၤလၢကီၢ်အံၣ်စရ့လးအပူၤ, ဘၣ်ဆၣ်အဝဲသ့ၣ်တဘၣ်တၢ်မၤဘျါက့ၤအီၤနီတဂၤဘၣ်. တၢ်မၤဘျါက့ၤဒၣ်ထဲပှၤစူၤရံဖိစီၤနဧၤမၣ်တဂၤဧိၤလီၤ.”

လံာ်ယိၤဟၣ် 9:38

အဝဲစံးဝဲဒၣ်, “ကစၢ်ဧၢ, ယနာ်လီၤ.” ဒီးချံးခီၣ်တီၤလီၤလၢယ့ၣ်ၡူး အမဲာ်ညါဒီးဘူၣ်ထီၣ်ဘါထီၣ်အီၤလီၤ.

မၤတၢ် 10:14

ဘၣ်ဆၣ်ဒီးစီၤပ့းတရူးစံးဝဲဒၣ်, “ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢအဘၣ်တၢ်ပာ်အီၤလၢအတစီတဆှံဒီးတကဆှီ လၢတၢ်ကအီၣ်အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.”

မၤတၢ် 10:25

ဖဲစီၤပ့းတရူးသါကလဲၤနုာ်လီၤအခါန့ၣ်, စီၤကန့လံးသဂၢၢ်အီၤ, ချံးခီၣ်တီၤလီၤလၢအခီၣ်ထံး, ဒီးထိၣ်လီၤပှီၤအသးလၢအမဲာ်ညါလီၤ.

1 ကရံၣ်သူး 14:25

အဝဲဒၣ်အတၢ်ဆိကမိၣ်ခူသူၣ်တဖၣ်ကဘၣ်တၢ်ဒုးအိၣ်ဖျါထီၣ်အီၤလၢ ခိ, ဒီးအဝဲဒၣ်ကသကူးလီၤအသးဒီးဘူၣ်ထီၣ်ဘါထီၣ်ယွၤဒီးအၢၣ်လီၤ အီလီၤဝဲ, “ကစၢ်ယွၤအိၣ်မးဝဲဖဲအံၤလၢသုသိးသုကျါနီၢ်နီၢ်လီၤ.”

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.