လံာ်မးသဲ 8:16 - Sgaw Karen Common Bible

¹⁶ တုၤမုၢ်ဟါလီၤဒီး, ပှၤဟဲဆှၢန့ၢ်ယ့ၣ်ၡူးလၢပှၤအါဒံအါဂၤလၢတၢ်နါဒိးအီၤ တဖၣ်လီၤ. ယ့ၣ်ၡူးဟီထီၣ်ကွံာ်သးအအၢတဖၣ်လၢအကလုၢ်တဘီ ဒီးမၤဘျါက့ၤပှၤဆူးပှၤဆါခဲလၢာ်လီၤ.

လံာ်မးသဲ 8:16 Iomraidhean Croise

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်မးသဲ 12:22

ပှၤတနီၤဟဲကိးပှၤလၢတၢ်နါဒိးအီၤ, ဒီးအမဲာ်တထံၣ်တၢ်ဒီးအုးအးတဂၤ ဆူယ့ၣ်ၡူးအအိၣ်လီၤ. ယ့ၣ်ၡူးမၤဘျါက့ၤအီၤဒီးအဝဲဒၣ်ကတိၤထီၣ်တၢ်ဒီးထံၣ်ထီၣ်က့ၤတၢ်လီၤ.

လံာ်မးသဲ 14:14

ဖဲယ့ၣ်ၡူးစံၣ်လီၤလၢချံအလိၤဒီးထံၣ်ပှၤဂီၢ်မုၢ်ဖးဒိၣ်န့ၣ်, အသူၣ်ကညီၤသးကညီၤဘၣ်အဝဲသ့ၣ်ဒီး, မၤဘျါက့ၤအဝဲသ့ၣ်အပှၤဆူးပှၤဆါတဖၣ်လီၤ.

လံာ်မးသဲ 8:15

အဝဲထိးဘၣ်ပိာ်မုၣ်န့ၣ်အစု, ဒီးတၢ်လိၤကိၢ်န့ၣ်ဘျါက့ၤဝဲဒီး အဝဲဒၣ်ဆၢထၢၣ်မၤတၢ်အခ့အပှၤအတၢ်မၤလၢအဂီၢ်လီၤ.

လံာ်မးသဲ 8:33

ပှၤလၢအကွၢ်ထွဲထိးတဖုန့ၣ်က့ၤဃ့ၢ်ဆူဝ့ၢ်ပူၤဒီးစံးဘၣ်တဲဘၣ် တၢ်ဂ့ၢ်အံၤခဲလၢာ် ဒီးတၢ်လၢအမၤအသးဒီးပှၤခံဂၤလၢတၢ်နါဒိးအီၤ အဂ့ၢ်န့ၣ်လီၤ.

လံာ်မးသဲ 9:2

ပှၤဟဲစိာ်ပှၤသံတခီပၤလၢအအိၣ်မံလီၤလၢအလီၢ်မံခိၣ်တဂၤ ဆူအအိၣ်ဒီးဖဲယ့ၣ်ၡူးထံၣ်အဝဲသ့ၣ်အတၢ်နာ်အိၣ်ထဲလဲၣ်န့ၣ်, အဝဲတဲဘၣ်ပှၤသံတခီပၤန့ၣ်, “ဖိဧၢ, သးဟးဂီၤတဂ့ၤ. နတၢ်ဒဲးဘးတဖၣ်ဘၣ်တၢ်ပျၢ်လံအီၤလံ.”

လံာ်မၢ်ကူး 2:3

အကတီၢ်ဖဲန့ၣ်, ပှၤလွံၢ်ဂၤဟဲစိာ်ဃုာ်ဒီးပှၤသံတခီပၤတဂၤဆူ အအိၣ်လီၤ.

လံာ်မၢ်ကူး 5:8

(စံးတၢ်ဒ်အံၤမ့ၢ်လၢယ့ၣ်ၡူးစံးဘၣ်တ့ၢ်အီၤ, “တၢ်နါအၢတဒုဧၢ, ဟးထီၣ်ကွံာ်လၢပှၤတဂၤအံၤအပူၤတက့ၢ်” အဃိလီၤ.)

လံာ်မၢ်ကူး 9:25

တုၤမ့ၢ်ယ့ၣ်ၡူးထံၣ်ဘၣ်ပှၤဂီၢ်မုၢ်တဖၣ်ဟဲဆီၣ်သနံးအသးဘူး ဒီးအဝဲအိၣ်တၢ်အလီၢ်န့ၣ်, အဝဲဒူတၢ်နါအလိၤဒီးစံးဘၣ်အီၤ, “တၢ်နါလၢအဒုးတအၢပှၤနၢ်ဒီး မၤအုးအးပှၤတဒုဧၢ, ယမၤလိာ်နၤ, ဟးထီၣ်ကွံာ်လၢဖိသၣ်အံၤအအိၣ်တက့ၢ်. ဒီးတဘၣ်ဟဲဒိးလၢၤအီၤနီတစုတဂ့ၤ.”

လံာ်လူၤကၣ် 13:12

ဖဲယ့ၣ်ၡူးထံၣ်ဘၣ်အီၤန့ၣ်, အဝဲဒၣ်ကိးဃီၤအီၤဆူအအိၣ်ဒီးစံး, “ပိာ်မုၣ်ဧၢ, နထူၣ်ဖျဲးထီၣ်ကွံာ်လၢနတၢ်ဆူးတၢ်ဆါလံ.”

လံာ်လူၤကၣ် 4:40

ဖဲမုၢ်လီၤနုာ်ဝံၤအလီၢ်ခံန့ၣ်, ကယဲၢ်ပှၤအိၣ်ဒီးတံၤသကိးလၢအအိၣ်ဒီး တၢ်ဆူးတၢ်ဆါအကလုာ်ကလုာ်တဖၣ်ဟဲဆှၢပှၤဆါတဖၣ်န့ၣ်ဆူ ယ့ၣ်ၡူးအအိၣ်, ဒီးအဝဲဒၣ်ပာ်ထီၣ်အစုခံခီလၢ အဝဲသ့ၣ်တဂၤဘၣ်တဂၤအလိၤ, ဒီးမၤဘျါအဝဲသ့ၣ်ကိးဂၤဒဲးလီၤ.

လံာ်လူၤကၣ် 4:41

တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.” ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.

မၤတၢ် 5:15

မ့ၢ်လၢပှၤတၢ်မၢဖိတဖၣ်မၤတ့ၢ်တၢ်အံၤတဖၣ်အဃိ, ပှၤဟဲစိာ်ထီၣ်ပှၤဆူးပှၤဆါတဖၣ်ဆူကျဲမုၢ်ခိၣ်ဒီးပာ်လီၤ အဝဲသ့ၣ်လၢလီၢ်မံခးဒီးချီၣ်တဖၣ်အဖီခိၣ်, ဒ်သိးဒီးဖဲစီၤပ့းတရူးလဲၤတုၤဘၣ်ဖဲအကပၤထံးအခါ, အစှၤကတၢၢ်အကဒုကလီၤဘၣ်လၢအဝဲသ့ၣ်တနီၤအလိၤန့ၣ်လီၤ.