လံာ်မးသဲ 8:14 - Sgaw Karen Common Bible

¹⁴ ယ့ၣ်ၡူးလဲၤဝဲဆူစီၤပ့းတရူးအဟံၣ်ဒီးဖဲန့ၣ်ထံၣ်ဘၣ်ဝဲစီၤပ့းတရူး အမံၤပှၢ်ပိာ်မုၣ်တဂၤအလိၤကိၢ်ဒီးအိၣ်မံလီၤလၢလီၢ်မံခိၣ်န့ၣ်လီၤ.

လံာ်မးသဲ 8:14 Iomraidhean Croise

လံာ်မးသဲ 17:25

အဝဲစံးဆၢဝဲ, “မ့ၢ်.” ဒီးတုၤအက့ၤနုာ်ဆူဟံၣ်ပူၤဒီး, ယ့ၣ်ၡူးကတိၤတၢ်ဒီးအီၤလၢအဆိဒီးစံးဝဲ, “စီၤၡံမိၣ်ဧၢ, နဆိကမိၣ်ဒ်လဲၣ်. ဟီၣ်ခိၣ်စီၤပၤတဖၣ်န့ၣ်, ဟံးန့ၢ်တၢ်အခိအသွဲလၢမတၤတဖၣ်အအိၣ်လဲၣ်. လၢအထံဖိကီၢ်ဖိအအိၣ်ဧါ. မ့တမ့ၢ်ဘၣ်ဒီး, လၢပှၤထံဂၤကီၢ်ဂၤဖိအအိၣ်လဲၣ်.”

လံာ်မးသဲ 8:15

အဝဲထိးဘၣ်ပိာ်မုၣ်န့ၣ်အစု, ဒီးတၢ်လိၤကိၢ်န့ၣ်ဘျါက့ၤဝဲဒီး အဝဲဒၣ်ဆၢထၢၣ်မၤတၢ်အခ့အပှၤအတၢ်မၤလၢအဂီၢ်လီၤ.

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

1 ကရံၣ်သူး 9:5

မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

၁ တံၤမသ့း 4:3

ပှၤဒ်သိးအံၤတဖၣ်သိၣ်လီၤသီလီၤဝဲလၢတၢ်န့ၢ်ဖိန့ၢ်မါန့ၣ်, မ့ၢ်တၢ်ကမၣ်ဒီးတၢ်အီၣ်တၢ်အီတနီၤနီၤန့ၣ်, ဂ့ၤဘၣ်တၢ်ဟးဆှဲး အီၤန့ၣ်လီၤ. ဘၣ်ဆၣ်ဒီးတၢ်အီၣ်တဖၣ်န့ၣ်, ယွၤတ့လီၤပာ်လီၤဝဲလၢပှၤစူၢ်က့ၤနာ်က့ၤတၢ်ဒီးသ့ၣ်ညါ တၢ်မ့ၢ်တၢ်တီတဖၣ်ကစံးထီၣ်ပတြၢၤတၢ်အဘျုးအဖှိၣ်ဝံၤ, ကအီၣ်ဝဲအဂီၢ်န့ၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.