လံာ်မးသဲ 8:13 - Sgaw Karen Common Bible

¹³ ယ့ၣ်ၡူးစံးဘၣ်ပှၤသုးဖိတကယၤအခိၣ်, “က့ၤဆူနဟံၣ်တက့ၢ်. ဒီးဒ်နနာ်တၢ်အသိးန့ၣ်ကဘၣ်တၢ်မၤလၢပှဲၤလၢနဂီၢ်လီၤ.” ဒီးသုးခိၣ်အဝဲန့ၣ်အခ့အပှၤန့ၣ်ဘျါက့ၤဝဲတကတီၢ်ဃီဖဲန့ၣ် လီၤ.

လံာ်မးသဲ 8:13 Iomraidhean Croise

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်မးသဲ 15:28

တုၤနုၤတစု, ယ့ၣ်ၡူးစံးဆၢအီၤ, “ပိာ်မုၣ်ဧၢ, နတၢ်နာ်အသဟီၣ်ဆူၣ်ဒိၣ်မးလီၤ. မ်တၢ်ကမၤအသးလၢနဂီၢ်, ဒ်နဆၢနဲအသိးန့ၣ်တက့ၢ်.” ဒီးအဖိမုၣ်န့ၣ်, ဘျါက့ၤဝဲတကတီၢ်ဃီန့ၣ်လီၤ.

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မးသဲ 9:22

ယ့ၣ်ၡူးဃၣ်တရံးအသးဒီးထံၣ်အီၤဒီးစံး, “ဖိမုၣ်ဧၢ, သးဟးဂီၤတဂ့ၤ. နနာ်တၢ်အဃိနဘျါက့ၤလံ.” တကတီၢ်ဃီဖဲန့ၣ်ပိာ်မုၣ်န့ၣ်အိၣ်ဆူၣ်အိၣ်ချ့ဝဲဒၣ်လီၤ.

လံာ်မၢ်ကူး 7:29

အန့ၣ်ဒီးယ့ၣ်ၡူးစံးဘၣ်အီၤ, “မ့ၢ်လၢနတၢ်ကတိၤတထံၣ်အံၤအဃိ, က့ၤမုာ်မုာ်ဆူနဟံၣ်န့ၣ်တက့ၢ်. နဖိမုၣ်န့ၣ်တၢ်နါဟးထီၣ်ကွံာ်လၢအလိၤလံ.”

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

လံာ်ယိၤဟၣ် 4:50

ယ့ၣ်ၡူးစံးဘၣ်အီၤ, “က့ၤက့ၤတက့ၢ်. နဖိခွါန့ၣ်ကမူကစီဒီလီၤ.” ပှၤတဂၤန့ၣ်နာ်ယ့ၣ်ၡူးအတၢ်ကတိၤတဖၣ်ဒီးက့ၤက့ၤဝဲလီၤ.