လံာ်မးသဲ 7:7 - Sgaw Karen Common Bible

⁷ ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်မးသဲ 7:7 Iomraidhean Croise

လံာ်တၢ်ကဲထီၣ်အခီၣ်ထံး 26:32

ဒီးလၢမုၢ်တနံၤန့ၣ်စီၤအံၤစဲးအခ့အပှၤတဖၣ်ဟဲဒီးတဲဘၣ်အီၤ လၢထံပူၤလၢအဝဲသ့ၣ်ခူၣ်တ့ၢ်ဝဲတပူၤအဂ့ၢ်န့ၣ်လီၤ. အဝဲသ့ၣ်စံးဝဲ, “ပထံၣ်န့ၢ်ထံလံ.”

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

စံးထီၣ်ပတြၢၤ 10:17

ယွၤဧၢ, နကဒိကနၣ်ပှၤလၢ အဆီၣ်လီၤအသးအတၢ်ထုကဖၣ်န့ၣ်လီၤ. နကမၤဆူၣ်ထီၣ်အသးအဂံၢ်အဘါလီၤ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 119:12

ယွၤဧၢ, မ်နဘၣ်တၢ်စံးထီၣ်ပတြၢၤနၤတက့ၢ်. သိၣ်လိယၤလၢနတၢ်မၤလိာ်န့ၣ်တက့ၢ်.

စံးထီၣ်ပတြၢၤ 27:8

တုၤနစံး, “ဃုယမဲာ်တက့ၢ်.” န့ၣ်ဒီး, ယစံးဆၢယဲ, “ယွၤဧၢ, နမဲာ်န့ၣ်ယဃုယဲလီၤ.”

စံးထီၣ်ပတြၢၤ 34:4

ယဃုယွၤဒီးအဝဲဒၣ်စံးဆၢယၤ, ဒီးမၤပူၤဖျဲးယၤလၢကယဲၢ် ယတၢ်ဘၣ်ယိၣ်ခဲလၢာ်န့ၣ်လီၤ.

စံးထီၣ်ပတြၢၤ 37:4

ဃုနတၢ်သးခုလၢယွၤအပူၤတက့ၢ်. ဒီးအဝဲကဟ့ၣ်နၤတၢ်လၢ နသးဆၢန့ၢ်ဘၣ်အီၤန့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 69:32

မ်ပှၤလၢအဘၣ်တၢ်မၤအၢအီၤ ထံၣ်ဒီးသူၣ်ခုသးခုန့ၣ်တက့ၢ်. ပှၤလၢအဃုကစၢ်ယွၤဧၢ, မ်နသးမူထီၣ်က့ၤတက့ၢ်.

စံးထီၣ်ပတြၢၤ 70:4

ပှၤလၢအဃုနၤခဲလၢာ်န့ၣ် မ်အသူၣ်ဖှံသးညီဒီးသူၣ်ခုသးခုလၢနပူၤတက့ၢ်. မ်ပှၤလၢအအဲၣ်နတၢ်အုၣ်က့ၤခီၣ်က့ၤတဖၣ်န့ၣ် စံးဝဲထီဘိ “ကစၢ်ယွၤန့ၣ်ဒိၣ်ဝဲ” န့ၣ်တက့ၢ်.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

တၢ်ကတိၤဒိ. 8:17

ယအဲၣ်ပှၤတဖၣ်လၢအအဲၣ်ယၤဒီးပှၤလၢအဃုယၤန့ၣ်, ကထံၣ်န့ၢ်ယၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:2

ယဟးတရံးဝ့ၤဝီၤလၢဝ့ၢ်ပူၤ, ဆူကျဲဘိတဖၣ်ဒီးကျဲကဆူးတဖၣ်, ဒီးဃုပှၤလၢယအဲၣ်တဂၤန့ၣ်လီၤ. ယကွၢ်ဃုပှၤလၢယအဲၣ်အီၤတဂၤ, ဘၣ်ဆၣ်ယတထံၣ်န့ၢ်အီၤဘၣ်.

လံာ်ယၡါယၤ 30:19

သုဝဲပှၤဂီၢ်မုၢ်လၢအအိၣ်လၢဝ့ၢ်ယရူၤၡလ့ၣ်အပူၤတဖၣ်န့ၣ်, တဟီၣ်ဘၣ်ယၢၤဘၣ်လၢၤဘၣ်. ယွၤသူၣ်ကညီၤသးကညီၤတၢ်သ့, ဒီးဖဲသုကိးထီၣ်တၢ်ဆူအအိၣ်လၢတၢ်မၤစၢၤအဂီၢ်န့ၣ်, အဝဲဒၣ်ကစံးဆၢသုလီၤ.

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်ဧၤမိၣ် 5:4

ယွၤစံးဘၣ်ကီၢ်အံၣ်စရ့လးအပှၤဂီၢ်မုၢ်, ဃုယၤတက့ၢ်, ဒီးသုကမူလီၤ.

လံာ်မးသဲ 18:19

ယစံးဘၣ်တဲဘၣ်ကဒီးသု, ပှၤလၢသုကျါခံဂၤလၢဟီၣ်ခိၣ်ချၢအံၤအသးမ့ၢ်လီၤပလိာ် လၢတၢ်တမံၤမံၤအဂ့ၢ်လၢအဃ့ဝဲန့ၣ်ဒီး, ယပၢ်အိၣ်လၢမူခိၣ်ကမၤန့ၢ်အဝဲသ့ၣ်တၢ်လၢအဃ့ဝဲန့ၣ်လီၤ.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

လံာ်မးသဲ 7:11

သုအၢသုသီဘၣ်ဆၣ်ဒီး, သုသ့ၣ်ညါဟ့ၣ်သုဖိတဖၣ်တၢ်လၢ အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, သုပၢ်အိၣ်လၢမူခိၣ်တဂၤကဟ့ၣ်ပှၤတဖၣ်လၢအဃ့တၢ်လၢအီၤ တၢ်အဂ့ၤတဖၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်မးသဲ 7:8

အဂ့ၢ်ဒ်အံၤပှၤကိးဂၤဒဲးလၢအဃ့တၢ်လၢယွၤန့ၣ်ကဒိးန့ၢ်ဝဲ, ဒီးပှၤတဂၤဂ့ၤတဂၤဂ့ၤလၢအဃုတၢ်န့ၣ်ကထံၣ်န့ၢ်ဝဲ, ဒီးယွၤကအိးထီၣ်န့ၢ်တြဲၤလၢပှၤတဂၤလၢ်လၢ်လၢအဒိတကျိာ် တၢ်အဂီၢ်လီၤ.

လံာ်မၢ်ကူး 11:24

လၢတၢ်န့ၣ်အဃိယစံးဘၣ်သု, တုၤသုဘါထုကဖၣ်ဒီးဃ့တၢ်တမံၤ မံၤန့ၣ်, နာ်လၢသုန့ၢ်ဘၣ်လံအီၤ, ဒီးသုကန့ၢ်ဘၣ်သုဝဲလီၤ.

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 3:11

ပှၤသူၣ်ဖးသးဖးတအိၣ်နီတဂၤဘၣ်, ဒီးပှၤလၢအဃုကစၢ်ယွၤတအိၣ်နီတဂၤဘၣ်.

ဧ့ၤဘြံၤ 11:6

တၢ်စူၢ်တၢ်နာ်တအိၣ်ဘၣ်န့ၣ်တၢ်မၤမုာ်မၤဘၣ်ကစၢ်ယွၤ အသးတသ့ဘၣ်. အဂ့ၢ်ဒ်အံၤ, ပှၤလၢအဟဲဆူကစၢ်ယွၤအအိၣ်န့ၣ်ဘၣ်နာ်လၢကစၢ်ယွၤ အိၣ်ဝဲဒီးလၢအဟ့ၣ်ဘျုးဟ့ၣ်ဖှိၣ်ပှၤလၢအဃုအီၤတဖၣ် န့ၣ်လီၤ.

ယၤကိာ် 5:15

တၢ်စူၢ်တၢ်နာ်အတၢ်ထုကဖၣ်အံၤကမၤဘျါက့ၤပှၤဆါတဂၤ န့ၣ်လီၤ. ကစၢ်ကဟ့ၣ်က့ၤအီၤတၢ်အိၣ်ဆူၣ်အိၣ်ချ့, ဒီးတၢ်ဒဲးဘးလၢအမၤတ့ၢ်လံဝဲတဖၣ်ကဘၣ်တၢ်ပျၢ်ကွံာ် အီၤန့ၣ်လီၤ.

၁ ယိၤဟၣ် 3:22

တၢ်လၢပဃ့တမံၤလၢ်လၢ်န့ၣ်ပဒိးန့ၢ်လၢအီၤ, မ့ၢ်လၢပစူၢ် အတၢ်မၤလိာ်တဖၣ်ဒီးမၤတၢ်လၢအဘၣ်အသးအဃိန့ၣ်လီၤ.