လံာ်မးသဲ 7:4 - Sgaw Karen Common Bible

⁴ ဖဲသ့ၣ်အကျီၣ်အိၣ်လၢနမဲာ်ချံဒၣ်နဲအပူၤန့ၣ်, နစံးဘၣ်နဒီပုၢ်ဝဲၢ်လၢ, ‘ပျဲယခွဲးထီၣ်န့ၢ်တၢ်ကမှံၤဖိအိၣ်လၢနမဲာ်ချံပူၤ’ န့ၣ်, ကသ့ဒ်လဲၣ်.

လံာ်မးသဲ 7:4 Iomraidhean Croise

တၢ်ကတိၤဒိ. 26:7

ပှၤအမၢးတဂၤသူတၢ်ကတိၤဒိတထံၣ်ဂ့ၤဂ့ၤဘၣ်ဘၣ်သ့ဝဲ ဒ်ပှၤတဂၤသူအခီၣ်လၢအဆၢလီၤတလံာ်တဖၣ်သ့ဝဲအသိးန့ၣ်လီၤ.

လံာ်မးသဲ 23:24

ပှၤဆှၢတၢ်လၢအမဲာ်ဘျီၣ်သ့ၣ်ဧၢ, သုပှံၢ်ကွံာ်တၢ်ဖိဃၢ်လၢသုထံအီ အပူၤ, ဘၣ်ဆၣ်ဒီးသုယူၢ်လီၤကွံာ်ကီၤလၤအူးဒီဒုညါလီၤ.

လံာ်မးသဲ 7:3

မ့မ့ၢ်ဒ်န့ၣ်ဒီးဘၣ်မနုၤလၢနကွၢ်ဒၣ်တၢ်ကမှံၤလၢအအိၣ်လၢနဒီ ပုၢ်ဝဲၢ်ပှၤစူၢ်က့ၤနာ်က့ၤတၢ်တဂၤအမဲာ်ချံပူၤဒီးတထံၣ်ဘၣ် သ့ၣ်အကျီၣ်လၢအအိၣ်လၢနမဲာ်ချံပူၤန့ၣ်လဲၣ်.

လံာ်မးသဲ 7:5

ပှၤပာ်မၤအသးနၤဧၢ, ထုးထီၣ်ဆိကွံာ်သ့ၣ်အကျီၣ်လၢအအိၣ်လၢနမဲာ်ချံဒၣ်နဲအပူၤဒ် သိးနကထံၣ်တၢ်ထံထံလၢနကထုးထီၣ်တၢ်ကမှံၤလၢအအိၣ်လၢ နဒီပုၢ်ဝဲၢ်အမဲာ်ချံအပူၤန့ၣ်တက့ၢ်.

လံာ်လူၤကၣ် 6:42

နစံးဘၣ်နဒီပုၢ်ဝဲၢ်, ‘ဒီပုၢ်ဝဲၢ်ဧၢ, ဝံသးစူၤပျဲယခွဲးထီၣ်ကွံာ်တၢ်ကမှံၤလၢနမဲာ်ချံပူၤ,’ ဘၣ်ဆၣ်နတထံၣ်ဒၣ်လဲာ်သ့ၣ်ဖူတကျီၣ်လၢနမဲာ်ချံဒၣ်နဲ အပူၤန့ၣ်ကသ့ဝဲဒ်လဲၣ်. ပှၤပာ်မၤအသးတဂၤဧၢ, ထုးထီၣ်ဆိသ့ၣ်ဖူတကျီၣ်အိၣ်လၢနမဲာ်ချံဒၣ်နဲအပူၤတက့ၢ်. တုၤနုၤတစုနကထံၣ်တၢ်ထံထံဆးဆး, ဒီးနခွဲးထီၣ်ကွံာ်တၢ်ကမှံၤလၢနဒီပုၢ်ဝဲၢ်အမဲာ်ချံပူၤကသ့ဝဲလီၤ.