လံာ်မးသဲ 7:26 - Sgaw Karen Common Bible

²⁶ ဘၣ်ဆၣ်ဒီး, ပှၤတဂၤလၢ်လၢ်လၢအနၢ်ဟူယတၢ်ကတိၤတဖၣ်အံၤဒီးတစူၢ်ဘၣ်ဝဲန့ၣ်, လီၤဂာ်ဒ်ပှၤအသးတဆးတဂၤလၢအဘှီထီၣ်အဟံၣ်လၢမဲးအဖီခိၣ် အသိးန့ၣ်လီၤ.

လံာ်မးသဲ 7:26 Iomraidhean Croise

လံာ်စီၤယိၤဘး 22:16

အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.

တၢ်ကတိၤဒိ. 14:1

ဟံၣ်တဖၣ်ဘၣ်တၢ်မၤထီၣ်အီၤလၢပိာ်မုၣ်တဖၣ်အတၢ်ကူၣ်သ့, ဘၣ်ဆၣ်, ဘၣ်တၢ်မၤဟးဂီၤအီၤလၢတၢ်သူၣ်တဆးသးတဆးန့ၣ်လီၤ.

လံာ်ယံးရမံယၤ 8:9

သုပှၤကူၣ်သ့တဖၣ်ဘၣ်တၢ်မၤမဲာ်ဆှးအီၤလီၤ. အဝဲသ့ၣ်အသးကဒံကဒါဒီးလီၤကွံာ်ဆူပျံၤသ ကွီၤအပူၤန့ၣ်လီၤ. အဝဲသ့ၣ်ညိကွံာ်ယကလုၢ်ကထါတဖၣ်လီၤ. ခဲအံၤတၢ်ကူၣ်သ့မနုၤအိၣ်ဒံးဒီးအဝဲသ့ၣ်န့ၣ်လဲၣ်.

လံာ်မးသဲ 7:24

လၢတၢ်န့ၣ်အဃိ, ပှၤတဂၤလၢ်လၢ်လၢအနၢ်ဟူ ယတၢ်ကတိၤတဖၣ်အံၤဒီးစူၢ်ဝဲန့ၣ်, လီၤဂာ်ဒ်ပှၤကူၣ်ဘၣ်ကူၣ်သ့လၢ အဘှီထီၣ်အဟံၣ်လၢလၢၢ်အလိၤအသိးန့ၣ်လီၤ.

လံာ်မးသဲ 7:25

တၢ်စူၤလီၤဖးဒိၣ်, ထံကျိတဖၣ်အထံလုၣ်ဘၢတၢ်, ဒီးကလံၤအူဘၣ်ဟံၣ်န့ၣ်ဆူၣ်ဆူၣ်ကလဲာ်, ဘၣ်ဆၣ်တလီၤပှီၢ်ဝဲဘၣ်. အဂ့ၢ်ဒ်အံၤ, ဘၣ်တၢ်သူၣ်ထီၣ်အီၤလၢလၢၢ်အဖီခိၣ်အဃိလီၤ.

လံာ်မးသဲ 7:27

တၢ်စူၤလီၤဖးဒိၣ်, ထံကျိတဖၣ်အထံလုၣ်ဘၢတၢ်, ကလံၤအူဘၣ်ဟံၣ်န့ၣ်ဆူၣ်ဆူၣ်ကလဲာ်, ဒီးလီၤပှီၢ်ဝဲလီၤ. ဒီးအတၢ်လီၤပှီၢ်န့ၣ်ဒိၣ်ဝဲလီၤ.”

လံာ်လူၤကၣ် 6:49

မ့မ့ၢ်ပှၤတဂၤလၢအနၢ်ဟူယကလုၢ်ဒီးတစူၢ်ဝဲန့ၣ်, လီၤဂာ်ဒီးပှၤတဂၤလၢ အသူၣ်ထီၣ်အဟံၣ်လၢဟီၣ်ခိၣ်လိၤ, တအိၣ်ဒီးတၢ်ပာ်လီၤဃာ်အခီၣ်ထံးခီၣ်ဘိနီတမံၤဘၣ်န့ၣ်လီၤ. ဖဲထံလုၣ်ဘၢတၢ်ဒီးဘၣ်ဒိဟံၣ်အဝဲန့ၣ်န့ၣ်, လီၤပှီၢ်ကွံာ်ဝဲတဘျီဃီ, ဒီးအတၢ်လီၤပှီၢ်န့ၣ်မ့ၢ်တၢ်နးမးန့ၣ်လီၤ.”

ယၤကိာ် 2:20

ပှၤဟးဂီၤဖိဧၢ, မ့ၢ်နသးအိၣ်လၢတၢ်ကဒုးနဲၣ်နၤတၢ်စူၢ်တၢ်နာ်လၢအတအိၣ် ဒီးတၢ်မၤန့ၣ်မ့ၢ်တၢ်လၢအတဂိာ်တသီၣ်ဘၣ်န့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.