လံာ်မးသဲ 7:22 - Sgaw Karen Common Bible

²² ဖဲယွၤစံၣ်ညီၣ်တၢ်အမုၢ်တနံၤတုၤဝဲန့ၣ်ပှၤအါဂၤကစံးဘၣ်ယၤ, ‘ကစၢ်ဧၢ, ကစၢ်ဧၢ, လၢနမံၤန့ၣ်ပစံၣ်တဲၤတဲလီၤကစၢ်ယွၤအတၢ်ကစီၣ်, လၢနမံၤန့ၣ်ပဟီထီၣ်ကွံာ်တၢ်နါအါဒုဒီးမၤတၢ်လီၤလးအါမံၤလီၤ.’

လံာ်မးသဲ 7:22 Iomraidhean Croise

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်တၢ်ဂံၢ် 24:4

မတၤနၢ်ဟူတၢ်လၢကစၢ်ယွၤစံးဝဲသ့န့ၣ်လဲၣ်. လၢမဲာ်ချံစီၣ်ဝဲၤ ကဲၤတဖၣ်န့ၣ်ယထံၣ်တၢ်လၢသးတမံၤ, တၢ်ထံၣ်လၢညါခီတမံၤလၢအဟဲလၢသ့တၢ်လၢာ်ကစၢ်ယွၤတဂၤ အအိၣ်န့ၣ်လီၤ.

လံာ်တၢ်ဂံၢ် 31:8

ဃုာ်ဒီးကီၢ်မံးဒယၣ်အစီၤပၤယဲၢ်ဂၤလၢအမ့ၢ်, စီၤအဝံၤ, စီၤရ့က့ၣ်, စီၤစူၢ်, စီၤဃူၢ်ဒီးစီၤရ့ဘၤန့ၣ် လီၤ. အဝဲသ့ၣ်မၤသံစ့ၢ်ကီးစီၤဘဧိၢ်အဖိခွါစီၤဘံးလၣ်န့ၣ်လီၤ.

လံာ်မးသဲ 10:15

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ်ယွၤကပာ်ဖျါထီၣ်အတၢ်သး ကညီၤလၢပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အဖီခိၣ်အါန့ၢ်ဒံး အကပာ်ဖျါဝဲလၢပှၤတဖၣ်လၢဝ့ၢ်အဝဲန့ၣ်အပူၤအဖီခိၣ်တက့ၢ်လီၤ.

လံာ်မးသဲ 24:36

ဘၣ်ဆၣ်ဒီး, မုၢ်နံၤဒီးနၣ်ရံၣ်အဝဲန့ၣ်ကတုၤအခါဖဲလဲၣ်န့ၣ်, ပှၤတသ့ၣ်ညါနီတဂၤဘၣ်. ကလူးလၢမူခိၣ်တဖၣ်မ့ၢ်ဂ့ၤ, ဖိခွါမ့ၢ်ဂ့ၤတသ့ၣ်ညါဝဲဘၣ်. ပှၤသ့ၣ်ညါတၢ်အံၤမ့ၢ်ထဲ ပၢ်တဂၤဧိၤလီၤ.

လံာ်မးသဲ 25:11

လၢခံ, မုၣ်ကနီၤအဂၤတဖၣ်ဟဲတုၤစ့ၢ်ကီးဝဲ, ဒီးကိးပသူထီၣ်ဝဲဒီး စံး, ‘ကစၢ်ဧၢ, ကစၢ်ဧၢ, ပျဲလဲၤနုာ်ပှၤတက့ၢ်.’

လံာ်မးသဲ 7:21

ပှၤလၢအကိးယၤ ‘ကစၢ်ဧၢ, ကစၢ်ဧၢ,’ န့ၣ်တလဲၤနုာ်ဘၣ်ဆူမူခိၣ် အဘီအမုၢ်အပူၤကိးဂၤဒဲးဘၣ်. ကလဲၤနုာ်ဘၣ်ထဲပှၤတဖၣ်လၢအမၤတၢ်လၢယပၢ်လၢမူခိၣ်အဲၣ်ဒိး အကမၤဝဲန့ၣ်လီၤ.

လံာ်လူၤကၣ် 10:12

ယစံးဘၣ်တဲဘၣ်သု, ဖဲမုၢ်စံၣ်ညီၣ်အနံၤန့ၣ်, ကစၢ်ယွၤကပာ်ဖျါထီၣ်တၢ်သးကညီၤလၢ ဝ့ၢ်စဒိၣ်အဖီခိၣ်အါန့ၢ်ဒံးဝ့ၢ်တဖျၢၣ်န့ၣ်တက့ၢ်လီၤ.

လံာ်ယိၤဟၣ် 11:51

ဘၣ်ဆၣ်ဒီးတၢ်အံၤတမ့ၢ်စီၤကၤယါဖၤအတၢ်ကတိၤဒၣ်ဝဲဘၣ်. မ့ၢ်လၢအဝဲမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢနံၣ်အဝဲန့ၣ် အဂီၢ်အဃိ, အဝဲကတိၤဆိပာ်တၢ်ဒ်ဝံတဂၤအသိး လၢယ့ၣ်ၡူးကသံလၢပှၤယူဒၤဖိအဂီၢ်,

၁ သ့းစၤလနံ 5:4

မ့မ့ၢ်သုဝဲဒီပုၢ်ဝဲၢ်သ့ၣ်ဧၢ, သုတအိၣ်လၢတၢ်ခံးတၢ်နၤအပူၤဘၣ် သတးဒီး, ကစၢ်အမုၢ်တနံၤတတုၤအိၣ်ဘၣ်သုသတူၢ်ကလာ်ဒ်တၢ်ဘျၣ်ဟဲဝဲ အသိးန့ၣ်ဘၣ်လီၤ.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:18

မ်ကစၢ်ပျဲအဒိးန့ၢ်ဘၣ်အတၢ်သူၣ်ကညီၤသးကညီၤ လၢမုၢ်နံၤခံကတၢၢ်န့ၣ်တက့ၢ်. အဝဲမၤတ့ၢ်တၢ်လၢယဂီၢ်ဖဲဝ့ၢ်အ့းဖ့းစူးအပူၤထဲလဲၣ်န့ၣ်, နသ့ၣ်ညါဂ့ၤဂ့ၤကစီဒီန့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.