လံာ်မးသဲ 7:2 - Sgaw Karen Common Bible

² အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်မးသဲ 7:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:5

အဝဲသ့ၣ်စံးဆၢဝဲဒၣ်, “စီၤစီလူးအဲၣ်ဒိးမၤဟးဂီၤကွံာ် ပှၤဒီးတအဲၣ်ဒိးပာ်မူတ့ၢ်ပှၤနီတဂၤလၢကီၢ်အံၣ်စရ့လးအပူၤ နီတတီၤဘၣ်.

စံးထီၣ်ပတြၢၤ 109:17

အဝဲဘၣ်အသးလၢကဆိၣ်အၢတၢ်လီၤ. မ်တၢ်ဆိၣ်အၢဘၣ်ကဒါက့ၤအီၤတက့ၢ်. အဝဲတဘၣ်သူၣ်ဘၣ်သးတၢ်ဆိၣ်ဂ့ၤဘၣ်. မ်တၢ်ဆိၣ်ဂ့ၤအိၣ်ယံၤဒီးအီၤတက့ၢ်.

လံာ်တၢ်ဟးထီၣ်ကွံာ် 21:24

မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်,

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်ယံးရမံယၤ 51:24

ယွၤစံးဝဲဒၣ်, “သုကထံၣ်ဘၣ်ယမၤဆၢက့ၤ ကီၢ်ဘၤဘူၤလိၣ်ဒီး အပှၤဂီၢ်မုၢ်လၢ တၢ်အၢတၢ်သီ ခဲလၢာ်လၢအဝဲသ့ၣ် မၤဘၣ်တ့ၢ် ဝ့ၢ်ယရူၤၡလ့ၣ်အဃိန့ၣ်လီၤ.

လံာ်ဧိၤဘါဒယၤ 1:15

မုၢ်နံၤလၢယၤ, ယွၤကစံၣ်ညီၣ်ပှၤကလုာ်ခဲလၢာ်န့ၣ်အိၣ်ဘူးဝဲလီၤ. ဒ်နမၤတ့ၢ်နဲအသိးတၢ်ကမၤက့ၤနၤလီၤ. နတၢ်ဖံးတၢ်မၤတဖၣ်ကဟဲဘၣ်ကဒါက့ၤနၤလီၤ.

လံာ်မးသဲ 6:14

အဂ့ၢ်ဒ်အံၤ, သုမ့ၢ်ပျၢ်တၢ်ကမၣ်လၢပှၤဂၤမၤဘၣ်သုဒီး သုပၢ်အိၣ်လၢမူခိၣ်ကပျၢ်စ့ၢ်ကီးသုတၢ်ကမၣ်န့ၣ်လီၤ.

လံာ်မၢ်ကူး 4:24

အဝဲဒၣ်စံးဘၣ်စ့ၢ်ကီးအဝဲသ့ၣ်, “တၢ်လၢသုနၢ်ဟူဘၣ်အံၤန့ၣ်ကနၣ်အီၤထံထံဆးဆးတက့ၢ်. သုအိၣ်ဒီးနီၣ်ထိၣ်တဖၣ်လၢသုကစံၣ်ညီၣ်ပှၤဂၤတဖၣ်အဂီၢ်လီၤ. ကစၢ်ယွၤကစံၣ်ညီၣ်သုဒ်သုနီၣ်ထိၣ်န့ၣ်အသိးဒီးကဆူၣ်န့ၢ်ဒံး အဝဲန့ၣ်တက့ၢ်လီၤ.

လံာ်လူၤကၣ် 6:38

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

၂ ကရံၣ်သူး 9:6

သ့ၣ်နီၣ်ထီၣ်သုဝဲလၢပှၤလၢအဖှံတၢ်ချံစှၤဖျၢၣ်န့ၣ်ကကူး ဘၣ်တၢ်စှၤ, မ့မ့ၢ်ပှၤလၢအဖှံတၢ်ချံအါဖျၢၣ်ကကူးဘၣ် တၢ်အါအါဂီၢ်ဂီၢ်န့ၣ်တက့ၢ်.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 5:27

အဝဲလီၤဃံၤလၢအခီၣ်လ့ၣ်ခိၣ်, ဒီးမံလီၤဂၢၢ်တပၢၢ်လၢပိာ်မုၣ်န့ၣ်အခီၣ်ထံးလီၤ. လၢပိာ်မုၣ်အခီၣ်ထံးန့ၣ်လီၤဃံၤဝဲလၢအခီၣ်လ့ၣ်ခိၣ်, ဒီးလီၤဃံၤဝဲလီၤ. လီၤဃံၤဝဲလၢဟီၣ်ခိၣ်လိၤဒီးသံဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:33

စီၤၡမူၤအ့လးစံးဝဲ, “ဒ်နနးမၤဘၣ်တ့ၢ်မိၢ်အါအါဂီၢ်ဂီၢ် ဒ်သိးအဖိသုတအိၣ်တဂ့ၤအသိးန့ၣ်ခဲအံၤနမိၢ်ကကဲထီၣ် ပှၤလၢအဖိတအိၣ်ဘၣ်တဂၤန့ၣ်လီၤ.” ဒီးအဝဲကျီတဲာ်ကွံာ်စီၤအၤကးတကူာ်တကူာ်လၢတၢ်လုၢ်လီၢ်အိၣ်လၢ ဝ့ၢ်ကံးလကၤလးအမဲာ်ညါန့ၣ်လီၤ.