လံာ်မးသဲ 7:16 - Sgaw Karen Common Bible

¹⁶ သုသ့ၣ်ညါအဝဲသ့ၣ်သ့ခီဖျိတၢ်လၢအဝဲသ့ၣ်မၤဝဲန့ၣ်လီၤ. တၤဆှုၣ်တၤမဲအမုၢ်တဖၣ်တသၣ်ထီၣ်စပံးသၣ်ဘၣ်. တၤဆှုၣ် တပှီာ်တဖၣ်တသၣ်ထီၣ်ချၢၣ်ဒၢသၣ်ဘၣ်.

လံာ်မးသဲ 7:16 Iomraidhean Croise

တၢ်ကတိၤဒိ. 20:11

ဖိသၣ်တဂၤဒၣ်လဲာ်န့ၣ်ဒုးနဲၣ်ဖျါထီၣ်ဝဲလၢအမ့ၢ်ပှၤဒ်သိးလဲၣ် တဂၤခီဖျိအမၤတၢ်တဖၣ်န့ၣ်လီၤ. ဒီးမ့ၢ်အဝဲတီလိၤဒီးဂ့ၤဧါန့ၣ်နတဲသ့လီၤ.

လံာ်မးသဲ 12:33

ဒ်သိးနကန့ၢ်ဘၣ်သ့ၣ်သၣ်လၢအဂ့ၤန့ၣ်, နကဘၣ်အိၣ်ဒီးသ့ၣ်လၢ အဂ့ၤလီၤ. သ့ၣ်လၢအတဂ့ၤန့ၣ်ဟ့ၣ်ထီၣ်သ့ၣ်သၣ်လၢအတဂ့ၤလီၤ. အဂ့ၢ်ဒ်အံၤ, သ့ၣ်မ့ၢ်တၢ်ဒ်လဲၣ်န့ၣ်အသၣ်လီၣ်ဖျါထီၣ်အီၤလီၤ.

လံာ်မးသဲ 7:20

မၤသးဒ်န့ၣ်ဒီး, သုကသ့ၣ်ညါဝံအဘျၣ်တဖၣ်ခီဖျိတၢ်လၢအဝဲသ့ၣ် မၤဝဲန့ၣ်လီၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ယၤကိာ် 2:18

ဘၣ်ဆၣ်ဒီးပှၤတဂၤဂၤကစံးဝဲ, “ပှၤတဂၤအိၣ်ဒီးအတၢ်စူၢ် တၢ်နာ်, ဒီးအဂၤတဂၤအိၣ်ဒီးတၢ်မၤလီၤ.” ယတၢ်စံးဆၢမ့ၢ် အအံၤ, “ဒုးနဲၣ်ယၤပှၤတဂၤလၢအအိၣ်ဒီးတၢ်စူၢ်တၢ်နာ်လၢ အတအိၣ်ဘၣ်ဒီးတၢ်မၤန့ၣ်တက့ၢ်. ဒီးယကဒုးနဲၣ်သုယတၢ်စူၢ်တၢ်နာ်ခီဖျိယတၢ်မၤန့ၣ်လီၤ.”

ယၤကိာ် 3:12

ယဒီပုၢ်ဝဲၢ်သ့ၣ်ဧၢ, ချၢၣ်ဒၢတထူၣ်န့ၣ်သၣ်ထီၣ်သ့ၣ်စၤယံးအသၣ် တသ့ဘၣ်. စပံးမုၢ်တမုၢ်န့ၣ်သၣ်ထီၣ်ချၢၣ်ဒၢအသၣ် တသ့ဘၣ်. ဒီးထံဟီထီၣ်ပၢၢ်တပူၤန့ၣ်ဟ့ၣ်ထီၣ်ထံအဆၢ တသ့ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:13

နသ့ၣ်ညါတၢ်ကတိၤဒိလၢပျၢၤ, တၢ်အၢတၢ်သီန့ၣ် ဘၣ်တၢ်မၤဒၣ်အီၤလၢပှၤအၢပှၤသီလီၤ. လၢတၢ်န့ၣ်အဃိဒီးယတမၤဆါနၤဘၣ်.