လံာ်မးသဲ 7:12 - Sgaw Karen Common Bible

¹² ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

လံာ်မးသဲ 7:12 Iomraidhean Croise

လံာ်ယဃ့းစက့လး 18:21

ပှၤအၢပှၤသီတဂၤမ့ၢ်ဆိကတီၢ်မၤတၢ်ဒဲးဘးဒီးတိၢ်န့ၢ်ဖံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်, အဝဲမ့ၢ်မၤတၢ်လၢအဘၣ်ဒီးအဂ့ၤန့ၣ်, အဝဲတသံဝဲဘၣ်. အဝဲကမူဝဲသပှၢ်ကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 5:17

တဘၣ်ဆိကမိၣ်သုဝဲလၢယဟဲဒ်သိးယကမၤဟးဂီၤကွံာ်စီၤမိၤၡ့ အတၢ်သိၣ်တၢ်သီဒီးဝံတဖၣ်အတၢ်သိၣ်လီၤသီလီၤန့ၣ်တဂ့ၤ. ယဟဲတမ့ၢ်ဘၣ်လၢယကမၤဟးဂီၤကွံာ်တၢ်န့ၣ်တဖၣ်အဂီၢ်ဘၣ်. မ့ၢ်ဒ်သိးယကမၤလၢထီၣ်ပှဲၤထီၣ်အီၤအဂီၢ်တခီန့ၣ်လီၤ.

လံာ်လူၤကၣ် 6:31

တၢ်တမံၤဃီလၢသုဆၢလၢပှၤဂၤကမၤဝဲလၢသုဂီၢ်န့ၣ်, မၤအီၤလၢအဂီၢ်တက့ၢ်.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

ယၤကိာ် 2:8

သုမ့ၢ်စူၢ်ကစၢ်ယွၤအဘီမုၢ်အတၢ်သိၣ်တၢ်သီလၢ အဘၣ်တၢ်ထံၣ်န့ၢ်အီၤလၢတၢ်ကွဲးအသးအပူၤလၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး” န့ၣ်ဒီး, သုကမၤဘၣ်တၢ်လၢအဘၣ်တမံၤန့ၣ်လီၤ.