လံာ်မးသဲ 6:9 - Sgaw Karen Common Bible

⁹ ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

လံာ်မးသဲ 6:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:26

နတၢ်မံၤဟူသၣ်ဖျါကဒိၣ်ဝဲ, ဒီးပှၤဂီၢ်မုၢ်ကစံးဝဲလီၤစိၤလီၤထီ, လၢယွၤ, သ့တၢ်လၢာ်ကစၢ်န့ၣ်မ့ၢ်ကစၢ်ယွၤလၢကီၢ်အံၣ်စရ့လးအဖီ ခိၣ်လီၤ. ဒီးနကကတီၤဃာ်ယစၢၤယသွဲၣ်အတၢ်ပၢတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:43

ဒိကနၣ်လၢ်အဝဲအတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်နဲဆိးနဲအလီၢ်န့ၣ်, ဒိကနၣ်လၢ်အီၤဒီးမၤတၢ်လၢအဝဲဃ့ဝဲလၢနကမၤန့ၢ်အီၤဒ်သိး ကယဲၢ်ပှၤဂီၢ်မုၢ်အိၣ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးစူၢ်နၤဒ်နပှၤဂီၢ်မုၢ်အံၣ်စရ့လးဖိမၤဝဲအသိး န့ၣ်တက့ၢ်. တုၤနုၤတစု, အဝဲသ့ၣ်ကသ့ၣ်ညါဝဲဒၣ်လၢယွၤအတၢ်လုၢ်ဟံၣ်လၢ ယသူၣ်ထီၣ်တ့ၢ်လံအီၤအံၤမ့ၢ်တၢ်လီၢ်တတီၤလၢနကဘၣ်တၢ်ဘူၣ်ထီၣ် ဘါထီၣ်နၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:24

နတၢ်မံၤဟူသၣ်ဖျါကဒိၣ်ဝဲ, ဒီးပှၤဂီၢ်မုၢ်ကစံးဝဲထီဘိလၢ, သ့တၢ်လၢာ်ယွၤအံၤမ့ၢ်ကစၢ်ယွၤလၢအံၣ်စရ့လးအဖီခိၣ်န့ၣ်လီၤ. ဒီးနကပာ်ကီၤယလီၢ်ပစိာ်ကိးဆၢကတီၢ်ဒဲးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:6

ဒီးဘါထုကဖၣ်လၢအကလုၢ်ဖးဒိၣ်စံးဝဲ, “အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, နပၢတၢ်လၢမူခိၣ်, လၢကယဲၢ်ပှၤကလုာ်တဖၣ်လၢဟီၣ်ခိၣ်အံၤအဖီခိၣ်န့ၣ်လီၤ. နအိၣ်ဒီးတၢ်စိတၢ်ကမီၤဒီးနဂံၢ်ဆူၣ်ဘါဆူၣ်, ဒီးပှၤထီဒါနၤတသ့ဘၣ်နီတဂၤဘၣ်.

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

စံးထီၣ်ပတြၢၤ 111:9

အဝဲမၤထူၣ်ဖျဲးအပှၤဂီၢ်မုၢ်, ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်န့ၣ်လီၤ. အမံၤန့ၣ်မ့ၢ်ဝဲတၢ်စီဆှံ ဒီးတၢ်လီၤပျံၤအလီၢ်န့ၣ်လီၤ.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

စံးထီၣ်ပတြၢၤ 72:18

စံးထီၣ်ပတြၢၤယွၤ, အံၣ်စရ့လးအကစၢ်ယွၤ လၢအမၤတၢ်လီၤလးထဲတဂၤဧိၤန့ၣ်တက့ၢ်.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 6:3

အဝဲသ့ၣ်ကိးထီၣ်ဝဲတဂၤဆူတဂၤအအိၣ်, “စီဆှံ, စီဆှံ, စီဆှံ, ယွၤသ့တၢ်လၢာ်ကစၢ်အံၤစီဆှံဝဲလီၤ. အလၤကပီၤပှဲၤလၢဟီၣ်ခိၣ်ဒီဘ့ၣ်ညါလီၤ.”

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်ယၡါယၤ 64:8

ဘၣ်ဆၣ်ဒီး, ယွၤဧၢ, နမ့ၢ်ဒၣ်ပပၢ်လီၤ. ပလီၤဂာ်ဒီးကပံာ် ဒီးနဲနလီၤဂာ်ဒီးပှၤတ့သပၢၤလီၤ. နတ့လီၤပာ်လီၤတ့ၢ်ပှၤ,

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယဃ့းစက့လး 36:23

တုၤမ့ၢ်ယဒုးနဲၣ်ဖျါထီၣ်ယမံၤအဒိၣ်အမုၢ်အတၢ်စီဆှံလၢပှၤကလုာ် တဖၣ်အမဲာ်ညါ, မံၤလၢသုမၤမဲာ်ဆှးတ့ၢ်အီၤလၢအဝဲသ့ၣ်အကျါ န့ၣ်ဒီး, အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ. ယၤ, ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ. ယကသူသုဒ်သိး ယကဒုးနဲၣ်ပှၤကလုာ်တဖၣ်လၢယမ့ၢ်တၢ်စီဆှံန့ၣ်လီၤ.

လံာ်ယဃ့းစက့လး 38:23

လၢကျဲဒ်အံၤန့ၣ်ယကဒုးနဲၣ်ပှၤကလုာ်တဖၣ်လၢယမ့ၢ်ပှၤတဂၤ လၢအဒိၣ်ဝဲဒီးစီဝဲဆှံဝဲန့ၣ်လီၤ. အန့ၣ်ဒီးအဝဲသ့ၣ် ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်ဃဘးကူာ် 2:14

အဂ့ၢ်ဒ်အံၤ, ဟီၣ်ခိၣ်ကပှဲၤထီၣ်ဝဲဒီးတၢ်သ့ၣ်ညါယွၤအလၤ ကပီၤဒ်ပီၣ်လဲၣ်ဖိတဖၣ်ပှဲၤဝဲဒီးထံအသိးန့ၣ်လီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 10:29

ထိၣ်ဖှံးဖိခံဘ့ၣ်ဘၣ်တၢ်ဆါအီၤလၢတိၢ်တဘ့ၣ်တမ့ၢ်ဘၣ်ဧါ. ဘၣ်ဆၣ်မ့တမ့ၢ်ဘၣ်လၢသုပၢ်ဟ့ၣ်အခွဲးဘၣ်ဒီး, ထိၣ်ဖှံးဖိတဘ့ၣ်ဒၣ်လဲာ်တလီၤတဲာ်ဘၣ်ဆူဟီၣ်ခိၣ်လိၤဘၣ်.

လံာ်မးသဲ 23:9

သုတဘၣ်ကိးပှၤအိၣ်လၢဟီၣ်ခိၣ်ချၢလၢပၢ်နီတဂၤဘၣ်. အဂ့ၢ်ဒ်အံၤ, သုအိၣ်ဒီးပၢ်ထဲတဂၤဧိၤလၢမူခိၣ်လီၤ.

လံာ်မးသဲ 26:29

ယစံးဘၣ်တဲဘၣ်သု, တချုးဒံးဘၣ်လၢမုၢ်တနံၤဖဲယအီစပံးထံ အသီဒီးသုလၢယပၢ်အဘီအမုၢ်အပူၤန့ၣ်, ယတအီစပံးထံအံၤနီ တဘျီလၢၤဘၣ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်မးသဲ 6:14

အဂ့ၢ်ဒ်အံၤ, သုမ့ၢ်ပျၢ်တၢ်ကမၣ်လၢပှၤဂၤမၤဘၣ်သုဒီး သုပၢ်အိၣ်လၢမူခိၣ်ကပျၢ်စ့ၢ်ကီးသုတၢ်ကမၣ်န့ၣ်လီၤ.

လံာ်မးသဲ 6:6

ဘၣ်ဆၣ်တုၤသုဘါထုကဖၣ်ယွၤဒီး က့ၤနုာ်လၢသုဒၢးပူၤ, ကးတံာ်ဃာ်သုတြဲၤဒီးဘါထုကဖၣ်တၢ်ဆူသုပၢ်လၢပှၤတထံၣ်အီၤ တဂၤအအိၣ်ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

လံာ်မးသဲ 7:11

သုအၢသုသီဘၣ်ဆၣ်ဒီး, သုသ့ၣ်ညါဟ့ၣ်သုဖိတဖၣ်တၢ်လၢ အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, သုပၢ်အိၣ်လၢမူခိၣ်တဂၤကဟ့ၣ်ပှၤတဖၣ်လၢအဃ့တၢ်လၢအီၤ တၢ်အဂ့ၤတဖၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်လူၤကၣ် 15:18

ယကဂဲၤဆၢထၢၣ်ဒီးက့ၤဆူယပၢ်အအိၣ်ဒီးစံးယဲ, ပၢ်ဧၢ, ယမၤကမၣ်ဘၣ်လံကစၢ်ယွၤဒီးနၤလံ.

လံာ်လူၤကၣ် 15:21

ဖိခွါကတိၤတၢ်ဒီးစံးဝဲ, ‘ပၢ်ဧၢ, ယမၤကမၣ်ဘၣ်လံကစၢ်ယွၤဒီးနၤလံ. ယတကြၢးတဘၣ်လၢၤလၢပှၤကကိးယၤလၢနဖိခွါဘၣ်.’

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

ရိမ့ၤ 8:15

အဂ့ၢ်ဒ်လဲၣ်န့ၣ်, ကစၢ်ယွၤအသးလၢအဘၣ်တၢ်ဟ့ၣ်လီၤ သုန့ၣ်တဒုးကဲထီၣ်သုလၢကုၢ်ဒီးဒုးအိၣ်ထီၣ်တၢ်ပျံၤတၢ်ဖုး လၢသုပူၤန့ၣ်ဘၣ်. မ့မ့ၢ်ကစၢ်ယွၤအသးဒုးကဲထီၣ်သုလၢ ကစၢ်ယွၤအဖိတဖၣ်ဒီးလၢအသးအစိကမီၤအပူၤပကိးထီၣ် ကစၢ်ယွၤ, “ပၢ်ဧၢ, ယပၢ်ဧၢ” န့ၣ်လီၤ.

ကလၤတံ 1:1

လၢ, ပှၤလၢတၢ်ကိးအီၤလၢအကကဲထီၣ်တၢ်မၢဖိလၢ အတမ့ၢ်တၢ်ဟဲလၢပှၤကညီမ့တမ့ၢ်ခီဖျိပှၤကညီအဃိ ဘၣ်, မ့မ့ၢ်ဟဲလၢယ့ၣ်ၡူးခရံာ်ဒီးပၢ်ကစၢ်ယွၤလၢအဒုး ဂဲၤဆၢထၢၣ်က့ၤအီၤလၢတၢ်သံ ယၤ, စီၤပီလူးဒီး,

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.

လံာ်လီၣ်ဖျါ 4:11

“ပကစၢ်ဒီးကစၢ်ယွၤဧၢ, နကြၢးဝဲဘၣ်ဝဲ လၢနကဒိးန့ၢ်ဘၣ်တၢ်လၤကပီၤ, တၢ်ယူးယီၣ်, ဒီးတၢ်စိတၢ်ကမီၤလီၤ. အဂ့ၢ်ဒ်အံၤ, နတ့လီၤပာ်လီၤတၢ်ခဲလၢာ်, ဒီးလၢနတၢ်ဘၣ်နသးအဃိ အဝဲသ့ၣ်ဘၣ်တၢ်ဟ့ၣ်အီၤ တၢ်အိၣ်မူဒီးတၢ်မူန့ၣ်လီၤ.”

လံာ်လီၣ်ဖျါ 5:12

ဒီးသးဝံၣ်တၢ်လၢအကလုၢ်ဖးဒိၣ် “သိဖိလၢအဘၣ်တၢ်မၤသံအီၤန့ၣ် ကြၢးဝဲဘၣ်ဝဲလၢအကဒိးန့ၢ်ဘၣ် တၢ်စိတၢ်ကမီၤ, တၢ်ထူးတၢ်တီၤ, တၢ်ကူၣ်ဘၣ်ကူၣ်သ့ဒီးတၢ်ဂံၢ်တၢ်ဘါ, တၢ်မံၤလၤသၣ်ကပီၤ, တၢ်ယူးယီၣ် ဒီးတၢ်စံးထီၣ်ပတြၢၤန့ၣ်လီၤ.”