လံာ်မးသဲ 6:7 - Sgaw Karen Common Bible

⁷ ဖဲသုဃ့ဘါထုကဖၣ်ယွၤန့ၣ်တဘၣ်စံးဝံၤစံးက့ၤတၢ်လၢအခီပညီ တအိၣ်ဘၣ်ဒ်ပှၤတသ့ၣ်ညါယွၤတဖၣ်မၤဝဲအသိးန့ၣ်တဂ့ၤ. အဂ့ၢ်ဒ်အံၤအဝဲသ့ၣ်ဆိကမိၣ်ဝဲလၢယွၤကနၢ်ဟူအီၤလၢအဃ့ဘါထုကဖၣ်တၢ်ထီထီအဃိန့ၣ်လီၤ.

လံာ်မးသဲ 6:7 Iomraidhean Croise

လံာ်ပှၤစံၣ်တဲၤတဲလီၤတၢ် 5:7

တၢ်မံမီၢ်အါဒီးတၢ်ကတိၤတၢ်အါန့ၣ်အခီပညီတအိၣ်ဘၣ်. မၤသးဒ်န့ၣ်ဒီးဆၢထၢၣ်လၢကစၢ်ယွၤအမဲာ်ညါလၢတၢ်ပျံၤဒီးတၢ် ယူးယီၣ်အပူၤန့ၣ်တက့ၢ်.

လံာ်မးသဲ 18:17

ဒီးမ့ၢ်တဒိကနၣ်ဘၣ်အဝဲသ့ၣ်ဘၣ်ဒီး, စံးဘၣ်တဲဘၣ်တၢ်အိၣ်ဖှိၣ်လၢတၢ်ဂ့ၢ်တၢ်ကျိၤခဲလၢာ်တက့ၢ်. ဒီး, မ့ၢ်တဒိကနၣ်ဘၣ်တၢ်အိၣ်ဖှိၣ်အကလုၢ်ဘၣ်ဒီး, ပာ်အီၤဒ်ပှၤတစူၢ်တနာ်ဘၣ်ယွၤဒီး, ဒ်ပှၤဃ့သွဲတဂၤအသိးန့ၣ်တက့ၢ်.

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 26:44

မၤကဒီးတစု, ယ့ၣ်ၡူးပာ်တ့ၢ်အဝဲသ့ၣ်ဒီးလဲၤကဒီးဝဲ, ဒီးဃ့ဘါထုကဖၣ်ယွၤသၢဘျီတဘျီဒီးစံးတၢ်ကတိၤတမံၤဃီလီၤ.

လံာ်မးသဲ 6:32

(ပှၤလၢအတသ့ၣ်ညါယွၤတဖၣ်ဘၣ်ယိၣ်ဝဲလၢတၢ်တဖၣ်အံၤအဂ့ၢ်ထီဘိ လီၤ.) ဒီးလၢသုန့ၢ်ဘၣ်တၢ်တဖၣ်အံၤခဲလၢာ်အလီၢ်အိၣ်ဝဲန့ၣ်, သုပၢ်လၢမူခိၣ်သ့ၣ်ညါဝဲလီၤ.

မၤတၢ် 19:34

ဘၣ်ဆၣ်ဒီးဖဲအဝဲသ့ၣ်သ့ၣ်ညါလၢအဝဲဒၣ်မ့ၢ်ပှၤယူဒၤဖိတဂၤန့ၣ်, လၢခံနၣ်ရံၣ်အတီၢ်ပူၤအဝဲသ့ၣ်ခဲလၢာ်ကိးပသူထီၣ်ဃူဃူဒီးစံးဝဲ, “ဝ့ၢ်အ့းဖ့းစူးအနီၢ်အၢ်တ့းမံၤန့ၣ်မ့ၢ်အဒိၣ်နီၢ်မးလီၤ.”