လံာ်မးသဲ 6:5 - Sgaw Karen Common Bible

⁵ တဘျီလၢ်လၢ်ဖဲသုဃ့ထုကဖၣ်ယွၤန့ၣ်, တဘၣ်မၤသုသးဒ်ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်အဲၣ်ဒိးဂဲၤဆၢထၢၣ်ဒီးဘါထုကဖၣ်ယွၤလၢဘူၣ်ဘျီၣ် လၢအမ့ၢ်တၢ်ဘါလီၢ်အပူၤဒီးလၢကျဲသဂၢၢ်လိာ်သးအလီၢ်တဖၣ် ဒ်သိးပှၤကထံၣ်ဘၣ်အီၤကိးဂၤဒဲးအဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:5 Iomraidhean Croise

စံးထီၣ်ပတြၢၤ 5:2

ကနၣ်ယတၢ်ကိးထီၣ်လၢတၢ်မၤစၢၤအဂီၢ်, ယကစၢ်ယွၤဒီးယစီၤပၤဧၢ, အဂ့ၢ်ဒ်အံၤ, ယဃ့ဘါထုကဖၣ်တၢ်လၢနၤလီၤ.

စံးထီၣ်ပတြၢၤ 55:17

မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ် ယကအုကစွါဒီးယဟီၣ်ယယၢၤ, ဒီးအဝဲကနၢ်ဟူယကလုၢ်လီၤ.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 16:5

ယွၤသးဟ့ပှၤကိးဂၤဒဲးလၢအပာ်ထီၣ်ထီအသးဒီးတပျဲပူၤကွံာ် အဝဲသ့ၣ်လၢတၢ်စံၣ်ညီၣ်နီတစုဘၣ်.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယံးရမံယၤ 29:12

အန့ၣ်ဒီး သုကကိးထီၣ်တၢ်ဆူ ယအိၣ်လီၤ. သုကဟဲဒီးဃ့ထုကဖၣ်တၢ်ဆူ ယအိၣ်ဒီးယကစံးဆၢသုန့ၣ်လီၤ.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်မးသဲ 23:6

လၢတၢ်အီၣ်တၢ်အီအမူးတဖၣ်အပူၤန့ၣ်, အဝဲသ့ၣ်အဲၣ်ဒိးဆ့ၣ်နီၤလၢတၢ်လီၢ်အဂ့ၤကတၢၢ်တဖၣ်, ဒီးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤန့ၣ်အဲၣ်ဒိးဆ့ၣ်နီၤ ဒၣ်လၢတၢ်လီၢ်လၢအဘၣ်တၢ်ပာ်လီၤဆီအီၤတဖၣ်န့ၣ်လီၤ.

လံာ်မးသဲ 6:1

လၢတၢ်မၤတၢ်ဘူၣ်တၢ်ဘါအမူအဒါလၢအလီၤဘၣ်သုအပူၤန့ၣ်, ပလီၢ်သုသးဒ်သိးသုသုတမၤအီၤလၢပှၤကညီကထံၣ်အီၤအဂီၢ် တဂ့ၤ. သုမ့ၢ်မၤအီၤလၢပှၤကညီကထံၣ်အီၤအဂီၢ်ဒီး, သုတဒိးန့ၢ်ဘၣ်တၢ်အဘူးအလဲလၢသုပၢ်အိၣ်လၢမူခိၣ်အအိၣ်နီ တမံၤဘၣ်.

လံာ်မးသဲ 6:16

တုၤသုဒုၣ်တၢ်အီၣ်တၢ်အီဒီး, တဘၣ်မၤအုၣ်သပှီၤသုမဲာ်သၣ်ဒ် ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်မၤအုၣ်သပှီၤအမဲာ်သၣ်ဒ်သိးပှၤကညီကထံၣ်သ့ၣ်ညါလၢ အဒုၣ်တၢ်အီၣ်အဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:2

လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 9:38

ဘါထုကဖၣ်ဆူစံာ်အကစၢ်ဒ်သိးအကဆှၢလီၤပှၤမၤတၢ်ဖိတဖၣ် လၢကထၢဖှိၣ်က့ၤအဘုအဂီၢ်တက့ၢ်.”

လံာ်မၢ်ကူး 11:25

ဒီးတုၤသုဆၢထၢၣ်ဃ့ထုကဖၣ်ယွၤဒီး, ပှၤတဂၤလၢ်လၢ်အတၢ်ကမၣ်လၢသုစၢဃာ်လၢသုသးပူၤထီဒါအီၤမ့ၢ် အိၣ်တမံၤမံၤန့ၣ်, ပျၢ်ကွံာ်အီၤတက့ၢ်. လၢသုပျၢ်ပှၤဂၤအတၢ်ကမၣ်အဃိသုပၢ်အိၣ်လၢမူခိၣ်ကပျၢ်စ့ၢ် ကီးသုမၤကမၣ်တၢ်တဖၣ်လီၤ.

လံာ်မၢ်ကူး 12:38

လၢအတၢ်သိၣ်လီၤသီလီၤတၢ်အပူၤယ့ၣ်ၡူးစံးဝဲ, “ပလီၢ်သုသးလၢ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်တက့ၢ်. အဝဲသ့ၣ်မိၣ်ဟးထီၣ်ဟးလီၤသး, သိးဒီးဆ့ကၤဖီခိၣ်ဖးထီ, ဒီးလၢဖၠါပူၤန့ၣ်အဲၣ်ဒိးဝဲလၢပှၤကကတိၤဒိၣ်အဝဲသ့ၣ်လၢတၢ် ယူးယီၣ်ပာ်ကဲအပူၤန့ၣ်လီၤ.

လံာ်လူၤကၣ် 11:43

ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. သုအဲၣ်ဒိးလီၢ်ဆ့ၣ်နီၤအဂ့ၤကတၢၢ်တဖၣ်လၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးလၢဖၠါပူၤန့ၣ်သုအဲၣ်ဒိးပှၤကတိၤဆၢဂ့ၤသုလၢ တၢ်ယူးယီၣ်ပာ်ကဲအပူၤလီၤ.

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

လံာ်လူၤကၣ် 18:13

မ့မ့ၢ်ပှၤဃ့သွဲတဂၤန့ၣ်, အိၣ်ဆၢထၢၣ်ဝဲလၢတၢ်လီၢ်အယံၤ, ဒီးတကျ့ထီၣ်ဒၣ်လဲာ်အမဲာ်ဆူမူခိၣ်ဘၣ်. မ့မ့ၢ်, အဝဲဒၣ်ဒဲလီၤအသးနါပှၢ်ဒီးစံးဝဲ, ‘ကစၢ်ယွၤဧၢ, သူၣ်ကညီၤသးကညီၤလၢ်ယၤ, ပှၤတၢ်ဒဲးဘးဖိတဂၤအံၤတက့ၢ်.’ ”

လံာ်လူၤကၣ် 20:47

တၢ်လီၢ်အဂ့ၤကတၢၢ်ဖဲဘူၣ်အဆၢကတီၢ်, ပှၤလၢအဟံးန့ၢ်တၢ်အခွဲးအယာ်လၢ မုၣ်ကမဲတဖၣ်အဖီခိၣ်ဒီးဂုာ်န့ၢ်ဝာ်န့ၢ်အဟံၣ်အဃီတဖၣ်, ဒီးအန့ၣ်ဝံၤအလီၢ်ခံပာ်မၤအသးခီဖျိအဃ့ဘါထု ကဖၣ်တၢ်ထီထီကလဲာ်တဖၣ်န့ၣ်တက့ၢ်. တၢ်စံၣ်ညီၣ်လၢအဝဲသ့ၣ်အဂီၢ်ကမ့ၢ်တၢ်အအၢကတၢၢ်လီၤ.”

လံာ်လူၤကၣ် 6:24

“မ့မ့ၢ်သုဝဲလၢအထူးအတီၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုအိၣ်မူဘၣ်တ့ၢ်လံသုတၢ်အိၣ်မူ အဘီၣ်အညီလံ.

လံာ်ယိၤဟၣ် 16:24

တုၤအခဲအံၤန့ၣ်, သုတဃ့တၢ်နီတမံၤလၢယမံၤဒံးဘၣ်. ဃ့တၢ်တက့ၢ်. ဒီးသုကန့ၢ်ဘၣ်တၢ်, ဒ်သိးသုတၢ်သူၣ်ခုသးခုကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”