လံာ်မးသဲ 6:31 - Sgaw Karen Common Bible

³¹ လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီတၢ်ဒီးစံး, ‘ပကအီၣ်ဘၣ်မနုၤလဲၣ်.’ ‘ပကအီဘၣ်မနုၤလဲၣ်.’ ‘ပကကူဘၣ်သိးဘၣ်မနုၤလဲၣ်.’ န့ၣ်တဂ့ၤ.

လံာ်မးသဲ 6:31 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 25:9

စီၤအမၤစယါသံကွၢ်ဝံန့ၣ် “မ့မ့ၢ်ဒ်န့ၣ်ဒီးကယဲၢ်စ့လၢယဟ့ၣ် လီၤလံလၢတၢ်ဒိးလဲအဝဲသ့ၣ်အဂီၢ်န့ၣ်, ပကမၤဒ်လဲၣ်.” ဝံန့ၣ်စံးဆၢအီၤ, “ယွၤဟ့ၣ်က့ၤနၤအါန့ၢ်အလီၢ်သ့ဝဲလီၤ.”

စံးထီၣ်ပတြၢၤ 111:5

အဝဲဒၣ်ဟ့ၣ်လီၤဝဲတၢ်အီၣ်တၢ်အီလၢ ပှၤလၢအမၤလၤကပီၤအီၤအဂီၢ်န့ၣ်လီၤ. တသးပ့ၤနီၣ်အတၢ်အၢၣ်လီၤအီလီၤနီတဘျီဘၣ်.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

စံးထီၣ်ပတြၢၤ 55:22

ပာ်ထီၣ်နတၢ်ဝံတၢ်ယိးလၢယွၤအလိၤတက့ၢ်. ဒီးအဝဲဒၣ်ကမၤစၢၤနၤလီၤ. အဝဲတပျဲပှၤတီပှၤလိၤဟူးဝးနီတဘျီဘၣ်.

လံာ်မးသဲ 15:33

အပျဲၢ်အဘီၣ်တဖၣ်စံးဘၣ်အီၤ, “ပကလဲၤမၤန့ၢ်ဘၣ်တၢ်အီၣ်တၢ်အီလၢ အကလၢဝဲလၢပကဒုးအီၣ်ပှၤဂီၢ်မုၢ်ဖးဒိၣ်အံၤအဂီၢ်, လၢပှၢ်မုၢ်ကနၢအံၤအပူၤဖဲလဲၣ်.”

လံာ်မးသဲ 4:4

ဘၣ်ဆၣ်ဒီး ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘ပှၤကညီတမူဝဲထဲလၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢအထီၣ်ဖျဲးလၢကစၢ်ယွၤအထးခိၣ် ကိးထံၣ်ကိးဘီဒဲးလီၤ’ ” (သိၣ်သီ. ၈:၃).

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်မးသဲ 6:27

မ့ၢ်မတၤလၢသုကျါလၢအဘၣ်ယိၣ်တၢ်အဃိထုးထီထီၣ်အနံၣ် အလါသ့တဂၤလဲၣ်.

လံာ်လူၤကၣ် 10:41

ကစၢ်ယ့ၣ်ၡူးစံးဆၢအီၤ, “နီၢ်မၢ်သၤဧၢ, နီၢ်မၢ်သၤဧၢ, နဲဒၣ်အံၤ, နဘၣ်ကိၢ်ဘၣ်ဂီၤဒီးနသးဘၣ်တံာ်တာ်လၢတၢ်အါမံၤအဃိလီၤ.

လံာ်လူၤကၣ် 12:11

ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ.

လံာ်လူၤကၣ် 12:22

တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ.

လံာ်လူၤကၣ် 12:29

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီဒီးသူၣ်ကိၢ်သးဂီၤထီဘိ ဘၣ်ဃးဒီးတၢ်လၢသုကအီၣ်ဘၣ်တၢ်လၢသုကအီဘၣ်အဂ့ၢ်န့ၣ်တဂ့ၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

၁ ပ့းတရူး 5:7

ပာ်ထီၣ်သုတၢ်ဘၣ်ယိၣ်ဘၣ်ဘီခဲလၢာ်လၢအဝဲဒၣ်အလိၤ တက့ၢ်. အဂ့ၢ်ဒ်အံၤအသးအိၣ်သုလီၤ.