လံာ်မးသဲ 6:28 - Sgaw Karen Common Bible

²⁸ ဘၣ်မနုၤလၢသုဘၣ်ယိၣ်တၢ်လၢတၢ်ကူတၢ်သိးအဂီၢ်လဲၣ်. ဖီဒ့ၣ်ညါလၢတၢ်ပျီပူၤတဖၣ်မဲထီၣ်ဒိၣ်ထီၣ်ဒ်လဲၣ်ဒ်လဲၣ်န့ၣ်ကွၢ်ဆိ ကမိၣ်တက့ၢ်. အဝဲသ့ၣ်တမၤတၢ်ဘၣ်. တမၤကူမၤကၤစ့ၢ်ကီးဘၣ်.

လံာ်မးသဲ 6:28 Iomraidhean Croise

လံာ်ဟိၤၡ့ 14:5

ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.

လံာ်မးသဲ 10:10

လၢသုတၢ်လဲၤအဂီၢ်န့ၣ်, တဘၣ်စိာ်ထၢၣ်မ့ၢ်ဂ့ၤ, ဆ့ကၤအဂၤတဘ့ၣ်မ့ၢ်ဂ့ၤ, ခီၣ်ဖံးအဂၤတစူၣ်မ့ၢ်ဂ့ၤ, နီၣ်ထိးအဂၤတဘိမ့ၢ်ဂ့ၤန့ၣ်တဂ့ၤ. ပှၤမၤတၢ်ဖိန့ၣ်ကြၢးဘၣ်တၢ်ဟ့ၣ်အီၤလၢတၢ်လၢအလိၣ်ဘၣ်ဝဲတဖၣ် န့ၣ်လီၤ.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်မးသဲ 6:27

မ့ၢ်မတၤလၢသုကျါလၢအဘၣ်ယိၣ်တၢ်အဃိထုးထီထီၣ်အနံၣ် အလါသ့တဂၤလဲၣ်.

လံာ်မးသဲ 6:31

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီတၢ်ဒီးစံး, ‘ပကအီၣ်ဘၣ်မနုၤလဲၣ်.’ ‘ပကအီဘၣ်မနုၤလဲၣ်.’ ‘ပကကူဘၣ်သိးဘၣ်မနုၤလဲၣ်.’ န့ၣ်တဂ့ၤ.

လံာ်လူၤကၣ် 10:41

ကစၢ်ယ့ၣ်ၡူးစံးဆၢအီၤ, “နီၢ်မၢ်သၤဧၢ, နီၢ်မၢ်သၤဧၢ, နဲဒၣ်အံၤ, နဘၣ်ကိၢ်ဘၣ်ဂီၤဒီးနသးဘၣ်တံာ်တာ်လၢတၢ်အါမံၤအဃိလီၤ.

လံာ်လူၤကၣ် 12:11

ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ.

လံာ်လူၤကၣ် 12:22

တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ.

လံာ်လူၤကၣ် 12:27

ဖီဒ့ၣ်ညါတဖၣ်ဒိၣ်ထီၣ်မဲထီၣ်ဒ်လဲၣ်န့ၣ်, ကွၢ်တက့ၢ်. အဝဲသ့ၣ်တဖံးတၢ်မၤတၢ်မ့ၢ်ဂ့ၤ, ဆးကူဆးကၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးယစံးဘၣ်တဲဘၣ်သုလၢစီၤၡလိၤမိၤလၢအအိၣ်ဒီး အကဟုကညီၢ်အတၢ်ထူးတၢ်တီၤခဲလၢာ်ဒၣ်လဲာ်န့ၣ်, တအိၣ်ဒီးအကူအသိးဃံလၤထဲသိးဒီးဖီဒ့ၣ်ညါတဖိးဘၣ်.

လံာ်လူၤကၣ် 3:11

အဝဲစံးဆၢဝဲ, “ပှၤတဂၤလၢ်လၢ်လၢအဆ့ကၤအိၣ်ခံဘ့ၣ်န့ၣ်, ကဘၣ်ဟ့ၣ်ဝဲတဘ့ၣ်ဆူပှၤလၢအတၢ်တအိၣ်နီတဘ့ၣ်, ဒီးပှၤတဂၤလၢ်လၢ်လၢအအိၣ်ဒီးတၢ်အီၣ်တၢ်အီန့ၣ်, ကဘၣ်နီၤလီၤဝဲလီၤ.”

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

၁ ပ့းတရူး 5:7

ပာ်ထီၣ်သုတၢ်ဘၣ်ယိၣ်ဘၣ်ဘီခဲလၢာ်လၢအဝဲဒၣ်အလိၤ တက့ၢ်. အဂ့ၢ်ဒ်အံၤအသးအိၣ်သုလီၤ.