လံာ်မးသဲ 6:27 - Sgaw Karen Common Bible

²⁷ မ့ၢ်မတၤလၢသုကျါလၢအဘၣ်ယိၣ်တၢ်အဃိထုးထီထီၣ်အနံၣ် အလါသ့တဂၤလဲၣ်.

လံာ်မးသဲ 6:27 Iomraidhean Croise

လံာ်ပှၤစံၣ်တဲၤတဲလီၤတၢ် 3:14

ယသ့ၣ်ညါလၢတၢ်ခဲလၢာ်လၢကစၢ်ယွၤမၤဝဲန့ၣ်ကအိၣ်ဂၢၢ်ဆိးကျၢၤ ဝဲလီၤထူလီၤယိာ်လီၤ. နပာ်ဖှိၣ်အါထီၣ်တၢ်တမံၤမံၤမ့ၢ်ဂ့ၤ, ထုးကွံာ်တၢ်တမံၤမံၤမ့ၢ်ဂ့ၤတသ့ဝဲဘၣ်. ဒီးတၢ်တမံၤလၢကစၢ်ယွၤမၤဝဲန့ၣ်မ့ၢ်, ကမၢပဆၢထၢၣ်လၢအမဲာ်ညါလၢတၢ်ပျံၤဒီးတၢ်ယူးယီၣ်အီၤပူၤန့ၣ်လီၤ.

လံာ်မးသဲ 5:36

တဘၣ်ဆိၣ်လီၤနသးခီဖျိနခိၣ်ဒၣ်နဲတဂ့ၤ. အဂ့ၢ်ဒ်အံၤ, နခိၣ်သူဖိတဘိဒၣ်လဲာ်နမၤဝါအီၤမၤသူအီၤတသ့ဘၣ်.

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

လံာ်မးသဲ 6:28

ဘၣ်မနုၤလၢသုဘၣ်ယိၣ်တၢ်လၢတၢ်ကူတၢ်သိးအဂီၢ်လဲၣ်. ဖီဒ့ၣ်ညါလၢတၢ်ပျီပူၤတဖၣ်မဲထီၣ်ဒိၣ်ထီၣ်ဒ်လဲၣ်ဒ်လဲၣ်န့ၣ်ကွၢ်ဆိ ကမိၣ်တက့ၢ်. အဝဲသ့ၣ်တမၤတၢ်ဘၣ်. တမၤကူမၤကၤစ့ၢ်ကီးဘၣ်.

လံာ်မးသဲ 6:31

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီတၢ်ဒီးစံး, ‘ပကအီၣ်ဘၣ်မနုၤလဲၣ်.’ ‘ပကအီဘၣ်မနုၤလဲၣ်.’ ‘ပကကူဘၣ်သိးဘၣ်မနုၤလဲၣ်.’ န့ၣ်တဂ့ၤ.

လံာ်မးသဲ 6:34

မၤသးဒ်န့ၣ်ဒီး, ဘၣ်ယိၣ်တၢ်လၢခဲဂီၤအဂီၢ်တဂ့ၤ. အဂ့ၢ်ဒ်အံၤ, ခဲဂီၤကအိၣ်ဒီးအတၢ်ဘၣ်ယိၣ်ဘၣ်ဘီဒၣ်ဝဲလီၤ. အလီၢ်တအိၣ်လၢပကပာ်ဖှိၣ်အါထီၣ်မုၢ်တနံၤအတၢ်ကိၢ်တၢ်ဂီၤဘၣ်. မုၢ်တနံၤအတၢ်ကိၢ်တၢ်ဂီၤန့ၣ်အါလံလၢအဂီၢ်ဒၣ်ဝဲလံ.

လံာ်လူၤကၣ် 10:41

ကစၢ်ယ့ၣ်ၡူးစံးဆၢအီၤ, “နီၢ်မၢ်သၤဧၢ, နီၢ်မၢ်သၤဧၢ, နဲဒၣ်အံၤ, နဘၣ်ကိၢ်ဘၣ်ဂီၤဒီးနသးဘၣ်တံာ်တာ်လၢတၢ်အါမံၤအဃိလီၤ.

လံာ်လူၤကၣ် 12:11

ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ.

လံာ်လူၤကၣ် 12:22

တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ.

1 ကရံၣ်သူး 12:18

ဘၣ်ဆၣ်ဒီးဒ်တၢ်မၤအသးအသိးန့ၣ်, ကစၢ်ယွၤပာ်က့ၢ်ဂီၤလီၤဆီတမံၤဘၣ်တမံၤလၢနီၢ်ခိအလိၤဒ် အသးအိၣ်မၤဝဲအသိးလီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

၁ ပ့းတရူး 5:7

ပာ်ထီၣ်သုတၢ်ဘၣ်ယိၣ်ဘၣ်ဘီခဲလၢာ်လၢအဝဲဒၣ်အလိၤ တက့ၢ်. အဂ့ၢ်ဒ်အံၤအသးအိၣ်သုလီၤ.