လံာ်မးသဲ 6:23 - Sgaw Karen Common Bible

²³ ဘၣ်ဆၣ်ဒီးသုမဲာ်ချံမ့ၢ်ယုာ်ဒီးသုနီၢ်ဒီဂၤညါကပှဲၤဒီး တၢ်ခံးတၢ်နၤလီၤ. တၢ်ကပီၤလၢအအိၣ်လၢသုပူၤမ့မ့ၢ်တၢ်ခံးတၢ်နၤဒီး, တၢ်ခံးတၢ်နၤန့ၣ် ကနးဝဲဆံးဒိၣ်လဲၣ်.

လံာ်မးသဲ 6:23 Iomraidhean Croise

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်မးသဲ 20:15

မ့ၢ်ယတအိၣ်ဘၣ်ဒီးတၢ်အခွဲးအယာ်လၢယကသူယကျိၣ်ယစ့ဒၣ်ယဲ, ဒ်ယသးအိၣ်အသိးဘၣ်ဧါ. မ့တမ့ၢ်ဘၣ်ဒီး, မ့ၢ်ယသးအိၣ်ဟ့ၣ်ညီတၢ်အဃိဒီး, နသးကါနဲစ့ၢ်ကီးဧါ.’

လံာ်မးသဲ 6:22

ပှၤကညီအမဲာ်ချံမၤသးဒ်မ့ၣ်အူဒၢတဖျၢၣ်လၢအနီၢ်ခိအဂီၢ် လီၤ. အမဲာ်ချံမ့ၢ်ဆးဒီးအနီၢ်ခိဒီဂၤညါကပှဲၤဒီးတၢ်ကပီၤလီၤ.

လံာ်မၢ်ကူး 7:22

တၢ်အဲၣ်ဘၢမါအဲၣ်ဘၢဝၤ, တၢ်မၤတၢ်သူၣ်လီသးကွံတၢ်, တၢ်အၢတၢ်သီကိးကလုာ်ဒဲး, တၢ်လီတၢ်ဝ့ၤ, တၢ်တဃံတလၤ, တၢ်သးကါ, တၢ်ဒုၣ်ဒွဲၣ်စံးအၢ, တၢ်ပာ်ထီၣ်ထီသး, ဒီးတၢ်သူၣ်တဆးသးတဆးတဖၣ်လီၤ.

လံာ်လူၤကၣ် 11:34

သုမဲာ်ချံတဖၣ်မၤအသးဒ်မ့ၣ်အူဒၢတဖျၢၣ်လၢသုနီၢ်ခိအဂီၢ်လီၤ. ဖဲနမဲာ်ဆးအဆၢကတီၢ်န့ၣ်, နနီၢ်ခိဒီဂၤညါလၢပှဲၤဒီးတၢ်ကပီၤလီၤ. မ့မ့ၢ်ဖဲနမဲာ်ယုာ်န့ၣ်, နနီၢ်ခိဒီဂၤညါကအိၣ်လၢတၢ်ခံးတၢ်နၤအပူၤလီၤ.

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

၁ ယိၤဟၣ် 2:11

ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအသးဟ့အဒီပုၢ်ဝဲၢ်န့ၣ်, အိၣ်လၢတၢ်ခံးတၢ်နၤအပူၤလီၤ. လဲၤတၢ်လၢတၢ်ခံးတၢ်နၤ အပူၤဒီးလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်. မ့ၢ်လၢတၢ်ခံးတၢ်နၤမၤမဲာ်ဘျီၣ်အီၤအဃိလီၤ.