လံာ်မးသဲ 6:2 - Sgaw Karen Common Bible

² လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:2 Iomraidhean Croise

စံးထီၣ်ပတြၢၤ 112:9

အဝဲဟ့ၣ်တၢ်လၢတၢ်သးအိၣ် ဆူပှၤလၢအလိၣ်ဘၣ်တၢ် ဒီးအတၢ်သးကညီၤန့ၣ် တလီၤတိၢ်ဘၣ်နီတဘျီဘၣ်. အဝဲကအိၣ်ဒီးအစိအကမီၤ ဒီးကဘၣ်တၢ်ယူးယီၣ်ပာ်ကဲအီၤန့ၣ်လီၤ.

စံးထီၣ်ပတြၢၤ 37:21

ပှၤအၢပှၤသီန့ၣ်လိၢ်တၢ်ဒီးတလိးက့ၤဝဲနီတဘျီဘၣ်. ဘၣ်ဆၣ်ပှၤအဂ့ၤအဝါတဖၣ်န့ၣ် သးကညီၤတၢ်ဒီးဟ့ၣ်ညီတၢ်လီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 20:6

ပှၤကိးဂၤကတိၤတၢ်ဘၣ်ဃးအဝဲမ့ၢ်ပှၤအသးတီဒီးတၢ်နာ်န့ၢ်အီၤ သ့ထဲလဲၣ်ထဲလဲၣ်အဂ့ၢ်လီၤ. ဘၣ်ဆၣ်ကျဲးစၢးဃုကွၢ်ဒၣ်ကလိာ်ပှၤတဂၤဂၤလၢအမ့ၢ်တၢ်ဒ်အစံးဝဲ အံၤအသိးန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 11:2

ဟ့ၣ်နီၤဖးတၢ်လၢကျဲနွံဘိမ့တမ့ၢ်ဃိးဘိအပူၤဒၣ်လဲာ်တ က့ၢ်. အဂ့ၢ်ဒ်အံၤ, တၢ်အၢမနုၤအကမၤအသးလၢဟီၣ်ခိၣ်ချၢလဲၣ်န့ၣ်နတသ့ၣ်ညါဘၣ်.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 58:7

နီၤဟ့ၣ်သုတၢ်အီၣ်တၢ်အီဒီးပှၤလၢတၢ်သၣ်ဝံၤအသးဒီး အိးထီၣ်သုဟံၣ်သုဃီတဖၣ်လၢပှၤအဖှီၣ်လၢအဟံၣ် အဃီတအိၣ်တဖၣ်အဂီၢ်တက့ၢ်. ဟ့ၣ်တၢ်ကူတၢ်သိးတဖၣ်ဆူပှၤလၢ ကကူကၤတၢ်တအိၣ်နီတမံၤတဖၣ်အအိၣ်, ဒီးသးပ့ၤနီၣ် မၤစၢၤသုဘူးသုတံၢ်ဒၣ်ဝဲတဖၣ်စ့ၢ်ကီးတဂ့ၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ဟိၤၡ့ 8:1

ယွၤစံးဝဲဒၣ် အူထီၣ်ကွဲၤလၢတၢ်မၤဖုးမၤပျီၢ်အဂီၢ်တက့ၢ်. ဒုၣ်ဒါတဖၣ်နုာ်လီၤချ့သဒံးဆူယကီၢ်ပူၤဒ် လံာ်ကြီကြာ်တဖၣ်ယူၤလီၤဝဲလၢကဖီၣ်န့ၢ်တၢ်အဂီၢ်အသိးန့ၣ်လီၤ. ယပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်ဒီးပူထီၣ်ထီဒါယတၢ်သိၣ်လိန့ၣ်လီၤ.

လံာ်မးသဲ 15:7

ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,

လံာ်မးသဲ 16:3

တုၤမုၢ်ဆ့ၣ်ထီၣ်ဂီၤဂီၤတခီ, မူကပိာ်လိၤမ့ၢ်ဂီၤဒီးတၢ်အၢၣ်မ့ၢ်ခံးသူဝဲန့ၣ်, သုစံးလၢတနံၤအံၤ ကလံၤမုၢ်ကလီၤဝဲလီၤ. သုကွၢ်မူကပိာ်လိၤ, ဒီးဖးမူခိၣ်ကလံၤသီၣ်ဂီၤသ့မးလီၤ. ဘၣ်ဆၣ်တၢ်အပနီၣ်ဘၣ်ဃးဒီးတၢ်လၢအကမၤအသးတဖၣ်န့ၣ်, သုဖးတသ့ဘၣ်.

လံာ်မးသဲ 22:18

ဘၣ်ဆၣ်, ယ့ၣ်ၡူးသ့ၣ်ညါစိအဝဲသ့ၣ်အတၢ်ကူၣ်အၢကူၣ်သီဒီးစံးဘၣ် အဝဲသ့ၣ်, “ပှၤပာ်မၤအသးသ့ၣ်ဧၢ, ဘၣ်မနုၤလၢသုဘၣ်သံကွၢ်သံ ဒိးယၤဒ်သိးသုကဖီၣ်န့ၢ်ယၤလၢယတၢ်ကတိၤဒၣ်ယဲန့ၣ်လဲၣ်.

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်မးသဲ 23:6

လၢတၢ်အီၣ်တၢ်အီအမူးတဖၣ်အပူၤန့ၣ်, အဝဲသ့ၣ်အဲၣ်ဒိးဆ့ၣ်နီၤလၢတၢ်လီၢ်အဂ့ၤကတၢၢ်တဖၣ်, ဒီးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤန့ၣ်အဲၣ်ဒိးဆ့ၣ်နီၤ ဒၣ်လၢတၢ်လီၢ်လၢအဘၣ်တၢ်ပာ်လီၤဆီအီၤတဖၣ်န့ၣ်လီၤ.

လံာ်မးသဲ 24:51

ဒီးအကစၢ်ကကျီတဲာ်ကွံာ်အီၤတကူာ်တကူာ်, ဝံၤဒီးကဒုးတူၢ်ဘၣ်အီၤတၢ်တမံၤဃီလၢပှၤပာ်မၤအသးတဖၣ် ဒိးန့ၢ်ဘၣ်ဝဲန့ၣ်လီၤ. ဖဲန့ၣ်အဝဲကဟီၣ်ကယၢၤဝဲ, ဒီးကအ့ၣ်စဃံးအမဲလီၤ.

လံာ်မးသဲ 5:18

ယစံးဘၣ်တဲဘၣ်သုတၢ်မ့ၢ်တၢ်တီအံၤလီၤ. တချုးဒံးဘၣ်လၢမူခိၣ်ဒီးဟီၣ်ခိၣ် အစိၤကတၢၢ်ဝဲဒီးတၢ်သိၣ်တၢ်သီခဲလၢာ်လၢထီၣ်ပှဲၤထီၣ်ဝဲန့ၣ်, လံာ်တၢ်သိၣ်တၢ်သီအလံာ်မဲာ်ဖျၢၣ်အဆံးကတၢၢ်ဖိတဖျၢၣ်, အနၢၣ်ဖိတနၢၣ်ဒၣ်လဲာ်တဘၣ်တၢ်မၤဟးဂီၤအီၤဘၣ်.

လံာ်မးသဲ 6:16

တုၤသုဒုၣ်တၢ်အီၣ်တၢ်အီဒီး, တဘၣ်မၤအုၣ်သပှီၤသုမဲာ်သၣ်ဒ် ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်မၤအုၣ်သပှီၤအမဲာ်သၣ်ဒ်သိးပှၤကညီကထံၣ်သ့ၣ်ညါလၢ အဒုၣ်တၢ်အီၣ်အဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:3

မ့မ့ၢ်တုၤသုဟ့ၣ်သးကညီၤတၢ်ဒီးတၢ်လၢသုစုထွဲမၤန့ၣ် တဘၣ်ဒုးသ့ၣ်ညါသုစုစ့ၣ်တဂ့ၤ.

လံာ်မးသဲ 6:5

တဘျီလၢ်လၢ်ဖဲသုဃ့ထုကဖၣ်ယွၤန့ၣ်, တဘၣ်မၤသုသးဒ်ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်အဲၣ်ဒိးဂဲၤဆၢထၢၣ်ဒီးဘါထုကဖၣ်ယွၤလၢဘူၣ်ဘျီၣ် လၢအမ့ၢ်တၢ်ဘါလီၢ်အပူၤဒီးလၢကျဲသဂၢၢ်လိာ်သးအလီၢ်တဖၣ် ဒ်သိးပှၤကထံၣ်ဘၣ်အီၤကိးဂၤဒဲးအဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 7:5

ပှၤပာ်မၤအသးနၤဧၢ, ထုးထီၣ်ဆိကွံာ်သ့ၣ်အကျီၣ်လၢအအိၣ်လၢနမဲာ်ချံဒၣ်နဲအပူၤဒ် သိးနကထံၣ်တၢ်ထံထံလၢနကထုးထီၣ်တၢ်ကမှံၤလၢအအိၣ်လၢ နဒီပုၢ်ဝဲၢ်အမဲာ်ချံအပူၤန့ၣ်တက့ၢ်.

လံာ်မၢ်ကူး 12:39

လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤန့ၣ်အဝဲသ့ၣ်အဲၣ်ဒိး န့ၢ်ဘၣ်တၢ်လီၢ်အဂ့ၤကတၢၢ်, ဒီးလၢတၢ်အီၣ်အမူးပူၤန့ၣ်အဲၣ်ဒိးန့ၢ်ဘၣ်တၢ်လီၢ်လၢ ပှၤပာ်လီၤဆီတဖၣ်န့ၣ်လီၤ.

လံာ်မၢ်ကူး 7:6

ယ့ၣ်ၡူးစံးဆၢအဝဲသ့ၣ်, “ဝံယၡါယၤအတၢ်ကတိၤဆိပာ်လၢသုဂ့ၢ်န့ၣ်ဘၣ်မးလီၤ. သုမ့ၢ်ပှၤပာ်မၤအသးတဖၣ်ဒ်အဝဲကွဲးတၢ်အသိး, ‘ကစၢ်ယွၤစံးဝဲပှၤသ့ၣ်တဖၣ်အံၤမၤလၤကပီၤယၤလၢ အထးခိၣ်ဘၣ်ဆၣ်ဒီး အသးတခီ အိၣ်ယံၤဒီးယၤလီၤ.

လံာ်လူၤကၣ် 11:41

မ့မ့ၢ်, ဟ့ၣ်ပှၤဖှီၣ်ဖိယာ်ဖိတဖၣ်တၢ်အိၣ်လၢသုလီခီတဖၣ်အပူၤန့ၣ် တက့ၢ်. ဒီးတၢ်ခဲလၢာ်ခဲဆ့ကကဆှီဝဲလၢသုဂီၢ်လီၤ.

လံာ်လူၤကၣ် 11:43

ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. သုအဲၣ်ဒိးလီၢ်ဆ့ၣ်နီၤအဂ့ၤကတၢၢ်တဖၣ်လၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးလၢဖၠါပူၤန့ၣ်သုအဲၣ်ဒိးပှၤကတိၤဆၢဂ့ၤသုလၢ တၢ်ယူးယီၣ်ပာ်ကဲအပူၤလီၤ.

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 12:56

ပှၤပာ်မၤအသးသ့ၣ်ဧၢ, သုကွၢ်ဟီၣ်ခိၣ်ဒီးမူကပိာ်လိၤ, ဒီးတၢ်ကမၤအသးဒ်လဲၣ်သုသ့ၣ်ညါလီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုတနၢ်ပၢၢ်ဆၢကတီၢ်ခဲအံၤအခီပညီလဲၣ်.

လံာ်လူၤကၣ် 13:15

ကစၢ်စံးဆၢက့ၤအီၤဒီးစံးဝဲ, “ပှၤပာ်မၤအသးသ့ၣ်သုဧၢ, သုဝဲတဂၤဂ့ၤတဂၤဂ့ၤသုဃ့ၣ်လီၤသုကျီၢ်မ့တမ့ၢ်သုကသ့ၣ် ယီၤလၢကပိၤပူၤဒီးမိၤထီၣ်အီၤဆူခိဒ်သိးသုကဒုးအီအီၤထံဖဲ မုၢ်အိၣ်ဘှံးနံၤတမ့ၢ်ဘၣ်ဧါ.

လံာ်လူၤကၣ် 20:46

ပလီၢ်သုသးလၢပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ပှၤလၢအအဲၣ်ဒိးဟးထီၣ်ဟးလီၤကူသိးဒီးအဆ့ကၤဖးထီ, ဒီးအဲၣ်ဒိးပှၤကတိၤဒိၣ်ကတိၤဆၢဂ့ၤအီၤဖဲဖၠါပူၤ, ပှၤလၢအဃုထၢလီၢ်ဆ့ၣ်နီၤအဂ့ၤကတၢၢ်တဖၣ်လၢ ဘူၣ်ဘျီၣ်လၢအမ့ၢ်တၢ်ဘါလီၢ်အပူၤ, ဒီး

လံာ်လူၤကၣ် 6:24

“မ့မ့ၢ်သုဝဲလၢအထူးအတီၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုအိၣ်မူဘၣ်တ့ၢ်လံသုတၢ်အိၣ်မူ အဘီၣ်အညီလံ.

လံာ်လူၤကၣ် 6:42

နစံးဘၣ်နဒီပုၢ်ဝဲၢ်, ‘ဒီပုၢ်ဝဲၢ်ဧၢ, ဝံသးစူၤပျဲယခွဲးထီၣ်ကွံာ်တၢ်ကမှံၤလၢနမဲာ်ချံပူၤ,’ ဘၣ်ဆၣ်နတထံၣ်ဒၣ်လဲာ်သ့ၣ်ဖူတကျီၣ်လၢနမဲာ်ချံဒၣ်နဲ အပူၤန့ၣ်ကသ့ဝဲဒ်လဲၣ်. ပှၤပာ်မၤအသးတဂၤဧၢ, ထုးထီၣ်ဆိသ့ၣ်ဖူတကျီၣ်အိၣ်လၢနမဲာ်ချံဒၣ်နဲအပူၤတက့ၢ်. တုၤနုၤတစုနကထံၣ်တၢ်ထံထံဆးဆး, ဒီးနခွဲးထီၣ်ကွံာ်တၢ်ကမှံၤလၢနဒီပုၢ်ဝဲၢ်အမဲာ်ချံပူၤကသ့ဝဲလီၤ.

လံာ်ယိၤဟၣ် 13:29

မ့ၢ်လၢစီၤယူဒၤပၢၤစ့အထၢၣ်အဃိ, အပျဲၢ်အဘီၣ်တနီၤဆိ ကမိၣ်ဝဲလၢယ့ၣ်ၡူးစံးဘၣ်အီၤလၢအကလဲၤပှ့ၤတၢ်လၢ အဝဲလိၣ်ဘၣ်ဝဲလၢဘူၣ်အဂီၢ်, မ့တမ့ၢ်ဘၣ်ဒီးလၢကဟ့ၣ် လီၤပှၤဖှီၣ်ဖိယာ်ဖိလၢတၢ်တမံၤမံၤန့ၣ်လီၤ.

လံာ်ယိၤဟၣ် 5:41

ယတဃုမၤန့ၢ်ပှၤဟီၣ်ခိၣ်ဖိအတၢ်စံးပတြၢၤယၤဘၣ်.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

မၤတၢ် 10:2

အဝဲဒၣ်မ့ၢ်ပှၤလၢအအဲၣ်ထူအဲၣ်ယွၤဒီးအပှၤဟံၣ်ဖိ ဃီဖိဒီဒူၣ်ညါမ့ၢ်ပှၤတဖၣ်လၢအယူးယီၣ်ဒီးပျံၤကစၢ်ယွၤန့ၣ်လီၤ. အဝဲဒၣ်မၤစၢၤပှၤယူဒၤဖိအဖှီၣ်အယာ်တဖၣ်အါမးဒီးဃ့ ဘါထုကဖၣ်ယွၤတထံၣ်ဃီလီၤ.

မၤတၢ် 10:31

ဒီးစံးဘၣ်ယၤ, ‘စီၤကန့လံးဧၢ, ကစၢ်ယွၤနၢ်ဟူလံနတၢ်ထုကဖၣ်ဒီး ထံၣ်ဘၣ်လံနတၢ်ဟ့ၣ်သးကညီၤတဖၣ်လံ.

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.

မၤတၢ် 11:29

အပျဲၢ်အဘီၣ်တဖၣ်အိၣ်ဒီးတၢ်ပာ်လီၤအသးတဂၤဘၣ် တဂၤလၢအကဆှၢလီၤတၢ်မၤစၢၤအါအါတသ့ဖဲအသ့ဒ်သိး ကမၤစၢၤအဒီပုၢ်ဝဲၢ်အိၣ်လၢကီၢ်ယူဒၤတဖၣ်အဂီၢ်လီၤ.

မၤတၢ် 24:17

ယဟးဖးဒီးဝ့ၢ်ယရူၤၡလ့ၣ်ယံာ်ဝဲဒၣ်စှၤနံၣ်ဝံၤအလီၢ်ခံ, ယလဲၤကဒီးဖဲန့ၣ်ဒ်သိးယကလဲၤဆှၢကျိၣ်စ့တနီၤဆူယပှၤ ကလုာ်ဒၣ်ယဲအအိၣ်ဒီးလၢယကလုၢ်ထီၣ်ပာ်ထီၣ်တၢ် အဂီၢ်လီၤ.

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

ရိမ့ၤ 12:8

မ့မ့ၢ်တၢ်ဟ့ၣ်ဂံၢ်ဟ့ၣ်ဘါပှၤဂၤတဖၣ်ဒီး, ပကဘၣ်ဟ့ၣ်ဂံၢ်ဟ့ၣ် ဘါတၢ်လီၤ. ပှၤတဂၤလၢ်လၢ်လၢအနီၤဟ့ၣ်တၢ်လၢအအိၣ်ဒီး အီၤလၢပှၤဂၤတဖၣ်န့ၣ်, ကဘၣ်မၤဝဲလၢတၢ်သူၣ်အိၣ်သးအိၣ် အပူၤန့ၣ်လီၤ. မ့မ့ၢ်ခိၣ်နၢ်တဂၤဂၤဒီး, ကဘၣ်မၤတၢ်ဆူၣ်ဆူၣ် လီၤ. ပှၤတဂၤလၢ်လၢ်လၢအဒုးနဲၣ်တၢ်သးကညီၤလၢပှၤဂၤ တဖၣ်န့ၣ်, ကဘၣ်မၤဝဲလၢတၢ်သူၣ်ခုသးခုအပူၤလီၤ.

1 ကရံၣ်သူး 13:3

ယမ့ၢ်ဟ့ၣ်လီၤကွံာ်တၢ်လၢအအိၣ်ဒီးယၤခဲလၢာ်, ဒီးယမ့ၢ်ဟ့ၣ်လီၤကွံာ်ဒၣ်လဲာ်ယနီၢ်ခိဒ်သိးပှၤ ကဆူးထီၣ်ကွံာ်အီၤလၢမ့ၣ်အူအဂီၢ်သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဘၣ်ဒီး, တမ့ၢ်အကမၤဂ့ၤယၤလၢတၢ်နီတမံၤဘၣ်.

ကလၤတံ 2:10

တၢ်လၢအဝဲသ့ၣ်မၢပှၤန့ၣ်မ့ၢ်ဒၣ်ထဲလၢပကသ့ၣ်နီၣ်ထီၣ်ပှၤလၢ အလိၣ်ဘၣ်တၢ်မၤစၢၤတဖၣ်လၢအဝဲသ့ၣ်အသိးအကျါဒီးအဝဲ အံၤမ့ၢ်တၢ်တမံၤလၢယသးဆူၣ်မၤယဲန့ၣ်လီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၁ သ့းစၤလနံ 2:6

ပတဂုာ်ကျဲးစၢးဒိးန့ၢ်တၢ်စံးထီၣ်ပတြၢၤလၢသုအိၣ်မ့ၢ်ဂ့ၤ, လၢပှၤဂၤအအိၣ်မ့ၢ်ဂ့ၤန့ၣ်ဘၣ်.

၁ တံၤမသ့း 6:18

မၤလိာ်အဝဲသ့ၣ်လၢကမၤတၢ်ဂ့ၤ, ကထူးထီၣ်တီၤထီၣ်လၢတၢ်မၤဂ့ၤ တဖၣ်, ကဟ့ၣ်ညီတၢ်ဒီးအိၣ်ကတဲာ်ကတီၤအသးလၢကဟ့ၣ်နီၤ တၢ်လၢပှၤဂၤတဖၣ်အဂီၢ်န့ၣ်တက့ၢ်.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်စီၤၡမူၤအ့လးအခီၣ်ထံးတဘ့ၣ် 15:30

“ယမၤတ့ၢ်တၢ်ဒဲးဘးလီၤ,” စီၤစီလူးစံးဝဲဒၣ်, “ဘၣ်ဆၣ်ဒီးအစှၤကတၢၢ်န့ၣ်ပာ်ဖျါထီၣ်နတၢ်ပာ်ကဲယၤလၢယပှၤ ဂီၢ်မုၢ်အခိၣ်အနၢ်တဖၣ်ဒီးကယဲၢ်အံၣ်စရ့လးဒီကီၢ်အမဲာ်ညါတ က့ၢ်. က့ၤကဒါက့ၤဒီးယၤဒ်သိးယဘူၣ်ထီၣ်ဘါထီၣ်ယွၤ, နကစၢ်ယွၤကသ့အဂီၢ်တက့ၢ်.”